ينفع طبعا بدون مشاكل
سبب ثبوت درجة الحرارة على 90 مع التكييف هو ان مروحة التكييف ومروحة الردياتير بيشتغلوا مع بعض وعادة مروحة سربنتينة التكييف بتكون قوية جدا وهى اللى يتبرد الردياتير بالطريقة دى
عرض للطباعة
بالنسبة ل132 اجبلها ساعة حرارة كام؟
انا عندي ساعة الحرارة 80-90 لكن مروحة الرداتير بتشتغل على 95
علما ان العربية فيها مروحة في الماتور كمان و مافيش فايده بتسخن برده مش عارف اعمل ايه بالرغم اني شيكت على كل حاجة من وصلة التبريد الى التاكيهات ومفيش فايده برده ؟
المشكلة في حكاية استخدام ثرموستات بيشتغل عند درجة حرارة واطية:
-المروحة تقريبا هاتشتغل مع دوران الموتور و دة أكيد يقلل عمر المروحة.
-المروحة هاتفضل شغالة لفترة بعد ما تطفي الكونتاكت و بالتالي ده بيأثر على البطارية.
أصل الحكاية دي لسة مجربها في عربيتي ال128 الغلبانة :))))
كل حاجة ليها مميزتها و عيوبها
بالنسبة لحكاية تشغيل المروحة لفترة اطول فده طبعا لا جدال فيه ، لكن قوللى انت، تغيير مروحة ب 160 جنيه كل سنتين وللا سخونة ونقصان مية ووش سلندر وتفويت موتور؟
اما بالنسبة لحكاية ان المروحة تفضل شغالة بعد ما الموتور بيطل ، فلو ان الموضوع ده فارق معاك- ولو انى مش مقتنع ان دقيقة عمل اضافية للمروحة هى اللى هتفضى البطارية(ممكن فقط يحصل لو البطارية اصلا تعبانة)- فى هذة الحالة اعمل المروحة على كتاوت يتشغل من الكونتاكت، شغلانة هتكلفك كتاوت ب15 جنيه وسلك ب 5 جنيه و 10 جنيه مصنعيات
كلامك مظبوط و منطقي جدا و أنا منك بستفيد و الله يا باشمهنس (على فكرة أنا كنت منتظر ردك ده و انت ما خيبتش ظني) :)
بما أنك معانا شوية . أنا كنت سألت علي مركز أتعلم فية ميكانيكا السيارات و محدش رد .. ممكن حضرتك تفدني ؟
أأأه المره دي خيبت ظني :) :)
الرداتير حالته كويسة بسلكوا كل 6 اشهر
مش عارف ايه الحل؟؟؟؟؟؟
يافندم منقدش نتأخر بس انا بكون على المنتدى on & off، يعنى، على حسب ما تفرج ادخل شوية واخرج، بالنسبة لمسألة الميكانيكا فيه كورسات كانت بتعملها هندسة عين شمس فى الصيف لأى شخص حتى لو مش طالب ، بس دى كانت زمان ايام ما انا كنت طالب هناك، بس لا مانع انها تكون لسة موجودة، اقترح عليك تسأل علياه او تسأل فى كليات الهندسة عموما