مين احسن دكتور فى المغربى بيعمل ليزك

**madawbs** · 14-08-2011 08:57 PM

المشاركة الأصلية كتبت بواسطة greenday

انا يهمنى الكفاءة اكتر من الأسم وكمان الفلوس واحدة لانى رايح عن طريق المركز نفسه وقالولى اختار الدكتور اللى انت عايزه وشكرا لرد حضرتك

هو حضرتك عملتها بجهاز الأنتراليز يعنى بدون مشرط جراحى الكترونى ولا ايه

ايوه بدون مشرط وبجهاز الانتراليزك

**MOUSTAFA_SAAD** · 14-08-2011 09:04 PM

هو ايه الضرر من المشرط الالكترونى

**greenday** · 14-08-2011 09:09 PM

المشاركة الأصلية كتبت بواسطة moustafa_saad

هو ايه الضرر من المشرط الالكترونى

دى مقارنة معمولة بين المشرط الأليكترونى وجهاز الأنتراليز من موقع مغربى

الفرق بين الإنتراليز والميكروكيراتوم

أولا: جهاز الإنتراليز يقوم بقطع القرنية بالسماكة المطلوب قطعها والمقررة قبل البدء في العملية، وتصل دقة القطع إلى 99 % في كل الحالات. بينما يستخدم الميكروكيراتوم الشفرة المعدنية ، فلا يمكن التحكم في سماكة القرنية بعد القطع في أغلب الحالات.

ثانيا: لا يمكن ضمان مقياس قطر قطع القرنية في أغلب الحالات باستخدام شفرة جهاز الميكروكيراتوم ، على عكس الأمر مع جهاز الإنتراليز.

ثالثا: يحقق استعمال جهاز الإنتراليز استدارة أطراف القرنية بشكل أفضل منه بشفرة الميكروكيراتوم حيث تكون زاوية القطع أكثر تعرجا وحدة ، مما يحد من واحدة من أهم المضاعفات لهذه العمليات ألا وهي نمو الخلايا في داخل أنسجة القرنية الأمر الذي يقلل من حدة الأبصار بعد عملية الليزيك. ومن خبراتنا بهذا الجهاز أنه لم يحدث أي حالة نمو خلايا في القرنية باستعمال جهاز الإنتراليز في الحالات التي أجريت بالمستشفى حتى الآن.

رابعا: إن استعمال الإنتراليز يمنع إحدى المضاعفات النادرة الحدوث مع جهاز الميكروكيراتوم وهو قطع القرنية بالكامل بدل من القطع الجزئي المطلوب.

خامسا: قطع القرنية في عمليات الليزك بواسطة الإنتراليز يترك سطح القرنية من الداخل شديد النعومة لدقة أشعة الليزر، الأمر الذي يحسن قوة وشدة وضوح الإبصار بعد العملية ويقلل الإحتياج إلى مرحلة استكمالية ثانية. وتصل نسبة الإحتياج لجراحة استكمالية إلى 10% من الحالات مع الميكركيراتوم و3% فقط باستخدام الإنتراليز.

سادسا: إستخدام الإنتراليز يقلل من الحالات النادرة جدا من إلتهاب القرنية التي تحدث نادرا بسبب استخدام المشرط في جهاز الميكروكيراتوم.

سابعا: باستخدام الإنتراليز تقل نسبة جفاف العين بعد عملية الليزك من 18% إلى 6% وكذلك تكون حساسية القرنية أفضل من الحالات التي يستخدم فيها الميكروكيراتوم.

ثامنا: الإنتراليز لا يحدث أي خدوش بالطبقة السطحية بالقرنية خلال العملية والتي تسبب بعض الألم كما يحدث في بعض الحالات التي يستخدم فيها الميكروكيراتوم.

تاسعا: يمكن باستعمال الإنتراليز درجات أعلى من قصور الإبصار.

**madawbs** · 14-08-2011 09:11 PM

المشاركة الأصلية كتبت بواسطة dr ahmed

أولا اعرف عمل حضرتك لأعرف قصدك بكلمة : معقدة جدا وانها بسيطة من وجهة نظر المريض

أظن حضرتك فهمت بالعكس
فهى معقدة من وجهة نظر المريض بينما بسيطة جدا من وجهة نظر الأطباء

وياريت برضه يكون كلامى المحدد جدا مفهوم إن الأسماء اللامعة هتعنى فقط فلوس أكثر ومقلتش خالص دكتور مدرب ولا خبير لأن المفترض والواقع إن الحاصل على ماجستير طب العيون يستطيع عمل العملية بكفاءة لأنه فعليا لا يقوم إلا بتطبيق بعض قراءات بعض الكمبيوترات المستخدمة فى الفحص قبل العملية على جهاز الليزك ويجلس عند رأس المريض فلا تتخيل أنها عملية ذات مهارة طبية أصلا

انا اقصد حاجات كتير يا فندم يه حاجات بيعملها بايده زي فيه جهاز بيقطع الغشاء الي فوق النني ( معلش انا مش متخصص فهاتلاقي المصطلحات مش مظبوطه قوي ) الضغط ده اذا ذاد عن حد معين ممكن العين تنفجر ادي مهاره مطلوبه وبعدين المفروض بيعمل علامتين او 3 علامات في الجزء المقطوع علشان لازم يرجع مكانه بالظبط ومايرجعش لافف يمين او شمال وبعدين الغشاء ده بيلحم مكانه اظن بعد 3 ايام بشرط اعادته لوضعه الصحيح وكمان انا شايف ان القراءات بتاعت الاشعه والرسم التخطيطي للقرنيه الي بيتعمل قبل العمليه وتطبيقه علي الكمبيوتر ده برده محتاج انه يكون فاهم هو بيعمل ايه وان التقارير دي تكون معموله بشكل سليم ودقيق واكيد حضرتك عارف ان فيه عيادات بتجيب اجهزه قديمه ومستعمله وبتشتغل بيها وبتعمل نتائج كارثيه

وعلي اي حال ده رايي ولما جيت اعمل العمليه عقلتها وتوكلت يعني دورت كويس واخترت مكان متجرب ودكتور وثقت في كفائته لانها اولا واخيرا عيني ولو حصل اي حاجه غلط انا الي هاعاني منه باقي عمري وفي الاول وفي الاخر كل شيء بامر الله وحضرتك طبعا حر لما تحب تعمل العمليه ابقي دور علي المكان المناسب لحضرتك وان شاء الله مايحصلش حاجه غلط وتعدي علي خير وكلنا نشوف من غير نضاره ونبقي عايشين سعداء وتاني كل سنه وانت طيب

**greenday** · 18-08-2011 11:29 AM

مستنى حد يرشحلى دكتور اتعامل معاه قبل كده

**MOUSTAFA_SAAD** · 18-08-2011 04:01 PM

http://www.nilemotors.net/Nile/239507-a.html

**madawbs** · 18-08-2011 08:30 PM

المشاركة الأصلية كتبت بواسطة moustafa_saad

http://www.nilemotors.net/nile/239507-a.html

ربنا يوفقك ان شاء الله وهاتبقي زي الفل

**kareemkr** · 02-09-2011 02:09 AM

المشاركة الأصلية كتبت بواسطة madawbs

انا عملت العمليه دي يوم 19 مايو 2010 في مستشفي العيون الدولي عند دكتور اسمه دكتور قناوي وده تقريبا تاني احسن واحد في المستشفي ونمره واحد الي عمل عمليه عين احمد السقا وده معاهم في نفس المستشفي المهم اتكلفت 6300 جنيه تقريبا بالاشاعات والكشف والحمد لله بعد سنه و3 شهور الامور كلها بخير وماحصلش اي مشاكل والحمد لله بالنسبه لمغربي ماعرفش مين افضل حد بس وانا بادور اعملها فين كان عندي قلق من مغربي بعد الحادثه الي حصلت من فتره بتاعت القطرات الملوثه وناس عنيها باظت وكده والمستشفي نفت في الجرايد بس انا فضلت قلقان برضه وعلي اي حال اسأل كتير جدا الاول وبعدين خد قرارك بناء علي معلومات مش علي اراء فرديه وقبل كل شيئ توكل علي الله زي ما قال د.احمد واستخيره وان شاء الله خير وكل عام وانت بخير

الف حمدلله علي السلامه
انا ان شاء الله ناوي اعملها كمان شهر كده بس قلقان وبدور علي دكتور كويس لان انت عارف ان ديه اغلي حاجه في الانسان بس عاوز اعرف مين افضل الدكاتره في العيون الدولي زي مبتقول فيه دكتور قناوي