والله يا جماعة اللي ماجاش هو الخسران
واللي جه عرف طعم جديد لناس بتحب بعض
كعادة نايل موتورز والكاريزما بتاعتة الجو كان رائع والقعد زي الفل
شوفنا ناس طبعا اول مرة نشوفها
مهندس عمرو حضورك رائع رغم انك ماقعدتش ولينا قعدة تانية زي ما قولت
محمد اسد بيجو نورت القاهرة وايه رايك في اللمة واسمع كلام حفناوي بقي
بوينتر ارحم الناس كلها واكتب اسمك في توقيعك عشان مش عارفين اسمك وانت شخصية مهذبة وصوتك واطي ومحدش سمع اسمك خالص
بالمناسبة يا جماعة واحنا قاعدين في المقابلة حد جاي بيقولنا الحقو حد من نايل موتورز وقعت عربيتة على الرصيف
قومنا جرينا لقينا العربية واقعة واقعة غريبة قوي وهو بيركن ورايا العجلة طلعت رصيف علوة اكتر من 20 سم ونزلت برة الطريق في الرمل
ولولا همة رجالة نايل موترز والتخطيط العبقري وحطينا طوب طلعت علية العربية كانت هاتحتاج ونش او اقلها كوريك تمساحة كبير من بتوع النقل بس جت سليمة يا بوينتر وابقي بص وراك وانت بترجع وكويس ان عربيتي كانت قدامك مش وراك--الحمد لله
دكتور احمد عبد الغني خسارة انك ما جيتش فعلا واحشنا
سبعاوي هو اللي لابس تركواز وليه دقن خفيفة كدة بس زهق هايحلقها قريب ما تقلقش
احمد سامي كان موجود طبعا ولابس كاب اخضر وواقف ورا استاند الكاميرا بيصور
دموع احنا نوهنا عن المقابلة كتير بس اصلها خناشيري فقط
شكرا لكل اللي حضر المقابلة وسعيد اني شوفتكوا ومستنين الناس التانية بقي
ان غدا لناظرة قريب