الموضوع: لو كنت مكاني تختار ايه ؟

المشاركة الأصلية كتبت بواسطة mzeid

بصراحة و من غير زعل
الاختيار الاول

لأن كدة كدة هتغير اللي معاك سواء الاختيار التاني او التالت و هتجيب الفولفو في خلال ال 3 سنين
فرأيي المتواضع انك بدل ما تجيب عربية تقضي بيها تدخل على طول في الفولفو لأنك بدل ما هتزنق نفسك دلوقتي مرة هتتزنق مرة و نص في الفلوس اللي هتدفعها في اللانسر و هتبيعها و ترجع تزود عليها

فأعتقد الأحسن الفولفو على طول
و احييك على اختيارك
و بصراحة ال s60 عاجباني جدا

انا عايز اعمل كده فعلا .......... بس اللي مخوفني ظروف البلد اليومين دول و احنا كمهندسين أول ناس بتروح في الرجلين لما يحصل ركود ...
و لأني محتاج عربية دلوقتي ده اللي خلاني افكر في ال3 اتجاهات دول ....
لو البلد حالها اتقلب هيكون الاختيارين التاني و التالت مش مشكلة بالنسبة ليا بالمقارنة مع الاختيار الأول اللي هيكون عامللي قلق عشان قسط العربية العالي .
و لو البلد امورها تمام مش هتفرق معايا وجود عربية مساعدة في البيت أو تتباع بحالتها

المشاركة الأصلية كتبت بواسطة ahmedesmat1987

سيفيك عربية مفيش كلام عليها بس انا هبيع خلال سنتين و دي هتقع قوي في البيع .
[gdwl]كورولا متستحقش تمنها في رأيي[/gdwl] . كتير عليها المبلغ ده

الصراحه انا مكنتش ناوى اتدخل بمشاركه فى الموضوع دا لانى اولا كنت داخل بس اتفرج على اراء الناس وثانيا مكنتش مفتنع بالاختيارات الاتنين الاخرانين من بعد الفولفو طبعا ودى لاغبار عليها ...وهقولك ليه..مبدائيا قبل ما مبدا عشان نبقى متفقين مفيش تويوتا انتجت على مر التاريخ متستحقش تمنها ودى مش وجه نظر تقدر تسال اى حد ملوش علاقه بالعربيات وهو يجوبك... همسك حاجه حاجه وهقولك عيوبها ومميزاتها لانى ركبت كل العربيات اللى انت قولت عليها دى ما عادا الفولفو ودى مش ممكن افتح بقى فيها اساسا..
1.نبدا بالانوس ودى انا ركبت جميع فئاتها ومن الاخر الكامله متفرقش عن الفاضيه غير سنتر وزجاج كهرباء وار بى ام عربيه عاديه جدا ثبات ميعتبرش حلو لاكن افضل نسبيا من الفيرنا تكيف متوسط والسحب والتجميع متوسط وفى بعض الاحيان ردِىٍ دا بالاضافه الى انها بعد ماخدها الله يعمر بيته منصور خلاها كنبه بلدى وشال منها حاجات كتير بدون الدخول فى تفاصيل.

2.. نيسان صنى...ركبتها الكامله مانوال ex صالون موديل 2008 امكانيتها متواضعه جدا ثباتها بعد ال130 مش حلو بالمره مفيهاش اى عوامل امان غير الايرباج بتاع السواق حتى نور التبلوه واطى جدا ومبيعلاش لانو مفهوش زرار اساسا يعليه ودى حاجه غريبه فى حد زاتها واستهلاكها عالى شويه فى البنزين.

3.لانسر بومه . كلمتين يلخصوها الاقرب لجميع الاذواق والصراحه عيوبها مغطياها قاعدتها الجماهيريه العريضه ودا سبب انتشارها الزاحف على ارض مصر

4..لوجان مركبتهاش..لاكن قريت عنها كتير واعرف ناس جربتها مش قد كدا تعتبر عربيه مدينه مش بهدله وسفر وخبط ورقع

5.. مازدا 3 مش عجبانى خالص ودى ازواق وموتورها مش قوى وزيها زى البومه من وجه نظرى ودا اللى اقصد بيه 2008 انما بعد كدا معرفش انما تفرق طبعا فى الشياكه والاوبشن

بالنسبه بقى للملكه (ودا مش موديل دا لقب ) فانا مش هحطها فى نقطه ولا هنصحك بيها لانها خارج حساباتك اساسا بس هقولك نبزه بسيطه عن عربيه نسيبى موديل 2008 الجنوب افريقى الكامله مانوال...خد عندك..
6 اير باج كمبيوتر اعطال ورحلات كاسيت 7تشنجر مرايات كهرباء تعتيم تلقائى سنسور مطر وسنسور ضوء رشاشات هيدين للكشافات مثبت سرعه سمارت كى هوائى مجرد لمس اى باب او الشنطه فى المقبض بتفتح سمارت كى انجن ستارت باور زينون فوج لايت abs/abd عجل مقاس 17 جنوط اسبور تكيف تاتش بشاشه اوتو كونديشون 7 سرعات اضاءة خفيه فى الشماسات مجرد ما تفتحها تنور العدادات فيهم شاشتين كمبيوتر واحد بتاع درجه الحراره ونسب استهلاك البنزين والرحلات والسيت اب والتانى تانك البنزين والحراره والكيلو متر ومعدل السرعه اللى مشيت عليها وحاجات تانيه بس مش فاكرها .... دا كلو بس الى قدرت افتكرو بس من الاوبشن وانا اسف لو طولت بس التيوتا تستاهل اكتر من كدا[/QUOTE]


باشا .... كورولا طبعا عربية ناجحة جدا و تويتا معملتش عربيات وحشة .. أنا قصدي ان 160 الف كتيرة على العربية . لو تزيد 3000 أو 5000 عن اللانسر هتكون منافسة لكن الوكيل حاططها في كاتيجوري عالي عن فئتها ... طبعا السيفيك نفس الحال برضه

لو كنت مكانك هفكر فى الصنى او اللوجان

المشاركة الأصلية كتبت بواسطة smsm_cato

لو كنت مكانك هفكر فى الصنى او اللوجان

الصني صوتها عالي , التكييف معجنيش , استهلاكها عالي للبنزين , شكلها قديم جدا
اللوجان فقيرة جدا و بلاستيك .

المشاركة الأصلية كتبت بواسطة MaZaGAngeE

الصني صوتها عالي , التكييف معجنيش , استهلاكها عالي للبنزين , شكلها قديم جدا
اللوجان فقيرة جدا و بلاستيك .

بص يا معلم انت كدة غلط فى اللوجان وانا هديلك اخر تقريرى للوجان واللى بكتبه عند اى حد بيقارنها بينها وبين عربية تانية

رينو لوجان
اوربي ( فرنسي - رومانى ) تقفيل المغرب
اهم المميزات
اهم واحدة >> عالية عن الارض بطريقة فظيعه مش هتحك مع اى مطب
مصفحة من تحت كمان ودا مش موجود فى فئتها
العربية الوحيدة اللى تحت الـ 100 الف نازلة بكاوتشات 15
عفشة نعمه مالهاش زى
انعم دبرياج هتشوفه فى حياتك
كمبيوتر رحلات ( معرفة استهلاك البنزين ومدة الرحلة وكم البنزين المتبقى .......الخ ) ومش موجود فى عربيات لحد الـ 120 الف
اير باج
مستوى امان 3 نجوم
اوسع شنطة 510 لتر
امان تام على السرعات العالية ودا بتجربة بنفسي على الـ 180 وبغرز وكنا 6 فى العربية والموضوع بالتوقيع
موفرة فى البنزين بسبب ان الماتور 8 صباب ( يفضل بنزين 92)
اوسع صالون فى فئتها واوسع تانك بنزين اكتر من (60 لتر بالاحتياطى )
صاج اللوجان صاج قوى والاقوى برضوا فى فئتها
طبعا فى اوبشنز تانية يختلف على حسب اذا كنت هتجيب هاف او فول اوبشنز
ألصيانة الدورية مع التوكيل كل 5000 كيلو مرة مجانا ومرة بفلوس ودا هيخليك ما تفتحتش كبوت العربية حتى 100 الف كيلو *


العيوب ( ومش هنسميهاعيوب ) هنسيمها حركات غلسة بس هتتعود عليها

الكلاكس فى درع الاشارة
زارير الازار فى التابلوة
ازاز الشباك اللى وراؤ بيفتح لحد التلت ودا علشان الامان للاطفال علشان هى سيارة عائلية
تنك البنزين والشنطة بمفتاح
ترجيع الكراسي بتقعد تلف البكرة
صوت الماتور عالى سنة
الباور تقيل شوية ودا لثبات العربية على السرعات العالية
رعشة بسيطة ببعض الموديلات فى دواسة البنزين اول لما تستلم السيارة وبتختفى لوحدها بعد تليين السيارة اول 5000 كيلو
* قطع الغيار بدات فى الانتشار الفانوس الامامى ب 250 جنية والخلفى ب 150
وجوز المقصات ب 400 جنية

ثمن الفول اوبشنز 70 الف جنية
وتمنها برة تمنها الاصلى 7500 يورو
يعنى انت دافع تمن بالضبط + شوية مصاريف ( تقدر تقول خدمة الشحن ) لان مالهاش جمارك

ودا المصدر
Dacia Logan : Informatii Dacia Logan
نوع العربية

Preference 1.6 MPI 90 CP

بعشقها عشق لولو حبيبتى

وبس يا سيدى وان شاء الله ربنا يوفقك فى اختيار العربية المناسبة لك


-----------------

العربية انتاج شركة داتشيا - رومانيا ( الام ) تم التعديل الشكل الجديد بواسطة شركة رينو الفرنسية



تقرير مفصل عن العربية بالشرح والصور بواسطة الاستاذ نادر نبيل

http://www.nilemotors.net/Nile/90472-2010.html

بتنزل على 5 ماركات فى كل انحاء العالم
فى اسيا وافريقيا والشرق الاوسط Renault Logan وروسيا
فى رومانيا والبرزيل وامريكا الجنوبية Dacia Logan
فى الهند Mahindra Renault Logan
فى اليابان Nissan Aprio
Tondar 90 فى مناطق بدول العالم

دى فيدوهات ليا بالعربية
Logan 180 km/h with 6 Passenger [1] - YouTube

180 و 6 راكب
وغرز بيها على الطريق الصحرواى - مصر اسكندرية

ودا لما عديت الـ 180
Logan 180 km/h with 6 Passenger [2] - YouTube

واتفضل اسال فى اى وقت
ودا قسم اللوجان بالمنتدى
http://www.nilemotors.net/Nile/forum149/

أيمن باشا , صباح الفل
أنا مش بغلط في العربية و لا حاجة , بالعكس أنا شايفها مناسبة جدا كعربية تانية في البيت , لكن مش العربية الأساسية و ده بسبب اني راجل شغلي بيحتاج سفر كتير و مستمر و محتاج عربية مريحة في قعدتها و سريعة و كمان برستيج شوية ..
لكن العربية فعلا كويسة و كنت حاجزها لأختي و قعدنا 15 يوم مستنينها و لما طولت خدنا لانوس مكانها ...
لو هجيب عربية للمدام أو عربية تانية في البيت هتكون لوغان اختياري الأول بعديها لانوس بعديها ساجا ...