ان شاء الله تلاقي طلبك ..
وهوايتك هواية مميزة ونادرة في ايامنا دي
معلش انا عاوز اسال حضرتك بخصووص البيتلز ... حالتها ولو امكن صور ليها
ولو عاوز اشدها شدة محترمة حتكلفني كااام
بانتظار ك يا باشا
ان شاء الله تلاقي طلبك ..
وهوايتك هواية مميزة ونادرة في ايامنا دي
معلش انا عاوز اسال حضرتك بخصووص البيتلز ... حالتها ولو امكن صور ليها
ولو عاوز اشدها شدة محترمة حتكلفني كااام
بانتظار ك يا باشا
انا كمان كان نفسي اشوفها
الأخ العزيز الغالي بصراحة أنا البيتلز هي موديل 58 وأنا كانت عجباني أوي بسبب إن فيها حاجة نادرة فيها فتحة سقف فابريكة مساحتها كامل السقف ومن بعيد صورتها تبان حلوة وصاحبها أول كلامو كان 6500 وأنا من طبيعتي أما أشتري عربيتي على طول بديها بوية وسمكرة جديدة فقول عشان صغيرة العربية حتاخد بوية وسمكرة 3000 وقول أعمللها تكييف عالمي آدي 2000 جنيه أو 2500 وباقي حبشتكناتك قول حوالي 1000 وجنوطك وكاوتشك دي على راحتك يعني إنت ب 10000 حتكون عربية محترمة وب 12 ألف حتكون محترمة جدا وب 14 ألف حتكون محترمة أوي جدا وهكذا التكلفة حسب أحلامك وأنا والله كان نفسي فيها بس مشكتي أنا بشبط في كل عربية بشوفها وعندي 6 عربيات ولما أحب أشتربي عربية جديدة أروح سايب الصرف على العربيات اللي بتتشد فتلاقي عندي مثلا 6 عربيات بس 3 دايرة و3 نايمة عند المصلحين وأنا للأسف صورتها ضاعت مني ولا آعرف العربية إتباعت ولا لسه ولو حد ناوي جد فعلا يشتريها كاش دلوأتي أنا كنت مخزن نمرة صاحبها وممكن أبعتهالك لو إنت جاد أما لو كنت من باب الإطلاع فأنا بفكر أخليها تخلل كمان سنة على قلب صاحبها وأروح شاريها منو مثلا بالقسط بألف جنيه شهريا وأخلصها على 6 شهور زي معملت مع آخر عربيتين إشتريتهم وأنا تحت أمرك عايز النمرة أبعتهالك من عيني أنا أي عشمان فيا مقدرش أرفضلو طلب يا راجل يا طيب
هو في أختها أساسا عشان أغيرلها بصمة متشيلش هم إنت ليا طرق قانونية بحيث متضرش اللي جبهالي ولا تضرني وأنا كلو بالقوانين عشان أنا راجل بخاف على سمعتي والراجل اللي حيجيبهالي تريبتك حيتنازل عنها قانونيا وملوش دعوة أنا حشيل مسؤولية العربية أما إزاي فدي طريقتي ولو إتعرفت ممصر كلها تروح تعمل زيها ويروحوا يطلعولي قوانين جديدة تعبانة
عشان خاطري يا رجالة لو بتحبوني بلاش حد يجيب العربيات المشبوهة لادا ولا سيات ولا 127 ولا 128 ولا 124 ولا 125 دي عربيات سبة في جبين جمهورية مصر العربية ولو ربنا بيكره واحد بيركبوا وحده من دول عشان يعذبوا في الدنيا عشان يرحموا في الآخرة زي المرض كده بعدين يا رجالة بتنصحوا الراجل بإيه دي لمراتو يا رجالة مراتي لازم تكون إنعكاس ليا يعني مينفعش أكون راكب مرسيدس ومراتي 128 عيب الناس تقول إيه سيبك من الناس أنا أقول عن نفسي إيه عايزة تتعلم أعلمها في عربيات وسط زي الشاهين زي الريجاتا وبعد كام خبطة أصلحها وتبيعها بس 128 عمرها محتتعلم عشان الفرامل غلط والدركسيون تقيل عليها وأنا نصحت اللهم بلغت اللهم فإشهد
و الله انت بتتكلم صح ... صح
اولا العربيات 128 .... دي سبه ............. اكيد
ثانيا مراتي مرايه ليا .... صح جداااااااااااا هههههههههههههه
مش عارف حكايه الشاهين دي مش هاتبقى مفرشحه عليها ؟؟ ههههه
انا قدامي جولف 2 موديل 90 سليمه برضه بس خايف تقعد تخبط فها و اتبهدل انا ما بين فانوس و اكصدام ...الخ
و الله فكرتي اني اجابلها حاجه تخبط بيها سنه و ابيعها ما ازعلش عليها زبعدين اجيبلها زيرو اوتوماتيك يا كيا كارينز يا اما دايهاتسو تريوس كده يعني
شكرا ليكم كلكم عل مشاركتكم
[gdwl]
التريوس لو دفع رباعي أحسن لو عادي خد كارينز أبيع دلوأتي أو إستنه سنتين تاخد تريوس الشكل الجديد عشان تعبنا من الشكل ده وبلاش الجولف العربية الجولف بتصرف دبرياج كتير واللي إنت شايفو صح لمراتك إعملو وخد بالك لموضوع مهم عربية مراتك بالإسم بس في الآخر إنت حتكون راكبها 24 ساعة حتقضيها في التصليح فخد عربية متعركش قدام معارفك لو مش عشان مراتك عشان شكلك مبتحبهاش إحنه جايين نهدي النفوس يا مدام فخد العربية عشان برستيجك يا عم وسلامي[/gdwl]
ماشي يا باشا و الله لاقول صاحبي قاللي كده
ههههههههههههههههههههههههه
شكرا
إنت فين يا عم إنت العربية القديمة اللي نزلتها بالميكروباص بتاخد مني معلومات وتستفيد ولغاية دلوأتي مستفدتش منك بحاجة غير إنك تشوقني أنا لو منك وإتطلب مني خدمة أأجر ميكروباص وأدفع كل الركاب لوحدي وأروح أنزل عند العربية وأطلع عين صاحبها أسئلة وأجيب قرارها أمال حتتعلم الحياة وبيع وشرا العربيات إزاي مهو من المواقف دي
حتت عربيه فعلا حكايه
Toyota Crown - Wikipedia, the free encyclopedia
حتت عربيه فعلا حكايه
Toyota Crown - Wikipedia, the free encyclopedia
يا باشا تشكر على ردك ...
انا ان شاء الله ناوي اشتري العربية دي ....
بس كنت عاووز اسال حضرتك عن الحالة العامة للعربية زي ما انت شفتها كموتور وكده ...
ولو حنزبط العربية كموتور وكل حاجة ونرجعها اكتر منة الزيرو ححتاج اكتر من 15 الف ؟؟
ويا ريت مكان صاحب العربية ونمرته بعد اذنك
وشكرا ليييييك يا باشا
++++
هوا ده اعلان العربية ؟
عشان لسه شايفه على كونتاكت كارز
فولكس فاجن
بيتل 1958 7500 ج
1300 سى سى | 111111111111111كم
الون احمر فتحة سقف كبيرة فبريكة موتور جديد عفشة معقولة مرور هرم رخصة منتهية المعاينة بالمعادى (رامى)
عرفتلك سكه واحده عندى فى طنطا وحاله 100/100 كراون فكتوريا رويال صالون
أتصل بيا وأنا فى خدمتك
0122807139/0111019565
جزاك الله كل خير يا حضرة المواطن الصالح أنا متشكر من حضرتك جدا وأنا مش بس أكلمك ده أنا أجيلك طنطا بس في طلب صغير حضرتك هل إنت متأكد إنها تويوتا كراون رويال صالون موديل 90 عشان في في مداخلتك كلمة مقلقة وهي إن العربية فيكتوريا كراون ودي للأسف عربية أمريكاني 8 سلندر فورد فهل حضرتك إنت تقصد أنهي التويوتا شبه الصورة اللي أنا حاططها ولا العربية الفورد التانية أرجوك تتأكد بأسرع وقت يسمح فيه حضرتك عشان خلاص بكره رايح أشتري عربية جديدة
يا إخواني العضو ده شخصية آخر إحترام وشخصية خدومة الراجل من طنطا لمح العربية اللي أنا طالبها راح على طول موقف صاحبها في نص الشارع ومتعرف عليه ومكلمه وخد نمرتو وإداني نمرتو وعايز يخدم مجانا وبأي شكل والله الدنيا دي مش وحشة أوي وأنا أهو بحاول أتصل بالراجل لسه مردش عليا بس إن شاء الله تطلع هي وأخلصها من صاحبها وإن شاء الله نعمل عزومة للراجل الكبارة ونسلمو المكافأة رغم إنو مش عايزها بس الحق أحق أن يتبع وتحياتي للجميع وبرضو نشد حيلنا جايز متطلعش هي بالظبط
أن شاء الله هنزل أروح المحل الى عندنا فى طنطا واشوف أيه الأخبار وأكلمك
وأنشاء الله خير بس أنا متاكد أنها هيا تيوتا كراون
جزاك الله كل خير يا صاحب الأخلاق العالية أنا كلمت الراجل والعربية طلعت نفس المطلوب بس موديل 99 مش 90 والراجل طلب مهلة أسبوع عشان يحدد السعر المطلوب عشان يبيعها وأنا بصراحة حستنه أسمع السعر لو عجبني أخش عليها لو لأ أدينا مكملين وبندور على ال 90 وشكلها حتفرج كده بقينا مرة شفنا 98 في أكتوبر وشفنا 89 في الهرم وشفنا 93 في مدينة نصر وشفنا 87 في إسكندرية وشفنا 85 في مصر الجديدة وربنا حيعوض آخرة صبرنا خير وأنا دلوأتي يا صاحبي حبعتلك هنا في أدناه الرابط الأولاني لموديل 99 والرابط التاني لموديل 90 وبأمانة مين الأحلى رغم الفارق 9 سنين وخليك إنت الحكم
Google Images
http://i9.photobucket.com/albums/a96...p1990-1991.jpg
في رايي موديل ال 90 طبعا احلى
بس بجد شكرا للاستاذ حماده عل مجهوده .. كده الواحد مطمن انه لو حلم بعربيه الناس الحلوه هنا هاتجيبهاله هههههه
فعلا الى أنا شوفتها هيا الى فى الصوره الأولى
وبكل أمانه ال90 شكلها فخم جدا وتتفوق على ال98 بمراحل
ربنا يكرمك وتلاقى الموديل الى أنتا عايزه أنشاء الله
ايه رأيك هى زى دى
انا شوفت العربية وانا ماشى ونزلت وسألت صاحبها قالى على واحد مسئول عن قطع الغيار بتاعها وشغال فيها بس وقالى هوه اللى هيدلك على 20 واحده بتتباع حسب طلبك (على حسب كلام صاحب العربية)
http://dl106.herosh.com/68945d229bda..._17.38_01_.JPG
جزاك الله كل الخير ورحم الله والديك في الدنيا والآخرة وشكرا لأنك تعبت نفسك ونزلت وسألت وفعلا العربية أخت المطلوبة بس دي اللي في الصورة من أول موديل 1992 وحتى آخر 1995 أنا طلبي ال 90 أو 91 حاجة راقية فعلا بس أنا مبسوط عشان هو ده الكلام الصح فعلا بتاع قطع الغيار هو الشخص الوحيد اللي كل صحابها في مصر لازم يروحولو فأرجوك عنوان الراجل بتاع قطع الغيار أو تليفوناته وجهودك مشكورة وعلى راسي وحضرتك حتكون متابع أول بأول معايه لو بتاع قطع الغيار جبهالي فالمكافأة من نصيب حضرتك زائد دعوة أدعيهالك في الحرم المكي إن توصلت للسيارة ومش مهم حتى لو كانت علبة صفيح أو مقلوبة المهم ألاقيها وأنا منتظر العنوان بتاع الراجل بتاع قطع الغيار ومرة أخرى مش عارف أوصل لحضرتك مدى سعادتي بمجهودك أنا نازل أصلي الفجر في الجامع بعد قليل وأدعو الله لك أن ينور طريقك دائما
اه ليها اشبه بس اشباه محترمه برضه
يعني موديل ال 99 شبه كده اللليكزس - و تحس كده انها ميني بنتلي بوشها العالي
طب ما خللي بالك ال 90 برضه ليها شبه كان فيه كرسيدا هارد توب شبها و فيه مازدا 929 هارد توب برضه شبهاا
عموما ؤبنا يكرمك و لاتلاقي بتاع قطع الغيار و يدلك عليها.
رقم تليفونه 0105603893 واسمه عمر او عمرو
مكانه فى شربين بعد المنصوره على طول طريق دمياط
الأخ العزيز الأخوة الأعزاء في نايل موتورز بعتذر عن عدم التواصل اليومين اللي فاتوا عشان الحمد لله وبعد مفاوضات 6 شهور ومد وجزر نجحت في شراء وضم السيارة المبينة صورتها أدناه وضمها إلى مجموعتي الصغيرة وبهذا رجعت إلى 5 سيارات وبصراحة إستنزف مني صاحبها وقتا وجهدا كبيرين لأن صاحبها شخصية صعبة جدا وجلبتها ووضعتها تحت البيت مع غسلة سريعة وغطيتها وجردت النواقص وخطة الإصلاح وإعادة التعمير حتى ترجع زيرو وأنا الآن في إستراحة محارب ففعلا هذه السيارة أصعب سيارة إشتريتها كمفاوضات متعبة في حياتي أما سيارتنا التويوتا الكراون التي لا زلنا نبحث عنها للأسف فكما وصلنا آخر مرة تواصلنا بها تم الإتصال البارحة فقط بصاحب محل قطع الغيار في شربين وقد تكلمت معه وبلغني بوجود أكثر من كراون ولكن للأسف كلها ذات الشباك أبو برواز ولكنه قال لي إتصل بي بعد يومين فقد أعرف لك واحدة بيضاء سأتأكد منها وأرد عليك وأنا سأتصل به بعد يومين لأتابع الموضوع وأنا اليوم يا إخواني قررت أن أرفع مبلغ المكافأة إلى ألفي جنيه لمن يجلب لي السيارة تكون محروقة أو مقلوبة أو عملت حادث كبير حتى أتمكن من إعادتها للحياة تدريجيا بأن أجلب لها قطع غيار من الخارج وستظل المكافأة 1000 جنيه في حال كانت السيارة سليمة مع شكري وإعتزازي بكل الأخوة قارئي ومشاركي الموضوع ولكني أنتظر منكم أن أسمع خبرا جميلا وسلامي للجميع
Google Images
جارى البحث
مبروك عليك اللنكلون بجد عربية شكلها غريب وتحفة فنية بصراحة
انا بحب العربيات الطويلة دي جدا
يمكن لاني طويل هههههههههه
مش عارف