عرض للطباعة
السلام عليكم جميعا
انا جاي اجازه مصر ان شاء الله 3 اسابيع وعايز ااجر غربيه من غير سواق في المده دي
حد عنده اقتراح معقول او شركه محترمه ويكون سعرها معقول
وعندي سؤال برده
اخبار الحاله الامنيه ايه في تقديركم انا جاي بالاسره كلها وحماي وحماتي (المان) ومزرتش مصر من سنتين تنصحوني بايه
شكرا مقدما
بص فى شركة avis مثلا و كدة و دول ناس محترمة جداااااا
انصحك ابعد عن محلات الايجار حتى و لو ببلاش
بالنسبة للحالة الامنية الحمد لله شبه مستقرة بمعنى بلاش السفر بليل ع الطرق السريعة
ان شاء تستمع ب اجازتك ف مصر
انا اتعاملت مع avis و hertz
الاتنين محترمين اوى هما بيكونوا اغلى من محلات الايجار العادية بس بتريح بالك من حيث حالة العربية والتأمين.
ودايما بحجز من المطار وبتلاقى اغلب الشركات الكبيرة وبتسال وتختار احسن سعر,,
بخصوص الحالة الامنية الامور زى الفل كنت لسة فى اجازة من اسبوعين ولفيت كتير والحمد لله الامور كلها بخير
شكرا جزيلا علي الاجوبه
انا باحجز دايما من علي النت
العربيات الموجوده ايه تقريبا انا قرات عن لانوس او لوجان
حد يعرف في الحجز العادي ايه الموجود حاليا عشان احنا اربعه وطفل ومش عايزها تبقي ضيقه اوي يعني
شكرا
أخي العزيز
قدامك شركات كتيره محترمة بس اعمل حسابك ان ايجار العربيه فى ال 3 اسابيع هيكلفك حوالى 6 الاف جنيه
المميزات :
معاملة محترمة
عربيات كويسه
مبياخدش منك اى ضمان (شيك - كمبيالة - وصل امانة)
فى حالة السرقة او التلف بتخسر مبلغ التامين اللى بيكون حوالى من 200 ل 500 دولار وده يعتبر رقم صغير لو قارنته بتمن العربية فى المكاتب التانية
الشركات اللى اتعاملت معاها
يوربكار Europcar
سيكست SIxt
سمارت كار
الحقيقية كمعاملة واسعار سيكست افضل من يوربكار ، لكن يوربكار بتديك كليومتر مفتوح وده بينفع فى الاجازات القصيرة
طالما انت نازل 3 اسابيع ف 150 كليو فى اليوم هتبقى كفاية
سمارت كار رخيصة لكنهم فى الاخر شركة محلية بحاولوا يقلدوا الشركات العالمية ، كاتبين شرط غريب ان لو العربيه اتسرقت تدفع تمنها
انا ارشحلك سيكيت اجرت منهم الاجازة اللى فاتت سوبار امبريزا سيدان اتوماتيك موديل 2009
طيب كام سعر الايجار ههل ممكن الاقى حاجة ب 200 جنيه
مزرتش مصر من سنتين و جاي تزورة دلوقتي في حالته الزفت دي بص انا عن نفسي كان ليا قريبي في امريكا و جلين مصر و نصحتهم ميجوش انت ممكن تبقي ماشي في الشارع عادي جدا تلاقي رصاص جاي مش عارف منين وارد تلاقي واحد ميت علي كتفك و انت ماشي في السكه بجد الحالة بقيت زفت الزفت و مفيش شرطة و مبقوش يعملوة حاجة انا بنزل دلوقتي و بقول يارب ليا عمر ارجع بيتنا ولا لا و محدش يقولي مش للدرجة دي لاني جربت كزا مرة و الشوارع بقيت مناظر جميله ايو اوي اوي كله زباله و تكسير و قرف و علي العموم انا مليش في ايجار العربيات بس انا حبيت اقولك شكل مصر حاليااقتباس:
المشاركة الأصلية كتبت بواسطة araberphilosoph
مصر فيها......... عفارة
مصر فيها ....... روح شريرة
مصر فيها........ ناس همج (الا من رحم ربي) وانا عن نفسي بحاول اتعلم الهمجية والبلطجة بس مش عارف ادعولي اني اتعلمها ويا سلام لو اعرف اشيل سلااااح
مصر فيها........ ناس حرامية(بلطجية) (الا من رحم ربي) فعلا مصر دي هي العسل الاسود
علي فكرة الزمن اللي احنا فيه المحترم ف اي وقت ممكن يتحول يا اما قاتل او مقتول
في نسبة (كتيرة) من الناس مبقاش عندهم صبر ومستعدين انه يتخنقوا ف اي لحظة خلاص مفيش سماحة الدين ولا رزانة العقل انا مش متشائم .........بس للاسف ده الواقع حاليا
ادعولي بقي اكون بلطجي كده او اسافر ملهاش حل تاني (رأي الشخصي)
ربنا يهديك ......اقتباس:
المشاركة الأصلية كتبت بواسطة evram
اقتباس:
المشاركة الأصلية كتبت بواسطة araberphilosoph
الحالة الامنية لوز العنب و انا في اخر فترة سافرت بالعربية شرم و الغردقة و الحياة زبادي في الخلاط
اجر عربية من شركة multinational زي ما الزملاء قالوا لك عشان ما تلبسش مع مكاتب الايجار (وصل امانة بتمن العربية و عربيات حالتها زفت الخ الخ الخ)
انا ما اجرتش في مصر مؤخرا ...... بس انا اتعاملت مع SixT في خدمة تاكسي لندن بتاعتهم و كانوا محترمين و مهنيين جدا في التعامل و ملتزمين بالمواعيد .....
من أقل من شهر كنت بدور مع واحد صاحبى على النت على عربية إيجار لمدة شهر لأنه كان نازل أجازة برضه.
متوسط أسعار العربيات الصغيرة / المتوسطة فى حدود 4 إل 5 ألاف جم فى الشهر......زى الكليو...التيدا.
شوف الشركات المالتى و بلاش مكاتب الإيجار.
و جرب برضه travel.yahoo.com
ساعات بيبقى عليها deals ظريفة.
4-5؟
ياراجل خد عربيتي وأنا مش حاخد منك أكتر من 8 في الشهر؟
شكرا للاجوبه حتي المتشائمه منها
عامه ان اجازتي مش هتكون غير في دهب كام يوم وعندي اهلي في دمياط وسالت هناك وقالوا ان الحاله الامنيه طبيعيه.
يعني انا مش هانزل القاهره ولا اسكندريه ولا اي حته غير الاتنين دول
بالنسبه للايجار انا اتعاملت مع سمارت كار مرتين بس المره دي طالعين في السعر اوي زياده عن اللزوم (سعرهم اعلي من يوركار مثلا) وبصراحه انا مش عايز كليو جربتها مرتين وصغيره شويه علينا
انا هنا عميل مستديم لسيكست ولكن عشان المسافات مش هينفع الميه وخمسن كيلو في اليوم دي خالص
شكلها هترسي علي يوربكار كلمتهم في التليفون النهارده وكانوا متفاهمين ومعامله معقوله
سؤال اخير
انا ممعيش رخصه مصريه معاي الدوليه الالمانيه وسمعت اني مينفعش امشي بيها في مصر
حد عنده معلومات عن الموضوع
شكرا
ما ينفعش تسوق برخصة دولية في بلد تحمل اقامتها او جنسيتها .......اقتباس:
المشاركة الأصلية كتبت بواسطة araberphilosoph
اتفق معاك في رائيك تمامااقتباس:
المشاركة الأصلية كتبت بواسطة bisoo
اشمعني انا بقي الي ربنا يهديني في ناس كتير رائية زاي و مدام مش هتيجي القاهرة يبقي ممكن تكون اجازة سعيدة بس انا لو مكانك هفكر الفففففففففففففف مرةاقتباس:
المشاركة الأصلية كتبت بواسطة أحمد كمال
ممكن طيب تدونا فكرة عن الاسعار
طيب انا كنت سمعت انى ممكن يبقى معاك عضوية و كارت يديك تخفيض فى
sixt
هل صحيح الكلام ده وازاى ناخد التخفيض
انا كنت في مصر لمدة شهر اجرت عربية النترا وكانت حالتها كويسه وعداد مفتوح والراجل كان محترم جدا لكن الحاجة الوحيده انه في حالة لا قدر الله العربية حصل ليها حاجة يعني اتسرقت مثلا انت اللي هتدفع تمنها مش زي الشركات المالتي ناشيونال.
ايجار العربية كان 150 في اليوم وزي ما قولت لحضرتك كان العداد مفتوح لو تحب ممكن ابعتلك اسمه ورقم تليفونه على الخاص
تصدق انا بقالي فترة كل يوم باخد رصاصتين ثلاثة وانا مروحاقتباس:
المشاركة الأصلية كتبت بواسطة evram
لدرجة ان القمصان عندي باظت خالص
كل شوية يحصل فيها خروم
وبضطر امشي بشمسية عشان الناس الميتة اللي بتقع على كتفي
حاجه تضايق فعلا :fun_broken:
اقتباس:
المشاركة الأصلية كتبت بواسطة evram
غريبة اوى
انا كنت لسة فى مصر من اسبوعين وقعدت اجازة شهر ونصف سافرت اسكندرية وشرم و الشرقية و 6 اكتوبر والعبور ولفيت كتير اوى فى القاهرة مفيش خالص الكلام دة,,,
يمكن انا محظوظ فى الشهر والنصف دول!!!!!!!!!!!!!!!!!!
طيب هل اخواتى واهلى اللى فى مصر وعمرهم ما سافروا برة محظوظين !!!!!!!!!!
ههههههههههههههههههههههههه ههههههههههههههههههههههههه ههههههههاقتباس:
المشاركة الأصلية كتبت بواسطة د.أحمد عبد الرحمن
بالنسبة للناس المحترمة الي بتترياء امال الي بيحصل في احمد بدوي كل شوية دة ايه بيهظرو معيا و الي حصل مع شاب كان ماشي في شبرا و كان قدام عنين خالي دة مثلا كاميرا خافية ولا اية بلاش كل دة الي بنسمعة دة هزار مثلا فلان عربيتوة اتسرقت فلانة اتخطفت و الي زاد و غطي القاعدة الي في سيناء واضح اني كنت بحلم صح ولا الشرطة الي ماشاء الله بقيت مش موجودة اكتر و اكتر مفيش اي امن ولا امان ولا حتي بتنجان ولا هو مفيش غير البتنجان اصلا علي العموم شكراء ل كل واحد اترياء بس ياريت لما تشوف بعينك امن و امان في مصر ابقي قولي و سلملي عليهم وحشوني اويييييييييييييي
باشااقتباس:
المشاركة الأصلية كتبت بواسطة evram
الموضوع مش تريأه ولا حاجه , دي وجهة نظرك وتحترم
بس لازم تعرف حاجه يا باشا
اللي بره مصر بيسمع الاخبار اد ما حضرتك بتقولها وبيضربها في 10 مرات
انا عشت بره 10 سنين واي خبر بنسمعه عن مصر متعرفش كان بيعمل فينا ايه
ساعة الزلزال ما حصل مكانش فيه ولا جزيرة ولا عربية ولا دش اصلا
استنينا جرنان الاهرام لما بيجيلنا ثاني يوم عشان نقرا اخبار الناس
وجالنا احساس ان مصر اتهدمت واننا لما حننزل مصر مش حنلاقي ولا عمارة واقفة ومش حنعرف طبعا نروح على منطقتنا وفاكرين انها حتكون زي اوربا في الحرب العالمية
نزلت لقيت مصر هي هي وعمارة واحدة بس جنب مدرستي القديمة هي اللي وقعت
طريقة كلام حضرتك بتقول اننا بنقتل في بعضنا
في الاحصاء الطبي حاجه اسمها false positive results
يعني اليومين دول احنا عندنا سرطان ايوه
بس مش بالزيادة اللي الناس متخيلاها وبتقول فين احنا من ايام زمان
زمان برضه كان فيه سرطان بس مكانش بيتشخص
يبقى جزء من زيادة الحالات ناتج من زيادة القدرة على التشخيص
زمان كان فيه اغتصاب وخطف وسرقة وقتل وكل حاجه
ماتجيش تقول في احمد بدوي الناس بتقتل بعضها حتى لو فرضنا ان فيه واحد مات امام خالك فيه يبقى كل اللي في احمد بدوي قتالين قتلة
لو حضرتك قضيت نبطشية جراحة في مستشفى احمد ماهر ولا الساحل التعليمي حتعرف كلامي
كنا بنروح يوم الخميس عشان نتعلم الخياطة لاننا عارفين ان يوم الخميس بيقلب بخناقة
مرة جاؤا 5 لاستقبال الجراحة, والخمسة اصحاب وكلهم راسهم مفتوحة والدم مغرق كل حتة وسادت حالة من الارتباك والفوضى والخوف من العدوى والاصابات في الاستقبال
الحكاية ببساطة انهم كانوا بيشربوا خمرة مع بعض وبعد ما انسطلوا راحوا من باب الهزار كسروا كل الازايز بتاعة البيرة على روس بعض فكل واحد واخد ازازتين تلاتة على دماغة
ممشيتش بعدها اقول بتوع شبرا بتوع خمرة وعربدة لاني عارف اني شوفت جزء صغير جدا من ملايين عايشة وعادي
فهي لم تكن دوما بالمدينة الفاضلة
لو حضرتك حاسس بالقلق وده مفهوم في الايام الغامضة دي ممكن اقترح على حضرتك حلول لها وهي كتيرة وفعالة, انما مش من اللائق النظر للأمور بهذه النظرة التشاؤمية
لأنك لو جالك ضغط او سكر محدش حيدفع لك ثمن الدوا
وتقبل تحياتي