http://www.nilemotors.net/Nile/172088-a.html
http://www.nilemotors.net/Nile/22704...post3873586431
عرض للطباعة
اللى استنتجته من الموضوعين دول ان الحل كان فى تغيير علبة الشكمان - انا بالفعل روحت لواحد بتاع شكمانات و اكدلى ان الشكمان سليم و مش مسدود
فى الحاله الثانيه تغيير الريداتير : الريداتير مافيهوش صداء عندى بس ممكن بكره اروح اسلكه ... لكن تغييره صعبه اليومين دول
سلكه و اكشف علي طرمبه الميه و الرادياتير مفكوك
و حاول تحط ميه خضرا لان من خواصها سرعه التبريد
يعني بتفقد حرارتها بسرعه عن الميه العاديه
بس الاول اكشف علي الدوره عندك فيها تسريب ولا لا و ظبطها تمام و بعدين حط ميه خضرا
متابع
على فكــرة المشكلة دى من أغلس المشاكل اللى بتقابل صاحب عربية ..
ومن متابعتى ليها فى مواضيع كتير لأصحاب نفس المشكلة (العربية تسخن لما تجرى وفى الزحمة كويسة) ، مالقيتش حد حلها (حوالى من خمس إلى سبع مواضيع هنا وفى منتديات أخرى).
والمشكلة دى عندى على فكرة بقى لها سنة (العربية 128) ويأست من حلها.
انا كده كده حاطط ميه خضرا من زمان
و الدوره عندى مافيهاش تسريب و الميه بتنقص حاجه بسيطه
بس الملاحظ دلوقتى ان الميه بتملى القربه على الاخر و مابترجعشى للريداتير لكن مابتنقصى فى الدوره ككل و ماعرفشى ليه
و الخراطيم سليمه و غطاء الريداتير جايبه من 6 اشهر بس
بس ازاى اكشف على الطلمبه و الريداتير مفكوك ؟؟؟؟ اشوف الميه بتندفع و لا لاء ؟؟ هو على العموم لما بدور العربيه الصبح و افتح الريداتير بشوف تقليب الميه فى الريداتير
على العموم انا الناهرده غسلت الريداتير من بره فى المشحمه و حشوف الاخبار ولو لسه المشكله حسلك الريداتير و دى حتبقى اخر صرفه فى ايدي
نفس المشكلة عندي بالظبط .. بس سخونة تعتبر مقبولة إلى حد كبير (بس اسمها في الأخر بتزيد السخونية في السرعات العالية) ، وبعد ما غلبت في الشكمان وظبط الكهربا وتسليك وتنظيف الردياتير والحوارات دي كلها .. أخر فتوى اتقالت ليا هو تركيب جوانين وش سلندر بس لسه مجربتش الموضوع ده بصراحة .
المشكله دي كانت عند واحد صاحبي في عربيته السكودا فورمان....
و عندي سؤال... هل ريش الريادياتير عدلة و لا معوجة و متنية؟؟؟
بانتظار اجابتك
في رعاية الله
متنيه فى بعض الاجزاء
بس هى طول عمرها كده من ساعة ما اشتريتها
اشمعنى دلوقتى ؟؟؟؟
برضه الملحوظه اللى لحظتها و ماحدش علق عليها هى ان الميه بقيت تملى القربه كلها و بالتالى فيه هواء بيدخل دورة التبريد
بس رغم ذلك العربيه بتبرد فى السرعات البطئيه
وملحوظه تانيه عزم العربيه قل و بسقف كتير فى اول الغيارات