أهلا بكم .....
أنا كنت بس عاوز أسأل إذا كان حد غير بطارية العربية بواحدة امبير و هل أثر ذلك علي نعومة نقلات الفتيس ولا لأ
أصل الفتيس عندي بينتش في النقلات و مش عارف هل أغير البطاريه ولا لإ:Y_hi_3[1]::Y_hi_3[1]:
عرض للطباعة
أهلا بكم .....
أنا كنت بس عاوز أسأل إذا كان حد غير بطارية العربية بواحدة امبير و هل أثر ذلك علي نعومة نقلات الفتيس ولا لأ
أصل الفتيس عندي بينتش في النقلات و مش عارف هل أغير البطاريه ولا لإ:Y_hi_3[1]::Y_hi_3[1]:
متابع ، لان عندى نفس النتشة وبتبان قوى فى النقلة التانية
ياريت حضرتك تحدد نوع الفيتيس مانيوال ولا اوتوماتيك؟؟ علشان نقدر نفيدك
غير فلتر الهوا وهتلاقي كل حاجه تمام
اوتوماتيك
super salon 2009
هى النتشه ممكن يكون سببها البطارية؟
الموضوع محتاج مناقشه صراحه لانى ساعات اشعر بيها وساعات لأ ....
وباقول ان السبب انى اكون كابس بنزين ... او تكون مشغل التكييف والجو حار جدا ... او تكون تموينة البنزين اى كلام ...
مش عارف سببها ايه صراحه
النتشة ديه طبيعية و مفيش مشاكل و متحطش في دماغك
و لو مضيقاك اوي يبقي اعمل Reset لكمبيوتر العربية
حضرتك النتشه دى طبيعيه انا برضه عندى سوبرصالون 2008 وفيها نفس النتشه
كان في موضوع عن النتشه دي يبقي بطاريه لان المهندس سبعاوي و هو مهندس ميكايكا سيارات اكرمه الله كان عامل موضوع عن النتشه دي لحد ماكتشف ان البطاريه ضعفت و كانت عايزه تتغير و غيرها بالفعل النتشه راحت
فياريت تقول البطاريه بقالها اد ايه
الموضوع ده اللى حيحله وقولنا الزتونة.. الاعضاء اللى غيروا البطارية بتاعت العربية ببطارية جديدة الامبير بتعها اكبر من القديمة .. يعنى غيروا القديمة مثلا ب55 امبير
ولو قالوا ان النتشة دى لسه موجودة مع انهم غيروا البطارية يبقا الموضوع طبيعى فى عربيات نيسان الاتوماتيك كلها
عامة حنشوف ومستنين راى الاعضاء اللى غيروا البطارية القديمة بجديدة و55 امبير
كنت قريت موضوع سبعاوى
وغيرت البطاريه من صديق ببطاريه جديده 55 امبير
وفى نفس اليوم عملت ريست للفتيس وكشف اعطال
النتشه خفت جدا او انا اللى وهمت نفسى بكده
تانى يوم مع التكييف والحر لقيتها موجوده ولا فيه فرق ممكن اقل حاجه بسيطه جدا
بحاول اتعايش معاها
واوقات مبحسش بيها بس فيه اوقات بحس انها ممكن تفك عفشه العربيه
تقريري كالآتي
انا غيرت البطارية الكولرايد بتاعة العربية بتاعتي نيسان صني 2009 اوتوماتيك بعد سنتين بالظبط و التغيير كانت ركنة العربية في الجراج اسبوع في ايام الثورة
كانت البطارية طبعا 45 امبير و لما غيرتها جبت بطارية جافة 55 امبير
لا يوجد اي تغيير جزري او حدث اي شيئ و لا يوجد فرق بين القديمة و الحديثة
الفرق الوحيد اللي كنت ملاحظه في دوراة العربية لما كانت البطارية القديمة كانت الدوراة مش عجباني
لكن لا يوجد اي نتشة ف الفتيس قبل التغيير او بعده و زي ما قولت و من الاخر اللي مش عاجبه موضوع النتشة .. يعمل Reset لكمبيوتر العربية و هيلاحظ الفرق طبعا
كيفية عمل Reset للعربية
في البداية احب انوه انك تكون قافل زجاج العربية عشان تسمع كويس اللي هيحصل جوا العربية :
هنحط مفتاح العربية في الكونتاكت و ندور المفتاح للوضع on بس مندورش العربية لغاية ما لمبة الاوفر درايف تنور و اول ما تفصل علي طول نقوم نلف مفتاح العربية علي وضع off و نستني حوالي 5 ثواني لغاية اما نسمع صوت تكة من الناحية اليمين للطابلوه و بعدين نقوم عاملين الخطوة اللي فاتت تاني ندور المفتاح للوضع on بس مندورش العربية لغاية ما لمبة الاوفر درايف تنور و اول ما تفصل علي طول نقوم نلف مفتاح العربية علي وضع off و نستني حوالي 5 ثواني لغاية اما نسمع صوت تكة من الناحية اليمين للطابلوه و بعدين نقوم مدورين العربية عادي جدا
في هذه الحالة تم عملReset للعربية ملحوظة هامه : اوعي و انت بتعمل الموضوع ده تكون دايس علي اي دواسة من الدواسات و خصوصا دواسة البنزين لأن و الريسيت بيحصل بيظبط حساسات و حاجات كتير في العربية منها TPS
ارجوا اكون افادتكم
انا عملته 10000 مرة قصدي 10001 و كله تمام
الموضوع ده بالظبط زي ما التوكيل بيحط العربية علي الكمبيوتر
:Y_hi_3[1]: انا عملته كتير برضه ايام الضفيرة القديمة قبل التغيير وكان عادى جدااااا
ساعات تصيب معايا وساعات تخيب بس دلوقت مش باحتاج اعملها
وافتكر ان النتشة فى الاتوماتيك ده امر عادى يعنى وبيكون اقل فى الفتيس الcvt على ما اعتقد لأنى ركبت اللانسر بومة كتير وما حستش بيها بصراحة
النتشة موجودة حتى بعد تغيير البطارية
لسة ماكملتش شهر
وبتبقى موجودة من التانى للاول
وبالذات لما تخف رجلك بسرعة من على البنزين
او قارص على الموتور
المفاجأه انها موجوده في المانيوال كمان بتحس ان العربيه فرملت لوحدها بصوا دي من التكيف لما الكومبريسور بيبقى فاصل و بعدين يجي يحمل في الوقت الي حضرتك فيه مبتكونش دايس بنزين فبيسحب من عزم النقله في العربيه كانك سقطت نقله من غير ما تدوس بنزين بالظبط و متقلقوش و جربوها و انت قافلين التكيف مش هاتحصل و عن تجربه
فيه مقاومه اسمها dropping Resistance لما بتضعف او يكون فيها مشكله بتعمل نتشه فى النقلات خصوصا من الاول للتانى ثم تضعف النتشه فى التالت ولا تشعر بها فى الرابع
هذا حدث معى وغيرت المقاومه واللى قال لى عليها مهندس فى التوكيل.
نسيت اقول ان المقاومه دى موجوده فى كبوت العربيه من فوق الموتور من على الجنب وتركيبها سهل ليس له علاقه بوحده الفتيس
شكلها كده و قياسها مقاومتها المزبوط
http://img11.imageshack.us/img11/9652/98360200.png
انا كان معايا صنى 2006 والمشكله حصلت فيها وغيرت المقاومه بواحده اخرى استيراد لانه لم يكن هناك جديد بالتوكيل وكانت على ما اظن 700جنيه وبعدها رجع الفتيس زى الجديد تماما.
انا الان معى تيدا 2010