بعد ما كتبت موضوع طويل عريض ... مسحته
مش عارف ليه !
بأختصار شديد جدا جدا
أيام سودة
حسبي الله ونعم الوكيل
عرض للطباعة
بعد ما كتبت موضوع طويل عريض ... مسحته
مش عارف ليه !
بأختصار شديد جدا جدا
أيام سودة
حسبي الله ونعم الوكيل
ليه بس؟
ده هو يدوبك كان طابور الصبح وتكون لابس الزي بتاعهم + دقنك محلوقة تمام ومهندم عامة
بعديها محاضرات لغاية الساعة 2 أو 3
ده كان على أيامي من 7 سنين
الدنيا اتغيرت كتير ولا إيه؟
ليه انهرده كام اول يوم و الدنيا كانت كويسة جينا الساعة 9 مشينا الساعة 11 و الناس في منتهى الاحترام
هو انت جامعة ايه و كلية ايه؟
مش هتفرق اللي بياخد التربية العسكرية من أنهي كلية
المعاملة بتختلف حسب الضباط اللي ماسكين الدفعة
عندنا كان اتنين واحد تحس إن كان كان عايز يشتمنا بالأهل بس ماسك نفسه والتاني قمة في الاحترام
كلها 14 يوم يا عم وتعدي
استحمل وخليك ملتزم بالتعليمات زي ما انت والوقت بيجري
هندسة عين شمس
في ناس محترمة
أو يمكن يبانوا كدة
وفي ناس لأ
وليه كل حاجة بنتعلمها بيقعدونا في وضع الأرتكاز ؟
الواحد عشان يفهم حاجة لازم يبقي مستريح .. واقف أو قاعد كويس
مش قاعد مقرفص علي الأرض لاهو عارف يقعد ولا عارف يقول بم .. لأنه هيبقي عيل سيس وبتاع ماما وبابا
كلنا سيس ؟
كلنا ..... ؟
وبخصوص التنظيم والتوحد اللي بيعلمونا فيه
في حد بيعلم تنظيم يفضل يرتب في 300 واحد متسلسلين جاهز في ساعتين ؟!
وفي الأخر يقولك أحفظ مين اللي قدامك عشان تقف وراه !
انا فيا كلام مش هقدر أقوله
ربنا معاكو انا زيك هندسة بس قاهرة بس بأمانة الناس معانا محترمين
نصيحه من اخ كبير..لو مااستحملتش الغباء وقله الأدب والبهدله والتعب البدنى والنفسى فى التربيه العسكريه وانت ليك جيش...هاتتعذب فى جيشك...انت كده بتسخن...هاتتمنى ربع يوم زى ده فى الجيش !
انا اتظبط فيها ده خدها سنه الفاتت كنت بروح من الساعه 7 ونص اخلص 3 ونص اروح انام اصحى تانى يوم وجامعه عين شمس وكانت ناس يااااااه ............ مقولقش بس ناس اصحابى بيخدها دلوقتى من 9 ال 12 واسبوع واحد مش 12 يوم زينا
وحد الله
انا كنت طول بعرض و متجوز و مخلف وواقف بقول حد اتنين تلاته
زميلك في حقوق عين شمس
ولو انت بتاخدها في رمضان و 2-3 ساعات دول يبقي احمد ربنا
لأن غير كده اسبوعين من الساعة 7 لحد الساعة 2-3 و هتعرف معني التربية العسكرية صح مش الهزار بتاع الــ3 ساعات دول
و تنظيم و تدريبات و الحلاقة و يا سلام لو الظابط معاه مكنة حلاقة و دقنك فيه سنة خشونة مش ناعمة يا سعدك يا هناك هههههه هيقولك احلق دلوقتي من غير مية و لا اي حاجة هههههههههه
و في الاخر بيكون عندك امتحان نظري و عملي و اهم حاجة في المحاضرات تكتب في كشكول المحاضرات و هتعمل تقريبا بحث في الاخر عشان تنجح في التربية العسكرية ع ما اعتقد 10 صفحات و بالطبع لما يجوا يقولوا تعملوا بحث 10 صفحات و الظابط يقول حد عنده اسئلة هتلاقي اذكياء يخلوا الظابط عايز يعلقهم في المراوح هيقولوه هو نعمل البحث 10 ورقات و لا 10 صفحات
انا لسه معملتش بس كنت بشوف و بقعد اشوف عشان ابقي مستعد :)
و لو الدفعة مش كويسة ممكن تزيد معاكم لــ3 اسابيع ع ما اتذكر حد قالي ان فيه دفعة قبل كده خلوهم 3 اسابيع عشان كانوا عيال غلسة
بس صدقني التربية العسكرية بالنسبة للجيش هزار مجرد تهيئة عشان تخدم الوطن
متقلقش انتم السابقون و نحن اللاحقون ههههه
خدها كده بنفس مفتوحة و اعتبر نفسك داخل مركز تأهيل بتاع الكليات العسكرية و الشرطة
وحاول تظبط لياقتك البدنية
و بالتوفيق يا جاري :)
انا لسة واخدها عين شمس برده
وسلملى عالرائد حازم والعقيد حسن والمعلم حاتم والمعلم كامل والمعلم عطوه
وهوووب حد اتنين تلاتة
انا رايح بكلريوس وعندي مشكله في ظهري (ديسك) ومش عارف أعمل إيه؟؟؟
انا كانت عليا يوم 31-7 لغاية 8-8 كسلت و مروحتش
شكلي هتعلق
بس رايح بكرة ان شاء الله اقدم من جديد و اشوف ايه الكلام !!؟
خلي بالك لازم تدخلها و تمتحن فيها و تنجح عشان تعدي منها و تاخد الليسانس او البكالوريوس
و اللي بتحتاجه عشاان تنجح الانضباط ثم الانضباط ثم الانضباط و الحضور لأن يوم واحد غياب الدورة ممكن تتلغي ليك و تعيدها كلها تاني و الكشكول اللي بتقدمه تكون كاتب كل كلمة قالوها و البحث او المجسم اللي هيطلبوه منك تقدمه في الاخر غير الامتحان النظري و العملي بس كده
مش هتصدقوووووووو
انا قدمت وكتبت اسمى
وبعدها حصلت ظرووف و مروحتش خالص
قولت خلاص اقدم السنة الجاية
و ف مرة نزل كشف ف الكلية باسماء الناس اللى عليها تربية عسكرية لازم تخلصها
فروحت عشان اشوف مين معايا يشجعنى اروح
هوووووووووووووووووووووب
ملقتش اسمى فيهم
ههههههههههههههههههه
دخلت اسال ف شئون الطلبة
فالولى انت اخدتها و اتبعتت الشهادة و محطوطة ف ملفك اهيه
اشطة جدا
مبقتش عارف اقول ايه قدام الراجل
قولتله اه هو التربية العسكرية دى هى الدورة اللى اخداناها زمان فيها كذا و كذا ( باستهبال الطفل العبيط )
الراجل قالى ايوة ( وهو بيشتم ف سره )
قولتلو اه دى انا اخدتها يا عم ( وطلعت اجرى )
و دى من ضمن الحجات اللى شلتها جميلة للجيش و مش هنسهالو طول العمر
لما تدخل جيش و في مركز التدريب تقعد من 30 ال 45 يوم طوابير في الشمس و سلام سلاح و لياقه هتعرف ان اللي انت فيه دلوقتي دلع.
أنا بردو هندسة القاهرة زيك.
مكان التقديم في المدينة الجامعية في مبنى 10 تقريبًا (المبنى ده قرب آخر المدينة، يعني هتمشي لما تقول يا بس).
أنا قدمت السنة دي على التربية العسكرية لكن لما جدول الامتحانات نزل لاقيت إن أنا عندي امتحان في أول يوم في التربية العسكرية و طبعًا ماروحتش و كسلت أقدم تاني.
أنا كنت بفكر أروح تاني الأسبوع ده أشوف لو في مواعيد أقدر أقدم فيها حتى لو هتاكل أسبوع من الدراسة بس أبقى خلصت، لو تحب تيجي معايا أهلاً و سهلاً.
الأوراق المطلوبة:
1- صورة البطاقة.
2-صورة الكارنية أو إثبات قيد أو إذن دفع (مش متأكد من إثبات القيد و إذن الدفع، الكارنيه أفضل).
3- صورتين شخصيتين 4x6.
أي خدمة.
بص يا كبير
نصيحه
انت ممكن تاخدها من اى جامعه تانيه و بتعمل تحويل بسيط جدا
اسمع ان عين شمس مقرفين و عايشين فيها دور الميرى و بالتالى ممكن تقدم تحويل و تاخدها من جامعة القاهره
انا عملت كده لان ليا صديق كان بيقضى خدمته فى جامعة طنطا و هو اللى ماسك الموضوع ده و قاللى هات بس ورقه انك هاتعملها فى طنطا و جيبتهاله و بعدها بشهر جابلى شهادة تقدير انى قضيتها بامتياز و الحمد لله
فعلا اللى بيتعب بيلاقى :d
شكراً على ردودكو يا رجالة هندسة القاهرة
لو قدمت شهر 9 تبقى الاجازة ضاعت
فهقدم في نص السنة او رمضان الجاي ان شاء الله
العقيد حسن دا هو المسئول عن التربية العسكرية في الجامعة كلها
واللي اعرفه ان حازم بيشغل الطابور بجد بس في نفس الوقت كويس
انا مش عملتها علشان عندي اعوجاج في العمود الفقري وخدت اعفاء
والله مش عارف بس يكفيني اني اقولك اني خدت اعفاء نهائي من العسكرية ومترشح ظابط احتياط :b4_556:
بص هقولك حاجة انا معرفش نظام الكشف ايه عندكم بس عندنا في عين شمس انا ساعتها خدت الاشاعات ولما دخلت علشان اكشف سألتني عندك ايه قولتلها كذا كذا قالتلي يعني محتاجة عملية قولتلها اه بس انا مش عايز. معرفش بقى كتبت ايه وبعديها لقيت نفسي اعفاء نهائي
تمام أنا هروحلهم وربنا يسهل أنا حلوان (أرخم عسكريه هتشوفها وأرخم أمن-أيام زمان- وأسوء شئون طلبه)
إن شاء الله خير بس ابقى طمنا
الظابط : العيال اللي هناك ده شكلها فرافير ( بيتكلم علي ناس كانت قاعدة في الجنينة )
الظابط برضه : العيال ده أيه ( كان بيتكلم بصوت واطي )
أحنا : فرافير يا فندم :)
أحنا طبعا في وسط الجامعة والناس بتتحرك حوالينا والحياة عادية
دخل واحد ( المفروض ولد ) لابس كاب وشعره طويل جدا ولابس لبس مش مظبوط وعامل كحكة في شعره
وحظ اللي جابوه انه يعدي قدامنا
ههههههههههههههههههههههههه ههههههههههههههههههههه
مسخرة والله
ماسيبناهوش
كمية التصفير والمعاكسة كانت رهييييييييييييييبة :)
الظابط والعساكر قعدوا يضحكوا لما قالوا يا بس :)
والواد طلع يجري :)
مين ده ولاموأخذة :))[/QUOTE]
اشرف دراز مجالكوش :8_8_13:
يبقى لسه التربية العسكرية مبداتش :_Alshmokh11: