الموضوع: بوجيهات السيفيك 2005

رمضان كريم يا جدعان (:
انا معايا هوندا سيفيك 2005 1500 CC العربية بتغيب في الدوارة بعد ما غيرت البوجيهات القديمة NGK العادية والجداد زيهم مع العلم قبل ما اغيرهم كانت من تكه بتدور وغيرتهم فقط كصيانة علشان كنت لسة شاري العربيه مستعملة من شهرين فكنت بفكر أركب بوجيهات NGK إيرديوم لكن قالولي انها ممكن تبوظ كمبيوتر العربية فكنت محتاج مشورتكم كويسة ولا !!!
قبل ما أشتريهم علشان الطقم الإيريديوم ممكن يعمل هنا في مكة 350 ريال ولازم تدور علية او تجيبة من جدة هل ممكن أعرف سعر الطقم في مصر كام ؟.
ولا أجيب طقم عادي جديد وخلاص وكلهم 60 ريال ولا العيب دة ممكن من حاجة غير البوجيات ؟؟؟

وكمان العربية ماشية 180 ألف وناوي أعملها موتور فلش واغسل الحوض وانضف دورة المية بالخل زي ماكنت بعمل في الدوجان (:

أيه رأيكم ؟

وتحيا جمهورية مصر العالمية