هما فعلا بيركبوا الإفزان ويقصوها كمان :-) ديه حقيقه وممكن هتلاقيهم 2 جنيه تحت اسم غريب فى الفاتورة مش أكتر
عرض للطباعة
دي بادرة كويسة من التوكيل برة بس يارب يكون ليها رد فعل ايجابي في صالح المستهلك
لا موش هي دي سعادتك، Ring Gasket دي يعني طبة الزيت او جوان في طبة الزيت، بس ما لهاش علاقة بقفيز الطاسة خالص، وبحث بسيط بالصور على جوجل هيثبت لساعدتك، إنها موش القفيز خالص. ثم انا سألتهم يوم ما كنت هناك عن البند ده من البنود التلاتة، وقالولي إنه طبة الزيت.
السلام عليكم...انا عندى ركبوا الافيز ده فى صيانة ال5000 كم ..ركبوه لوحدهم..ده اولا
ثانيا ازاى الطاسات معيبة ؟ احنا عندنا فى الجراج عربية باسات2009 و متركب فيها الافيز و معظم عربيات الجراج و الى بشوفهم بتبقى راكب فيهم الافيز ده
انا كنت فاكر انو بيحافظ على الطاسة من انها تقع و تتطير فى حالة السرعة العالية او ما شابه والله اعلم :)
كل سنة و حضرتك طيب :)
بالنسبة لموضوع الطاسات، زي ما قولت قبل كدة - في المشاركات اللي فاتت في الموضوع ده- إن دي فزلكة مننا احنا يا مصريين، وبنعملها علشان تعطل الحرامي شوية اللي عاوز يخطف الطاسات - حاكم اﻷصل الحرامية بتوعنا في مصر آدائهم ضعيف وكسلاتية حبتين، ﻷن حرامية برة بياخدوا الفردة على بعضيها، المهم موش ده موضوعنا- وموضوع إن الطاسة تقع وتطير في سرعات كبيرة ده ما بيبقاش له إلا معنى من تلاتة، 1 اما الطاسة موش متركبة كويس. 2- حواف الجنط عندك فيها مشكلة تمنع الطاسة من انها تركب كويس 3 - إن الطاسة فيها عيب صناعة.
حيث إن العربية جديدة وما فيش اي احتمال من الاتنين اللي في اﻷول، يبقى ما فيش غير انها معيبة.
اما بالنسبة ﻷخونا العزيز بشوي، فزي ما قولت برضه من قبل، عندنا الفاتورة اللي مكتوب فيها Ring Gasket وعندنا جوجل واي مهندس بيعرف مصطلاحات بالانجليزي، وهو هيقول إن البند اللي في الفاتورة بالاسم ده مالوش غير معنى واحد وهو أويل سيل. ولو هم في التوكيل كتبوه بالشكل ده وقالوا حاجة تانية، نبقى احنا في الحالة دي متفقين على إنهم بيعكوا وبحر العك واسع.
النقطة التالتة واللي مالهاش دعوة بالموضوع: ابارك لك يا عزيزي بشوي على اللوجان الجديدة اللي معاك، ﻷني كنت من حوالي سنتين بتابع معاك مشاركات عن بروتون وايتهيألي ساعتها إن عندك بروتون او كنت بتخطط تجيبها. موش عارف المعلومة دي صح ولا غلط.
خلاص يبقى التوكيل بيركب افيزات للعجل ومش بيحاسبنا عليها
بركة يا جامع
ما تبقاش بركة يا باشا، دي خسارة لينا، ﻷن ده معناه إن الطاسات فيها عيوب. ده إذا كانوا بيركبوها اصلا.