اقتباس المشاركة الأصلية كتبت بواسطة bob12345 مشاهدة المشاركة
بص ياباشا هي بقالها بتاع 3 سنين مركونة و القتي بتاع المكانيكية بهدلها
و الله ياباشا لو حد يخدها بس ميقوليش بقي 10 الاف و لا حتي 20 يقدرها لو غير كده اوضبها و اخيها معاية افضل و الفكرة بس انا عايز اعرف نظام اجيب حجاتها من برة ازاي
بس علي فكرة ياباشا هيا مش صغيرة اوي الصغيرة دي اسمها الشادو انا عارف انها نسبيا صغيرة
بس مش اوي
هيا فئة الاكورد و الكرسيدا و كده

نصيحة يا أخي وضبها وحطها معاك لأنها في مصر عمرها محتجيبلك المبالغ اللي إنت تتكلم فيها 10 إحتمال بس 20 فده تصور خيالي بس كل واحد حاجتو غالية عليه بالنسبة لقطع الغيار من الخارج فدي ليها سكك طويلة وعلاقات وفلوس حاضرة وضعف التمن وتعرف إنت عايز إيه والحاجة مثلا بتتباع فين في أنهي دولة وتبعت واحد يتابعها أو الطريقة التانية التحوير لحاجات قريبة شرط تكون أحسن من الأصلي وهكذا ونظرا لحالة سيارتك يا صديقي بعد أن خربها الصنايعية وإتركنت 3 سنين فحتكلفك كتير جدا فهل إنت مستعد تدفع فلوس كتير في عربيتك دي ولو النهارده مبعتهاش ب 10 بعد 3 سنين حتبيعها ب 4 خد مني الكلام إلا لو في يوم من الأيام حكومتنا التعبانة تصدر قرار إحلال الملاكي ساعتها تبيعها نمر بس ممكن توصل 30 ألف