سؤال هام بالنسبه للشاشه العرض

**tawfic** · 15-08-2011 03:43 AM

انا عربيتى رينو لوجان وشنطتها عاليه ومستبعد الباركن سنسور فاكنت عايز اركب كاميرا
وبالتالى محتاج شاشه اعرض عليه صوره الكاميرا
وفى نفس الوقت مش عايز dvd الشماسه ولا dvd مرايه الصالون
ومستغلى جدا اجهزه dvd اللى بتركب مكان الكاسيت
السؤال بقه
هل يوجد شاشه لعرض صوره الكاميرا تركب فى العربيه ومنين اشتريها وياريت الاسعار ان امكن ؟

**MOUSTAFA_SAAD** · 15-08-2011 08:43 PM

انا برده عربيتى لوجان زيك وركبت الشاشه والكاميرا

الكاميرا اتحرقت بعد اسبوعين فقط
والشاشه كل شويه تزاولنى مره تشتغل لوحدها مع المارشيدير ومره لازم اشغلها بالريموت يعنى حاجه تخنق
بعتها بنص التمن يعنى خسرت 400 جنيه فى اسبوعين

نصيحه ابعد عنها وركب باركينج سينسور احسن والاحسن من ده كله تعتمد على نفسك وتتعود على ابعاد العربيه مع الوقت

اى شاشه خرجيه تحطها على التابلوه معرضه للسرقه بسهوله وكسر زجاج العربيه

**tawfic** · 15-08-2011 09:02 PM

انا برده عربيتى لوجان زيك وركبت الشاشه والكاميرا

هههههه ما انا عارف انك معاك لوجان وكلمه فى سرك حضرتك من ضمن الاسباب اللى حببتنى فى اللوجان

الكاميرا اتحرقت بعد اسبوعين فقط

مش ضروره انا عربيتى السابقه قعدت معايا سنتين ولغايه مابعتها كانت زى الفل

والشاشه كل شويه تزاولنى مره تشتغل لوحدها مع المارشيدير ومره لازم اشغلها بالريموت يعنى حاجه تخنق

ايوه --- اللى هى اى الشاشه دى بقه ؟

بعتها بنص التمن يعنى خسرت 400 جنيه فى اسبوعين

ربنا يعوض عليك

نصيحه ابعد عنها وركب باركينج سينسور احسن والاحسن من ده كله تعتمد على نفسك وتتعود على ابعاد العربيه مع الوقت

الباركنج انا مستبعده اساسا لارتفاع العربيه وبالتالى ممكن حجر كبير ما يحس بيها الباكنج

ده غير ان السبب الرئيسى انى ممكن اخبط طفل صغير او اى حاجه وانا راجع بظهرى وهى دى المشكله الاساسيه مش الركن تحديدا

اى شاشه خرجيه تحطها على التابلوه معرضه للسرقه بسهوله وكسر زجاج العربيه

ده اساسى علشان كده انا بسأل هل يوججد احجام شاشات بحجم ال mp4 مثلا سهله الفك والتركيب

**MOUSTAFA_SAAD** · 15-08-2011 09:15 PM

سيبك بقى من الشاشه والكاميرا
طالما بتقول ان انا من ضمن الاسباب اللى حببتك فى اللوجان ايه رايك فيها بعد مااشتريتها
لان فيه ناس كتير بتسالنى عليها وبحاول اكون محايد موضوعى على قد ماقدر
لان ساعات ناس من زمايلنا بيبالغوا شويه وبيدبسوا الناس فى عربيه مش حيحبوها لانهم بيقولوا مواصفات خياليه عنها فى فئتها السعريه

**tawfic** · 16-08-2011 03:36 AM

المشاركة الأصلية كتبت بواسطة moustafa_saad

سيبك بقى من الشاشه والكاميرا
طالما بتقول ان انا من ضمن الاسباب اللى حببتك فى اللوجان ايه رايك فيها بعد مااشتريتها
لان فيه ناس كتير بتسالنى عليها وبحاول اكون محايد موضوعى على قد ماقدر
لان ساعات ناس من زمايلنا بيبالغوا شويه وبيدبسوا الناس فى عربيه مش حيحبوها لانهم بيقولوا مواصفات خياليه عنها فى فئتها السعريه

هاقول لحضرتك المفيد
اللى مش معاه ثمن اللانسر او النيسان يجيب اللوجان وهو مغمض
واللى معاه ثمن الفيرنا او اللانوس يشترى اللوجان اكسبله
واللى معاه ثمن الريو او الاكسنت يشترى اللوجان اوفر
دى وجهه نظرى علشان كان معايا اللانسر واللانوس والكيا وعن تجربه اللوجان تكسب
الحمد لله العربيه زى الفل معايا ومش معنى ان فيه عيوب بتظهر فى بعض السيارات منها انها عيوب تصنيع
ياراجل انا واحد قريبى جاب bmw 316i موديل 2010 زيرو راح بيها التوكيل مرتين علشان حاجات ظهرت عنده وظبتهالو هناك

**bondjames** · 17-08-2011 10:06 PM

على فكرة أنا مركب كاميرا و شاشة تتعلق على المرآة شغالة من سنتين صحيح ساعات ماتشتغلش - لكن أطفى و أدور تانى - تشتغل - لكن طبعا من غيرها أحتاس فى الرجوع - كان عندى لانوس خطفوا الواد إبن البواب من تحتها قبل ما أدوسه وأنا راجع - إزاى بقى الواحد يستغنى عن الكاميرا؟