أستفسار لشيفروليه لانوس 2011

**dado_256** · 15-08-2011 05:23 AM

يا جماعه معلش عندى استفسار
النهارده واحد صاحبى استلم عربيه فى الشغل شيفروليه لانوس زيرو موديل 2011 المهم هحكلكم كل حاجه بالتفصيل

اولا استلمناها من الشركه فى القاهره طبعا العربيه زيرو والعداد كان قدامنا زيرو تمام المهم مكانش فيها بنزين خالص المؤشر كان على اخره وفى طريق العوده لاسكندريه
اول طلعه بالعربيه عشان نوصل للبنزينه العربيه ماشيه بتنتش جامد اوى قولت يمكن عشان عايزه بنزين المهم رحت وفولتها بنزين 92 واخدت بالظبط ب 73 جنيه المهم مشينا بيها شويه برضو كان فى تنتيش بسيط بس راح كان الجو حر جدا شغلت التكيف العربيه بقت بطه ماشيه مفيش سحب خالص وبتطلع بالعافيه وانا ماشى كنت على سرعه 100 المهم كنت طالع كبرى فا هديت عشان العربيات وكده ونزلت 70 اجى ادوس تانى مفيش استجابه تماما السرعه بتقل فى مطلع الكبرى انا دايس عشان تمشى ودى بتقل نزلت 60
رحت جايب رابع ومشيت ها ها سحبت شويه حاسس انا مخنوقه جدا سلحفه ماشيه
مسكت الطريق والعربيه مش بتجرى تماما بتوصل ل 140 بالعافيه وصوت الموتور عاااااالى مووووت وخشن اوى

اخرها ببالتكيف على الطريق كان 140 ولما بطفى التكيف كانت بتوصل ل 150 بالعااافيه وطلوع الروح والموتور على اخره

ممكن اعرف هل ده امر طبيعى فيها ولا ايه النظان يارب حد يفيدنى ويقولى عشان انا اول مره اركب عربيه زيرو والاقيها بالمنظر ده

**MaZaGAngeE** · 15-08-2011 05:37 AM

ازاي زيرو و تمشي بيها 140 ؟ و كمان مشغل تكييف ؟
و تلاقيك كمان الار بي ام معدي ال3000 كمان

**dado_256** · 15-08-2011 05:53 AM

المشاركة الأصلية كتبت بواسطة MaZaGAngeE

ازاي زيرو و تمشي بيها 140 ؟ و كمان مشغل تكييف ؟
و تلاقيك كمان الار بي ام معدي ال3000 كمان

مش فاهمك ؟؟؟؟؟

**MaZaGAngeE** · 15-08-2011 10:34 AM

المشاركة الأصلية كتبت بواسطة dado_256

مش فاهمك ؟؟؟؟؟

يا باشا العربية لما تكون زيرو لازم تلين الف كيلو و سرعتك متزيدش عن 100 كلم و الآر بي ام مايزيدش عن 3000 , و فيه رأي بيقول متشغلش التكييف غير بعد الالف كيلو و رأي تاني بيقول عادي ممكن تشغله .

طبعا سيادتك نفخت العربية من أول ما استلمتها و كده غلط لأن الموتور و العفشة و آلات الجر محتاجة تطبع على بعضها الأول و بعد كده تشد شوية و بعد كده تفتح الموتور .....

**hanyeng** · 15-08-2011 04:22 PM

العربيه دي بالاسلامه
صح العربيه لازم تلين
حتي لو 500 كيلو
الكلام السابق كله صح
انا معيا زيرو
انت يجيب تسايس العربيه الزيرو
يعني عندك حصان لسه بيتروض
تروح اول مره حطاط سرج ولجمام وتخليه يجري هيعمل ايه يوقعك
انا جبت العربيه مشيت فتره مزيدش عن 60 لمده اسبوعين
واسبوعين كمان لغابة 80
واسبوعين لغايه 100
واستمريت علي كده لغاية موصلت 1000 كيلو
نزلت الزيت وحطيب زيت 1000 برده
ومشيت ومعدتش 100
وبدائت اشغل التكيف
وبعد كده دنتني ثابت علي 100 لغاية مغيرت الزيت تاني وحطيت 10000
وصلت الي 140 وانا مشغل التكيف حتي وصلت

لغاية 150 بالتكيف

**dado_256** · 15-08-2011 09:05 PM

يا جماعه العربيه كانت مترخصه وماشيه حوالى 100 كيلو انا مستلمها جاهزه

طيب هل ده ممكن يكون اُر على لعربيه ف حاجه ولا ايه انتو قلقتونى جامد

**MaZaGAngeE** · 15-08-2011 10:06 PM

ان شاء الله مش هيأثر عليها
بس انت من دلوقتي و رايح لحد ما تخلص ا 1000 كيلو
1- السرعة لا تزيد عن 100
2- الار بي ام لا يزيد عن 3000 لفة
3- ممنوع القرص على العربية
4- متشغلش التكيف و ده الأفضل .... لكن عشان النار دي شغله على 1 بس

**dado_256** · 16-08-2011 04:19 AM

الف شكر ليك بجد طمنتنى

**hugan** · 16-08-2011 04:22 AM

الكلام الخاص بالتليين وعدم تشغيل التكييف في ال 1000 الاولي سليم وتمام
لكن هو عنده مشكله تانيه
العربيه كانت بتنتش وده مالوش علاقه بالتليين

-

الموضوع: أستفسار لشيفروليه لانوس 2011

LinkBack

أدوات الموضوع

عرض

-

-

-

-

المواضيع المتشابهه

استفسار بالنسبة لشيفروليه لانوس زيرو

افضل جهاز انذار و سنتر لشيفروليه لانوس

أستفسار عن سماعات و كاسيت صنى 2011

افضل جهاز انذار و سنتر لشيفروليه لانوس

طلب من الملاك الجدد لشيفروليه لانوس

الكلمات الدلالية لهذا الموضوع

المفضلات

المفضلات

ضوابط المشاركة