الموضوع: سيارة فى حدود 40 ل 45 الف

المشاركة الأصلية كتبت بواسطة ahmedjumpo

اولا ربنا يعين حضرتك و تعدى الظروف ديه و انشاء الله تبقى احوالك احسن من الاول
ثانيا بالنسبة لترشيح العربية الليجانزا فهى فعلا عربية جميلة جدا و قوية بس بشرط انك تدقق جدا جدا فيها عند الشراء و تكشف عليها بدقة سواء ميكانيكا او كهرباء و خصوصا الكهرباء
بالنسبة للعربية فتكييفها قوى جدا و ثلاجة و لا يأثر على الموتور و لا قوة العربية
و عفشة العربية قوية و بتعيش
اما موضوع السرعة فالليجانزا بتجيب ال 180 مرتاح و بتبقى ثابتة بس نصيحة اخوية بلاش السرعات العالية ديه فالواحد لو فؤجى بأى حاجة على السرعات ديه مش هيلحق يعمل اى حاجة و هيبقى بيرمى بنفسه الى التهلكة انا نفسى ماجبتش ال180 ديه الا كام مرة للتجربة و تفتيح الموتور من خنقة السواقة جوه البلد
و بالنسبة للسفر فهى حمالة و لو تشوف اللى بيبع ليجانزا هتلاقى معظمهم عامل من 180 الف كيلو لغاية 250 الف كيلو
اما بخصوص قطع الغيار فهى متواجدة بكثرة سواء الجديدة او الاستيراد و اسعارها معقولة جدا و كمان الصنايعية اللى بيشتغلوا فيها كثير
طبعا شكل العربية كويس و الصالون واسع و فخم و ناس كثير مسمينها مرسيدس الدايو
اخيرا ممكن تواجهك مشكلة بسيطة فى حدود السعر لان لو حضرتك عايز ليجانزا حالة كويسة مش هتلاقى اقل من 49 الف جنيه و لغاية 53 الف جنيه
و عموما شوف حضرتك حوالين منك كده ميكانيكية دايو و وصيهم على عربية بحالة كويسة او ادخل موقع كونتاكت كارز و شوف اللى معروض يمكن ربنا يوفقك فى واحدة كويسة بسعر مناسب
و لو فيه عند حضرتك اى استفسار اخر فالعبد لله تحت امر حضرتك

ربنا يخليك يا فندم انا عمرى مركبت العربيه دى و لا شوفتها فى الشارع حتى والله
لكن ناس كتير اجمعو على ان دى هى العربيه المناسبه
طيب ايه مشكلها فى الكهربه
الماتور بيتعها انا سامع انو جنرال موتورز ياعنى المفروض انو high tec
شوفت كذا عربيه على النت بيتكلمو فى 45
انا و الله لا اعرف مكانيكى و لا كهرابائى بس اصحابى اكيد يعرفو
طيب دلوقتى اخود بالى من ايه و انا بشتريها
كمان هى افضل و الهوندا si
معلش انا رخم شويه ابه اخبار الكيك دون و هل فيها over drive و لا لا و التسارع بيتعها ايه يخباره من 1 الى 100 و من 1 الى 200
الثبات ثم الثبات ثم الثبات ايه اخباره
صدقنى انا مبجريش بس انا بسافر كتير جدا بحكم الشغل و مفيش امكانيه اجيب سواق يشتغل معيا
فا لو مجرتش هنام و كمان بكون لوحدى طبغا هو غلط بس غصب عن الواحد و الله
مصريف تسجلها كام
لو هاعمل صيانه دوريه تكلفنى كام ياعنى كام سير على كام فلتر على تيل فرامل على بوجيهات و كده ياعنى
لو لقيت عربيه عمله الارقام ال هى 180 الف كيلو ولا 200 الف اجيبها ولا اجيب كيلو قليل
هو ايه فرق بين اتو cdx و اتو عادى
هى دايو جى مش كورى طيب ايه جاب جينرال موتورز لكوريا
انا اسف جدااااااااااااااااااااا على ازعاجك