هي العربية دي سعرها كام يا جماعة انا بحب الاشكال دي من العربيات بحسها شديدة كدا زي الامريكي القديم
هي العربية دي سعرها كام يا جماعة انا بحب الاشكال دي من العربيات بحسها شديدة كدا زي الامريكي القديم
[gdwl]
طب حضرتك عينك ميزانك والصور قدامك العربية عليها ترخيص متأخر 4 سنين وهي موديل 86 والمكنة والعفشة فيها شغل فتدفع فيها كام بس بجد من غير هزار والعربية فعلا قوية بس مش بقوة الأمريكاني بس عطلاتها أقل فتدفع كام دلوأتي ومتقولش كلام إبن عم حديث قول أنا أدفع مثلا جنيه وأنا عند كلمتي جايز صاحبها يبيعهالك[/gdwl]
لا يا باشا انا مش هدفع فيها الا 400 جنية
ببساطة لان معاييش غيرهم دلوقت
انا بقالي 4 سنين انفسي اشتري العربية الي في توقيعي
بس الجيب و احكامة
بس عن نفسي بحب الاستايل دا من العربيات جدا
في تقديري لو العربية نضيفة اوي ممكن تعمل في حدود 40 او اقل او اكتر معرفش بالظبط لان لسة هتتظبط وطقم كاوتش وتظبيط موتور وعفشة وتترش لانها متبهدلة خرابيش وترخص متراكم وغرامات ومخالفات والذي منة
بئه يا راجل يا طيب يا غالي معاك 400 جنيه وعايز تدفع 40 ألف هو لو صاحبها عرف يبعها حتى لو بربع المبلغ اللي إنت بتقول عليه كان رماها الرمية السودة دي والعربية اللي إنت شايفها في الصورة عشان تبقه عربية وتنزل تتباهى بيها في الشارع حتحتاج أقل واجب 20 ألف جنيه لأن أنا حبعت أجيب كل حاجتها من دبي وكل دي مشاوير وفلوس متلتلة وأنا حقلك حاجة إنت لو معاك 10 آلاف جنيه مش حتاخدها أنا عارف تفكير الشباب المصري حتروح تجيب 128 معفنة ب 18 ألف زتدفعش بدي 10 آلاف عشان إنت عارف فلوسك في ال 128 حتلاقيهم في دي خلاص تنسى فلوسك وأنا واللي زيي في مصر قليلين جدا أنا عندي 5 عربيات فيهم 2 مرسيدس كلاسك موديل 60 و65 شريتهم على الجنط وقعدت 3 سنين أشد فيهم ولسه مخلصتش وهكذا وربنا يوفق الجميع
تصدق اكتر عربية بكرها في حياتي كلها هي 128 دي انتن عربية في الكون في نظري
انا لو معايا 10000 مش هجيب عربية لان ميجيبوش حاجة من الي في دماغي
انا عايز لما اجيب عربية اجيب عربية بجد مش لعبة
يعني اقل حاجة ممكن اي تويوتا قديم دفع خلفي او حاجة من الي ممكن اخليها عربية بجد لما يبق معايا فلوس
عشان كدا بحب ال bmw e30 بس مفيش فلوس دلوقت اني اجيبها واصحابها بيحطو اسعار مستفزة جدا
هتستغرب اوي لو عرفت اني بفضل العربيات القديمة علي الجديدة
طيب ماتاخد العربيه دى طالما انت غاوى كلاسيك وعليها عربيه كمان قطع غيار ليها طالما انت غاوى كلاسيك ده لو الحاج رضى يبيعها موريس اوكسفورد 1961
http://a7lashare.com/uploads/images/...bd62a01321.jpg
متهيألك :M_yes[1]:
الجديد جديد مهمااا كان...بلاش تقع فى المستعمل....اشترى دماغك وهات جديد مهما كان...انا كنت بسمع النصيحه دى وكنت بفوتها انما لما جربت وشفت ناس مجربه بجد حسيت بيها اوى....الزيرو زيرو مهما كان...............
بس متجبش بى ام موديل 2005 حالتها كويسه لفيرنا زيرو مثلا وتقولى القديم افضل اهو
انا اقصد ابعد كل البعد عن العربيات اللى فى دماغك دى لانها متعبه ومرهقه جدا ونسبه صغيره جدا لما تلاقى عربيه معموله بمزاج....الواحد مننا مش بتاع وقفه عند ميكانيكيه وصنايعيه وخلافه....اركب زيرو معاك ضمانك وتوكيلك وصياناتك وزى الفل وريح الطاسه
لا انا فاهمك بس انا عن نفسي مقصدي القديم اوي بتاع افلام الابيض واسود لان دا لا تسارع ولا اي حاجة وفي اشكال غريبة اوي
انا مثلا ملاحظ ان التمانينيات كان فيها عربيات جبارة فعلا
يعني كان في عربية تمانينيات بس مش فاكر اسمها كانت راكب واحد الي هو السواق وكان في النص
والعربية دي لا فيها كمبيوترات ولا بتاع وتخيل انها تطلع نمن بوجاتي فيبرون وهي استوك؟؟؟؟؟؟؟
بص يا صحبي في عربيات خالدة طلعت غلطة في حياة الشركات والموديلات اللي بعدها معرفوش يعملوا موديلات بجمالها يعني مثلا الرويال ال 90 إتفرج على اللي قبلها وعلى الموديلات اللي بعدها لغاية 2005 وقلي مين أشيك وأحلى إتفرج على لكسز إل إس 400 موديل 93 ودي اللي ناوي عليها بعد الرويال 90 شدو حيلكو يا رجالة وعندك البي إم اللي إنت حاططها موديل 91 دي عربية متتكررش وكل بي إم دبليو من وجهة نظري المتواضعة لو مكانش من الفئة السابعة فكلو في صفيحة الزبالة حتى ال 2011 وأنا كان معايه بي إم 12 سلندر عربية خرافة 750 آي إل وعندك من الكلاسيكيات المرسيدس 190 موديل 92 دي تاخدها متعدلة عربية فعلا عليها العين وفي كذا عربية من اللي بنتكلم فيه وبعدين مش كل الجديد جديد يعني اللي راكب سيراتو زيرو يخش المطب يحس نفسو راكب تكتك بس خش مطب في مرسيدس 90 أو رويال 90 أو كابريس 90 وقلي إيه الظروف معاك
حضرة الرفيق أنا تحت أمرك إسأل وأنا أجاوبك ولو تتبعت مشاركاتي في نايل موتورز حتلاقيني بساعد الناس بمعلوماتي عشان من غير فخر ومن غير فشخرة أنا ركبت أكتر من 1000 عربية في حياتي الصغيرة وأكتر عدد كان عندي في حياتي 52 عربية عشان كان عندي شركة تكسي بس من ضمنهم 8 عربيات ملاكي عاملهم على عدد أيام الأسبوع ووحده إستبن بس بعد الأزمة العالمية والبورصات في 2008 خسرت كل فلوسي تقريبا بعدها جت الثورة كملت على الباقي وقعدتنا في بيوتنا نبيع هوا بس رغم كل ده مبطلتش الهواية الوحيدة اللي بحبها في حياتي وهي جمع وركوب العربيات وعندي دلوأتي 5 عربيات وحده 2008 و2 2010 ووحده 1960 ووحده 1965 وبتسلى فيهم وأشد ولو شفت عربية وعجبتني ومعييش تمنها أروح لصاحب العربية أقلو بص حط العربية مركونة عندك وأنا أديك ألف جنيه بالشهر ولما أوصلك كل تمنها إديهالي وهكذا يعني أنا عندي العربيات أهم من الأكل والشرب واللبس وأي حاجة تانية وده مزاجي وأنا تحت أمرك إنت لو إحتجت أي إستشارة أنا مش حتأخر
انا مبحبش العربيات الجديدة خالص معرفش لية خصوصا الجر الامامي
وبكلامي دا اقصد الجديد في مصر الكوري والحجات الاسياوية دي
انا من اول ما فكرت اجيب عربية وانا بحب لدفع الخلفي او الرباعي
انت اكيد تسمع عن الاسطورة جي ونج
انا شفتها بالصدفة وبعدين سالت عنها كتير
العربية دي خيالية مع انها قديمة من ميرسيدس
انا بعشق حاجة اسمها بي ام تمانينات وتسعينات ومبحبش الجديد منها بصراحة
بحب اوي الفيراري القديم والاستوت مارتن
بس بصراحة نفسي في الي في توقيعي ادعولي اجيبها
وعلفكرة انا بايد الفكرة انك تكلمنا عن عربياتك الكلاسك والي ناوي تجيبهم او الكلاسك عموما
وممكن نطلب من كريم قسم للسيارات الكلاسك
ربنا أكيد حيرزقك وعلى فكرة صورة العربية اللي إنت حاططها في خطتي برضو بس أقلك أنا الموديل ده تحديدا اللون الأحمر هو اللي فعلا فيها نزل غريب وكسر الدنيا سيبك من الإسود أو الألوان التانية صدقني خد خبرة خبير وسيبك من الكوبيه عربية تعبانة وخليك في الأربع بيبان 325 مفخرة بي أم دبليو 90 إتفرج على أختها 2012 حلوة وجميلة وتكنلوجيا عالية بس تحسها معندهاش كاريزما ملهاش شخصية وتحس اللي راكبها مش عارف هو راكبها ليه مجرد بس مامتو إدتلو المصروف راح جاب وحده وهكذا بس أما تجيب وحده تشدها من أول وجديد زي الألمان مش تقعد تلزق فيها
إيه يا رجالة هي الألف جنيه مش عاملة شغل ولا إيه محدش يدلنا على العربية اللي بدور عليها مفيش حد خدمني في الموضوع غير أخويه من إسكندرية وأخونا من أسيوط فين باقي الشباب صدقوني العربية موجودة ده أنا مرة شفت في مدينة نصر موديل 93 ومرة شفت موديل 98 وحده في أكتوبر ووحده في الهرم ومرة شفت 88 في الهرم فاضل تكه ونتكعبل في ال90 شدو حيلكو يا رجالة عشان مسلسل المكافآت عايزين نشتري دي عشان بعديها على طول حنزل مكافأة 1500 جنيه للي يدلني على لكسز إل إس 400 موديل 1993 مهما كانت حالتها بس نجيب الرويال 90 الأول وربنا يسهلها الهمة الهمة يا رجالة
طبعا عربية جبارة بس 2500 سي سي كتييير اوي الواحد لو معاة واحدة 1800 تيربو او سوبر ومعاها فلتر سبور مع نظام تعليق جديد ونظام عادم جديد هتبق زيها زي ال 2500
بس لية قلت الكوبية تعبانة؟؟؟
انا سمعت فعلا ان توازنها مش تمام بس هل دا صح
مع ان شكلها اجمد
عموما سعرها العربية دي اصلا غالي انا لسة شايف وادح طالب فيها 65 معرفش دا عايش في انهو عصر
انا كان قدامي واحدة كوبية فبريكا ومسقطة موتور 97 وعفشة 6 سلتدر وكان مطلوب فيها 38 بس مكنش معايا فلوس وقتها
دلوقت ندمان اوي وسعرهم طلع اوي
وبخصوص التظبيط انا لو جبتها هغيرلها موتور هجيب اخري موتور 98 عشان مغيرش الضفيرة والحكاية تفتح
وهجيب عقشة جدبدة بس مش سبور لان مش عايزها ناشفة يعني ممكن اجيب عفشة 6 سلتدر هتبق احسن
وتيربو وشوية تظبيطاط كدا واجيبلها اكصدامات ام 3 استيراد وجنوط بي ام وتبق عربية تمام
بس دي كلها احلالالالالالالام لان مفيش فلوس ههههههههههههه
وبخصوص البي ام الجديد مبحبوش انا كمان بجد معرفش لية
متابع
وياريت حضرتك تنزل الصور الخاصه بعربياتك
علشان نتفرج ونستمتع بالشغل المعمول فيها
كل الناس ومحلات الإكسسوارات بتقلي نزل صور السيارات بتاعتي عشان كلهم بيقولوا عربياتي تعتبر مفخرة مصر الأولى من حيث الإفتكاسات والكماليات والتصميمات الغريبة بس عربياتي مشهورة في الشارع أوي جدا ولما بمشي بوحده منهم رقاب الناس اللي ماشية جنبي تتلوح وأنا مثلا وحده من عربياتي بتمتلك أعلى سيستم صوت في جمهورية مصر العربية ووقتها كلفني 23 ألف جنيه أيام أما كنت غني قبل مفلس يعني وأوعدك خلال كام شهر حنزل صورة عربيتين أو تلاتة من عربياتي بعد مركب آخر إختراعاتي عليها اللي حتخلي الشباب يقولوا دحنا راكبين تكاتك مش عربيات بس أرجوكم يا إخواني مطلعونا بره الموضوع وشوفولي العربية تويوتا كراون ال 90 رويال صالون وليه المكافأة ال 1000 جنيه مع حبي وإعتزازي
بقولك يا باشا ماتحط موضوع كدا او علي الاقل معلومات وصور علي الموضوع دا عن عربياتك الكلاسك
وبخصوص الكلاسك اوع يكون عندك واحدة زي دي
انا بحب شكلها اوييييي
http://3.bp.blogspot.com/_ayktmZJT9M...lassic-car.jpg
وبحب كل الاستايلات الي قريبة منها كدا
بص يا عم مصر عمرها مهتمت بالعربيات الكلاسك بس من زمان ناصحين والظاهر بسبب أفلام عمر الشريف وأحمد رمزي وكمال الشناوي بيعشقوا العربيات الكوبيه حتى لو كانت عربية حقيرة فدي اللي في الصورة تمنها في مصر مش حيقل عن 300 ألف بس أنا عندي من الكلاسك دلوأتي مرسيدس موديل 1960 وعندي مرسيدس 1965 بشد فيهم وقدامي مرسيدس 56 بس صاحبها تعبان مش راضي يبيعها بألف جنيه بالشهر رغم إني الزبون الوحيد اللي راضي يشتريها منو من 3 سنين بالظبط فأنا دلوأتي لما بلاقي عربية كلاسيك ومعييش فلوسها أروح شاريها على ألف جنيه بالشهر وغالبا كلهم بيبيعولي لأني شخصية معروفة وعربياتهم مرمية ومحدش بيقلبها غيري ومثلا بشتري عربية ب 8 آلاف وأصرف عليها مثلا 30 ألف جنيه بس إيه أما تخلص تبقه مصيبة مش عربية الناس بتتجن أما تشوفها لو قدامك عربيات كلاسك مرمية على ألف في الشهر إديني كلاكس على طول وربنا يرزقك وتجيب العربية اللي نفسك فيها يا زميل
بص انا افتكرت عربيتين دلوقت واحدة في طنطا وواحدة في المنوفية
بتاعت المنوفية كانت عند سمكري كانت كابريولية قديم اوي اوي
وبتاعت طنطا صاحبها مطلع عين جدها واخر مرة شفتها كان ملبسها في حاجة من قدام فا عايزة تتسمكر معرفش عمل فيها اية دلوقت لان مرحتش من اول ماخلصت امتحانات
بس هو مبهدرها اوي
دا داهنها بفرشة مش رش ههههههههههههههههههههههه
داهنها ابيض واحمر
[gdwl]
بجد من غير هزار شوفهم وردلي خبر وجايز آخدك ونروح نشوفهم في مكانهم بس شد حيلك والناس اللي داخلين متنسوش الموضوع الأساسي مكافأة 1000 حنيه للي يدلني على عربية رويال صالون تويوتا كراون موديل 1990 للبيع مهما كانت حالتها حتى لو كانت صاج المهم ألاقيها [/gdwl]
حاضر صدقني انا عارف مكان الراجل الي كان عندة بتاعت المنوفية هو في مكان اسمة العرائية في دخلة البلد
اما بتاعت طنطا فا مش متاكد من مكانها بش شفتها كتير اوي هناك
هبق احاول اعرفلك معلومات عنهم وارد عليك بس لو في حد من طنطا اكيد هيكون عارفها لان واضح انها مشهورة يعني وهيفيدك اسرع مني
سوري انا لخبط الدنيا
طيب انت ليك في الكروسيدا القديم الي كشافها مدور؟
في واحدة حالتها حلوة معروضة علي 14
العربيات الكلاسيك القديمه حاجه تانيه خالص بالزات لو عربيه مشدوده صح تركب فيها الناس تبدا تبص عليك من غير تريقه انا شاب زيكم لما بركب عربية والدى بحس ان انا رجعت خمسين سنه لورا عربيه بقالها 50 سنه ماشيه وماشتكتش تفتكرو بى ام او مرسيدس ممكن تعيش كام سنه شغاله دى نفس صورة عربيتى هى تقريبا بنفس الكفاءه دى موديل 1961
http://a7lashare.com/uploads/images/...bd62a01321.jpg
http://a7lashare.com//uploads/images...a90aafa2f1.jpg
http://a7lashare.com//uploads/images...975361a536.jpg
http://a7lashare.com//uploads/images...a83b32dd34.jpg
http://a7lashare.com//uploads/images...c942abe9b1.jpg
http://a7lashare.com//uploads/images...c7e91e8c05.jpg
http://a7lashare.com//uploads/images...b4a58c8e88.jpg
http://a7lashare.com//uploads/images...4bd2a4c6c2.gif
ربنا معااااااااااااااااااااااا اااك
لا يا عم وتريقة ليه عربيات زمان في منها موديلات تخض في شارع الهرم من 4 شهور ماشي شفت عربية كاديلاك موديل 1959 وأنا كنت راكب عربية إسبرانزا 2010 آخر موديل 2000 سي سي لسه زيرو الكراسي على النايلون من غير هزار ولا قلتلو بكام قلتلو إتفضل مفاتيح العربية بتاعتي وإديني بتاعتك وأنا شاري عربيتي ب 102 ألف راح قايللي مش حبيع ولو بعت محتاج فوق عربيتك 80 ألف جنيه لو رضيت ففي عربيات قديمة ليها كاركتر وشخصية وفي حجات مش قديمة أوي قي التسعينات عملت شغل مهول ولغاية النهارده أنا كان معايه عربية لكسز موديل 1993 لغاية النهارده التكنولوجيا اللي كانت فيها مشفتهاش في عربيات 2012 دلوأتي وعجبي
شكرا وربنا يطرحلك البركة فيها بس محتاجين أكتر من دعاكم محتاجين نوصل ونلاقي العربية أصل عيب أكبر منتدى سيارات في مصر ومش عارفين نوصل فيه لعربية عارفين إنها متلقحة في كراج من الكراجات ومحدش بيعبرها والبرومة والتراب بياكلو فيها فنشد حيلنا وأنا العربية لو في أسوان وحد يدلني عليها أروحلها .
باشا انا عندي العربية دي ايه رايك فيها وممكن تسعدني في تظبيطها
Chrysler Saratoga walkaround...August 7, 2010. - YouTube
أنا تحت أمرك من باب الأخوة والعشم أنا ممكن أساعدك وأدلك إزاي توضبها صح بس التوضيب لنقل السيارة من عربية عادية إلى عربية مميزة فدي مكلفة وبتاخد وقت طويل وبرضو العربيات اللي الشد حلو فيها نوعين يا كبيرة أوي يا صغيرة أوي وفي عربيات ما بينهم كده ملهاش طعم ومهما وضبت فيها حتفضل عربيات مش اللي هي زي اللانوس واللانسر والأوبترا والإلانترا قبل مينزل الشكل الجديد وعربيتك يا صحبي من ضمن الأمريكاني الصغير ودي مش نقطة قوة الأمريكان في هذا النوع من السيارات بس أنا تحت أمرك إنت عاوز تبيع ولا عاوز تشد قولي إنت عاوز أو أحلامك إيه في الشد وأنا أدلك على الصح وسلامات ومتنساش تدورلي وتسأل صحابك عن العربية اللي أنا بدور عليها لو جبتهالي يا عم أديلك شوية أفكار وإبتكارات جديدة من إختراعاتي تعملها في عربيتك مجانا من الأفكار الجديدة اللي لسه بطبقها على عربياتي