الموضوع: مفاجاة غريبه الصراحه

قاعد ولا على بالي في امان الله في شغلي لقيت مكالمة بدون رقم،، برد لقيت واحده لهجتها مش مصريه بتتكلم فصحى وغالبا اردنيه او سوريه بتقولي بكلم حضرتك من رينو الشرق الاوسط وشمال افريقيا والخليج...قلتلها اهلا وسهلا..قالتلي حضرتك تفضلت بزيارة مركز صيانة العبور بالقاهرة يوم 24 يوليو المنقضي للقيام بصيانة سيارة رينو لوجان 2010؟؟ http://www.nilemotors.net/Nile/234915-a.html

قلتلها ايوة...قالتلي تسمحلي ب5 دقائق من وقتك تا نقيس مدى رضائك عن الخدمة بالمركز؟؟ قلت فرصتي وجت لحد عندي...تعاليلي..ايوة طبعا ده انا شايل ومعبي....

قعدت تسالني اسئله كتير منها :
كنت متوجه للصيانه ولا عيوب ميكانيكا ولا عيوب كهرباء ولا هيكليه؟ وكنت واخد ميعاد مسبق ولا لأ؟ والمطلوب انجز في الوقت المحدد ولا لأ؟ دفعت ولا الصيانه كانت من الضمان؟ ( قال من الضمان قال) كنت هضحك...المهندس المسئول قالك تفاصيل التكلفه؟ تنصح اي حد يروح نفس المركز؟ راضي عن زيارتك ولا غير راضي بعد الشيء ولا غير راضي تماما؟ اضطريت ترجع تاني بعد الزيارة دي ؟
المهم الصراحه عشان اكون موضوعي ومظلمهمش قلت اللي ليا واللي عليا وقلت انهم خلصوا في الميعاد المحدد والمهندس قالي ع التكلفه واني انصح اي حد يروح نفس المركز اللي هو العبور لانه احسنهم بالرغم من عيوبه...لكن برضه لما سالتني غير راضي ليه قلتلها لان المهندس مفهمنيش اي تفاصيل بعد ما استلمت العربيه لولا اني سالته وما اتصلش بيا يشوف ايه الاخبار بعد 48 ساعه كما هو متبع ومنشور عندهم في لوحة الاعلانات بالاضافه وده الاهم اني مشكلة عازل الحرارة عند الدواسات واللي كنت جاي عشانها وقالولي تم تركيب اللباد العازل فوجئت انها ما زالت قائمه وان مفيش لباد لتركب ولا حاجه واني كان المفروض ارجع لولا بعد المسافه ( اليومين دول انا في اسيوط)
راحت قالتلي ممكن ننقل تفاصيل الاستطلاع لرينو فرنسا؟؟ قلتلها ياسلام ؟؟ ياريت يا فندم...قالتلي طيب ننقل المعلومات باسم حضرتك وبياناتك ولا من غيرها؟؟قلتلها بالاسم ولو عاوزه رقم البطاقه كمان يا شابه....شكرا على وقتك ...لا شكر على واجب يا حاجه...