يا رجالة حد يفيدني
انا عربيتي بومة 2008 1600سي سي
سافرت بيها اسكندرية ولقيت ان اخر سرعة ليها 160 وبس مش بتعدي السرعة دا حتى لو الدواسة على الارض
ممكن يكون السبب اي مع العلم انى كنت مفولها بنزين 92
عرض للطباعة
يا رجالة حد يفيدني
انا عربيتي بومة 2008 1600سي سي
سافرت بيها اسكندرية ولقيت ان اخر سرعة ليها 160 وبس مش بتعدي السرعة دا حتى لو الدواسة على الارض
ممكن يكون السبب اي مع العلم انى كنت مفولها بنزين 92
طب صوت ا لمتور عالى ولا العادى بتاعها وrpm اخبار ايه لما جيت على سرعه 160 كان على كام
لو مانيوال .. ممكن تكون طقم دبرياج
لو اتوماتيك .. ممكن يكون سير الكاتينة مرحل ولا حاجه.
وممكن يكون فلاتر أو عيب تانى.
هو لو العيب من جوة الفتيس ذات نفسه (مش الديسك او الاسطوانة) اعرفه ازاي
اعمل الصيانه بتاعتها ( فلتر زيت - فلتر هوا - زيت ماتور - زيت فتيس- سيور )
هات منظف دوره البنزين و حطه علي تفوليه هايفرق معاك و هينضف دوره البنزين كلها
هو إنت كنت مسافر بالليل ؟
عشان الهوا بيبقى مقابل وإنت رايح إسكندرية بليل يمكن يكون فرق معاك شوية
هي أصلا المفروض العربية تجيب كام ؟
حرام عليك تمشي على السرعة دي
لو مش خايف على نفسك, فكر في الناس الي حواليك, او الناس الي مستنيينك
يا باشا العربية اخرها اصلا 180 في حالة المانول والحكاية ملهاش علاقة بأخر العداد (فلما سرعة العربية تجيب اقل 20 كم فأكيد بفعل الهواء)
ونصيحة بلاش السرعات دي لانها بتكون لذة ثانية وهلاك للعمر
عوامل كتيرة تأثر على السرعة القصوى زى حمولة العربية وتشغييل التكييف وهل حرقت على الموتور وللا لأ وحالة الطريق واتجاه الريح وحالة الكاوتش
ومن الآخر الموضوع مش محتاج منك اهتمام قوى كفاية 160 مافيش داعى لفتح باب مصاريف للسبب ده طالما غير كده ماشى كويس
خلى بالك الطريق الصحراوى فى اتجاه القاهره كله مطالع علشان كده ممكن ماتجيبشى بيها سرعه فى اتجاه الاسكندريه والعكس صحيح
متشكر جداً للردود اللى بتقوللى كفاية 160
انا طبعاُ مش الطبيعي بتاعى انى امشى على السرعة دى انا اخري 120 او 130 لما ابقى فايق
انا بس بحب اطمن على العربية يعنى لو السرعة دى مش المفروض انها اخر اللانسر يبقى انا عربيتي فيها مشكلة والافضل انى احلها عشان احافظ على العربية
يعنى اخر العربية 160 اكيد ليها سبب وهو دا اللى انا عاوز اعرفه عشان اصلحه مش اكتر
ال rbm 5000 دة كتيير اوى
انا معايا 1600 اوتو 2007 جبت بيها 180 بالظبط على طريق اسكندريه وكنت حارق 5500 لفه في الدقيقه
فعلا زي ما كل الناس نصحتك اعمل صيانه في التوكيل غير فلاتر وزيوت وسيور وبوجيهات وشوف الدنيا هاتظبط ولا لأ .......بس المشكله ان التانك بيتحرق من الكارته للكارته ..ههههههه
يا جماعه انا معايا لانسر سوبر اكشن 2008 و جايب بيها 210 مع العلم ان التكيف كان شغال
و بالنسبه لحوار ان اخرها 180 دي الtop safety speed دي اقصي سرعه امنه للعربيه
1- الفلتر مرة سبورت ومرة العادى ونفس المشكلة يبقى مش الفلتر
2- مش بوجيهات لانى غيرتها مرة NGK iridium ومرة NGK 3 شمعة وغيرت الاسلاك ولسة نفس المشكلة
3- الديسك والاسطوانة جايبهم من صاحبي عنده محل لطقوم الدبرياج بس وهو ادانى اليابانى
انا شاريها مستعملة من شاب فخايف ان يكون الفتيس نفسه هو اللى فيه حاجة بس مش عارف اعرفها ازاى لو المشكلة من الفتيس نفسه
لا طبعا كتيير جدا العربية معايا علي 160 ال RBM مبيعديش 4000 ودة طبعا مع تثبيت السرعة و مفيش عربية بتمشي علي 7000 rbm بسرعة ثابتة بس السرعة القصوي ليها عوامل كتيير زي الكاوتش و الاتزان والحاجات التانية بس ياريت لو صاحب السؤال يقولنا العربية علي ال 120 الRBM كام لو اكتر من 3500 يبقي في مشكلة
ايه الكلام يا رجالة
كدة مش طبيعي الطبيعي علي ال 100 مع الثبات يبقي ال rbm ثابت عند 2500 مع التكييف
الاوتو بتجيب اكتر من كده
حاول تعمل لها صيانة شاملة
والله انا معايا العربيه 2007 1600سى سى جبت بيها سرعة 200كم على طريه اسكندريه بورسعيد الساحلى وكان ممكن اقفل العداد مع العلم ان عندى تجميع العربيه فى اول السرعات بطىءلحد ال60كم
انا رجعت امبارح من اسكندرية وركبت الفلتر السبور العربية جابت 190 بس ومرضيتش تزود
بس الحمد لله كنا فين وبقينا فين
بس هو كدا يبقى العيب من ايه فلتر الهوا ولا الرشاشات ولا ايه
يا جماعة البومة اخرها 200 محدش يقولى عدى ال200 لان هى مقفولة عندها وده من الشركة المصنعة نفسها
نسيت اقولك ممكن متغيروش
ممكن تطلعة وتنظفه ببنزين 92+ضغط هواء وده طبعا بعد ما تفك الطرنبة (موتور الضخ) منه
وهتحس بفرق برضو
الفلاتر روح العربية .. غير فلتر هواء و بنزين و الزيوت .. و هتحس بيها في سحب العربيه
يارجاله انا انهارده خدت بالى من العداد كنت ماشى 120 والاربى ام على 3 ده ايه النظام حلو والا وحش ومكنتش مشغل تكيف
يا جماعة انا عندى تقريبا نفس المشكلة بس لما بحرق على العربية و ال rpm يعدى ال 5000 بلاقى لمبة ال n بتنور و تطفى باستمرار و انا بكون ماشى على ال d و بتكون السرعة 160 او 170 و مش بتجيب سرعة اكتر من كدة و لما بهدى السرعة شوية لمبطة ال n بتطفى ..... ايه معنى ان لمبة ال n تنور و تطفى باستمرار
اعلى سرعة جبتها بالبومة اوتوماتك 190 مش عارف مانيوال اية بصراحة
kokiman > خلى بالك غلط كبير اوى ان لمبة ال n تنور روح اعمل صيانة فى اقرب وقت لان كدة العربية ممكن تجيب فتيس زى ما حصل معايا وربنا يستر