مشروع تجارة قطع غيار السيارات

**زينة الله** · 15-08-2011 04:52 AM

السلام عليكم يا أهل نايل موتورز الكرام

أسمع إن تجارة قطع غيار السيارات مربحة لكنها تحتاج رأس مالى كبير فى البداية

وبما إننا فى منتدى سيارات وأكيد كتير من الأعضاء الأفاضل عندهم خلفيه ومعلومات عن قطع غيار السيارات بأنواعها المختلفة

يا ترى إيه أفكاركم أو نصايحكم فى المشروع دا ؟؟

وإيه أقل مبلغ ممكن نبدأ بيه ؟؟

مع خالص تحياتى وأحترامى

**M.Alaa92** · 15-08-2011 10:05 AM

بصى التجارة دى رابحة ان شاء الله
بالنسبة لراى
انك مثلا تجيبى نص لانوس و نوبيرا و فيرنا مبدئيا
عشان دول موجودين ف السوق و تشوفى الدنيا ماشية ازاى و بعد كدة تزودى واحدة واحدة

**MaZaGAngeE** · 15-08-2011 10:47 AM

المشاركة الأصلية كتبت بواسطة m.alaa92

بصى التجارة دى رابحة ان شاء الله
بالنسبة لراى
انك مثلا تجيبى نص لانوس و نوبيرا و فيرنا مبدئيا
عشان دول موجودين ف السوق و تشوفى الدنيا ماشية ازاى و بعد كدة تزودى واحدة واحدة

و الحاجات دي تيجي منين ؟

**ZALABANY** · 15-08-2011 10:55 AM

الموضوع ده مكسبه كويس جدا بس عايز رأس مال كبير لو هاتشتغل في الإستيراد او الجديد ولو استيراد هايحتاج مكان مخزن كبير ولازم يكون ليكي حد بره عشان يجيبلك العربيات

**M.Alaa92** · 15-08-2011 12:22 PM

المشاركة الأصلية كتبت بواسطة mazagangee

و الحاجات دي تيجي منين ؟

ف الاول ممكن تنزل بورسعيد و تجيب النصين ولو المشروع مشى ان شاء الله يبقى فى حد برة يجيب الانصص او تطلع بطاقة استيرادية و تستورد

**زينة الله** · 15-08-2011 03:05 PM

المشاركة الأصلية كتبت بواسطة m.alaa92

بصى التجارة دى رابحة ان شاء الله
بالنسبة لراى
انك مثلا تجيبى نص لانوس و نوبيرا و فيرنا مبدئيا
عشان دول موجودين ف السوق و تشوفى الدنيا ماشية ازاى و بعد كدة تزودى واحدة واحدة

المشاركة الأصلية كتبت بواسطة m.alaa92

ف الاول ممكن تنزل بورسعيد و تجيب النصين ولو المشروع مشى ان شاء الله يبقى فى حد برة يجيب الانصص او تطلع بطاقة استيرادية و تستورد

فعلا بورسعيد مشهورة باستيراد قطع غيار السيارات أكتر من أى مينا تانى فى مصر

وفى كمان ناس بتشترى نص العربية أو الأبواب أو الشنطة أو .... من الشركات اللى بتشتغل فى عربيات الحوادث - كفانا الله الشر -

فبيأخدوا الجزء السليم من العربية ويبعوه كقطع غيار

**زينة الله** · 15-08-2011 03:11 PM

المشاركة الأصلية كتبت بواسطة ZALABANY

الموضوع ده مكسبه كويس جدا بس عايز رأس مال كبير لو هاتشتغل في الإستيراد او الجديد ولو استيراد هايحتاج مكان مخزن كبير ولازم يكون ليكي حد بره عشان يجيبلك العربيات

أيوه ... حكاية رأس المال الكبير دى ؟؟؟ لو عايزين نبدأ بالمعقول وعلى قدنا

ممكن أقل رأس مال يبقى كام مثلا ؟؟

**زينة الله** · 15-08-2011 03:24 PM

طيب سؤال :-)

ممكن نبدأ بقطع الغيار الصغيرة زى السيور والفلاتر والبوجيهات والبطاريات والمرايات وما إلى ذلك ؟؟

والا لازم يكون هناك الأجزاء الكبيرة زى الابواب والشنطة و ... اللى ممكن تكون محتاجة مكان واسع نوعا ما

سؤال كمان :-)

هل ممكن نتخصص فى نوع واحد من العربيات ؟؟ يعنى قطع غيار الهيونداى أو الكيا أو اللادا ... نختر نوع واحد منهم

والا لازم يكون المجال متسع لأكتر من نوع من السيارات ؟؟

على فكرة كنت بشوف ساعات محلات قطع غيار مكتوب عليها مثلا فلان للبيجو ( أو علان للادا ) بس دى محلات قديمة شوية

**heshamzaky** · 15-08-2011 03:35 PM

المشاركة الأصلية كتبت بواسطة زينة الله

طيب سؤال :-)

ممكن نبدأ بقطع الغيار الصغيرة زى السيور والفلاتر والبوجيهات والبطاريات والمرايات وما إلى ذلك ؟؟

والا لازم يكون هناك الأجزاء الكبيرة زى الابواب والشنطة و ... اللى ممكن تكون محتاجة مكان واسع نوعا ما

سؤال كمان :-)

هل ممكن نتخصص فى نوع واحد من العربيات ؟؟ يعنى قطع غيار الهيونداى أو الكيا أو اللادا ... نختر نوع واحد منهم

والا لازم يكون المجال متسع لأكتر من نوع من السيارات ؟؟

على فكرة كنت بشوف ساعات محلات قطع غيار مكتوب عليها مثلا فلان للبيجو ( أو علان للادا ) بس دى محلات قديمة شوية

دة أنسب حل من وجهت نظرى يعنى تجارة قطع غيار جديدة و يبدأ فى المعقول
بصى قطع الغبار الاستيراد لازم الى حا يشتغل فيها يبقى عندة مخزن مساحتة معقولة نسبيا و عمال للشيل و الحط و قصة كدة عاوةزة ممارسة شوية
الاسهل محل قطع غيار جديد مش أستعمال و لما القصة تبدا تمشى ممكنم شوية شوية تبتدى التوسع
يفضل نسبيا التخصص فى البداية فى قطع غيار كام نوع من السيارات و بعد كدة تتوسع القصة و الى بيكسب أسهل الكماليات و الاكسسوارات و ربنا يوفق بأذن الله
لو عاوزة تشوفى يعنى أية قطع غيار أستيراد و أنصاص عربيات ممكن أوريلك المنظر ههههههههه أنتى عارفة مش حا أغلب ههههههههه

**SYD** · 15-08-2011 03:55 PM

يا جماعة طبعا التفاؤل حلو وكل حاجة

بس انتوا بتحلموااااااااااااااااااا ااااااااااااااااااااااااا ااااااااااااااااااااااااا ااااااااااااااااااااااااا ااااااااااااااااااااااااا ااااااااااااااااااااااااا ااااااااااااااااااااااااا ااااااااااااااااااااااااا اااااااااااااااا

انا سألت في الموضوع دة من فترة واحد زميلي عنده محل قطع غيار سيارات في التوفيقية

ولما بسأله اني عايز اخد توكيل

قالي مستحيل مستحيل مستحيل
والموضوع دة اشبه باللعب مع الكبار (زي حركات الأفلام والمسلسلات بتاعة يسرا)

بالأضافة انه عايز رأس مال كبير أخر حاجة (اساسا رأس المال يغنيك عن الشغل)

لكن اعتقد موضوع استيراد سيارات حوادث او سيارات كقطع غيار مستعملة فهذا امره سهل نوعا ما (مش اوي يعني)
بس بردو محتاج شوية حاجات كدة زي مخازن كبيرة ومتسعة وعالية
زي بطاقة استيرادية
بطاقة ضريبية
مخلص جمركي
حد برة معرفة يشتريلك ويبعتلك

واعتقد ان الي برة لو اشتري وبعت حاجة مش كويسة حضرتك بتشربها

والله المستعان
،
،