انا هاشترى عربية لاول مرة فى حياتى بعد ال 131 ساعدونى علشان مش فاهم حاجة

انا عايز اشترى عربية لاول مرة فى حياتى ومعايا من الاخر 55000 الى 60000اجيب ايه فى العربيات دى

1- متسوبيشى لانسر مانيوال من 2003 الى 2006 1300 سى سى
2- هيونداى ماتريكس وانا بحب اوى العربية دى شكلها عاجبنى اوى
3- نيسان صنى من 2000 الى 2006
4- جيتس من 2006 الى 2009
5- نيو اكسنت 2006 او 2007
6- ولا اريح دماغى واجيب فيرنا وخلاص نضيفة رغم اللى سمعته عنها مش ولابد

مع العلم انى مش فاهم اى حاجة فى اى حاجة فى العربيات غير المعلومات اللى باخدها هنا من الموقع
غير كدة انا عارف وفاهم كويس ان العربيات دى فئات مختلفة ومقارنات غريبة بس دى الحقيقة انا عايز احسنهم وهل المبلغ اللى معايا اللى هو تحويشة العمر يجيب ايه احسن وانضف حالة فى دول لان بعدها هابقى عالجنط ومش عايز حاجة تبهدلى فى مصاريفها
اتمنى الناس تساعدنى بجد وتقولى على انسب حاجة وانضف حالة فيهم مع العلم حاجتين
اهم حاجة قطع الغيار تكون متوفرة
ثانى حاجة انا ماليش اوى فى الجرى
ثالث حاجة عايز تتحمل مشاوير وممكن اعيد بيعها بعدها بفترة بسيطة حسب الظروف ومش عايز اخسر كتير وتكون بياعة

معلش تعبتكم معايا بس بجد لانى اول عربية هاحط فيها كل ما املك ومنتظر رد الخبراء عن ثقة وتجارب فعلية وهل فعلا اللانسر ال 1300 مش حلوة ولا ماتريكس احسن منها ولا ايه شكرا جدا جدا

انا رائى تكملهم 66 الف وتجيب لوجان زيرو
واتمتع باحساس الزيرو بعد معاناة ال131

انا متشكر اوى يا استاذ مصطفى على اهتمامك بى
بس هل اللوجان زيرو ب 66 الف وهل هى افضل من كل دول وهل هى كاملة ولا ايه

اللى ب66 الف الهاف اوبشن
معايا وكويسه الحمد لله ومقضيه الغرض ولو ناوى فعلا شوف انت عاوز تعرف ايه عنها وانا اقولك

المشكلة عندى فى اعادة البيع يا استاذ مصطفى علشان لو حصلى ظرف فى اى وقت هابيع وعايز تبقى البيعة سهلة وانا اسمع ان الرينو تقيل فى البيع وبيخسر كتير وكمان زيرو
انا عايز اعرف هو مفيش من العربيات اللى انا اختارتها دى حاجة تكون حالتها حلوة يعنى تريحنى ولا ايه
وانا عايز مستعمل علشان مفيش معايا اكتر من كدة وكمان مش هاخسر كتير فى البيع

اولا موضوع اعادة البيع ده فى الميجان بس

لكن الللوجان اعادة البيع بتاعها زى اللانوس تمام واتباعت هنا فى المنتدى بالشكل ده

طبعالاحتلاقى حاجه نضيفه بالمبلغ ده بس انا قصدى ان انت قربت على سعر الزيرو وحتريح دماغك كام سنه

طالما مش حاتقدر تكمل على اللى معاك انا عن نفسى باحب اللانسر جدا
عربيه محترمه جدا وركوبه فعلا وحتحس بنقله جامده

وطالما انت غاوى الماتريكس ممكن تجيبها لانك حاببها

كل العربيات اللى انت حاطتها كويسه وسوقها حلو فهات الحاله النضيف اللى قدامك منهم

لان اهم حاجه فى المستعمل تدور على الحاله الكويسه

صح كلامك يا استاذ مصطفى انا هحاول اشوف ممكن اجيب اللوجان زيرو وابقى ريحت دماغى كام سنة صح
ولو ماقدرتش يبقى كلامك التانى صح برضو اللى هو اشوف لانسر او ماتريكس والاحسن حالة فيهم هو الفاصل لان لو ماتريكس حالة نضيفة احسن من لانسر تعبانة والعكس
مش كدة ولا ايه

ايوه كده وربنا يوفقك لما فيه الخير

بس هل فعلا اللانسر 1300 وحشة ولا ايه فيه ناس كتير كاتبة ان سحبها وحش مع التكييف
مش كدة ولا ايه

يوجد مثل يقول يقول أنا لست غنيا لكي أشتري سيارة مستعملة
السيارات المستعملة مهلكة ماديا وياريت تفكر في الجديد أيا كان النوع وإن كنت أميل للوجان بعد تجربتها

أنا زيك تمام...خبرتي في العربيات زيرو
كل اللي أقدر أقولهولك:
ما تشتريش مستعمل + اسأل كتير قبل ما تشتري حتى لو جديد ومن معرض واتأكد كويس من سمعة المكان اللي هتجيب منه وأخيرا طبعا خد معاك ناس بتفهم في ماركة العربية وموديل السنة اللي هتشتريها وانت بتتفرج منعا من بتوع السايلز يبلعوك

اقتباس:

---

المشاركة الأصلية كتبت بواسطة moustafa_saad

اللى ب66 الف الهاف اوبشن
معايا وكويسه الحمد لله ومقضيه الغرض ولو ناوى فعلا شوف انت عاوز تعرف ايه عنها وانا اقولك

---

الله الله يا أستاذ مصطفى! سايبنا في الاجتماعي وهربان على العام؟ ماشي ماشي! ههههه
ياريت فعلا تبقى تعمل موضوع تفصيلي عن اللوجان وتنزله في القسم بتاعها وإحنا هنتابعك يا عم ونشجعك...حتى من باب خدمة للمنتدى ولإخوانك

اقتباس:

---

المشاركة الأصلية كتبت بواسطة hany_sushi

بس هل فعلا اللانسر 1300 وحشة ولا ايه فيه ناس كتير كاتبة ان سحبها وحش مع التكييف
مش كدة ولا ايه

---

اكيد ماتاور 1300 التكييف حياثر عليه جامد
ابنى خالتى كان ماجر لانسر اوتوماتيك 1300 وشغل التكييف فى السفر وكان مخنوق جدا من العربيه
بس انت حالتجيب مانوال يعنى التاثير حيكون ضعيف

اقتباس:

---

المشاركة الأصلية كتبت بواسطة albasha37

يوجد مثل يقول يقول أنا لست غنيا لكي أشتري سيارة مستعملة
السيارات المستعملة مهلكة ماديا وياريت تفكر في الجديد أيا كان النوع وإن كنت أميل للوجان بعد تجربتها

---

وجهة نظر اؤيدها فى اغلب الحالات
بس لو حتجيب موديل معداش عليه 5 سنين ومش متبهدل بيبقى معقول وبرده كل واحد وظروفه ومقدرته الماديه

اقتباس:

---

المشاركة الأصلية كتبت بواسطة honda4ever

الله الله يا أستاذ مصطفى! سايبنا في الاجتماعي وهربان على العام؟ ماشي ماشي! ههههه
ياريت فعلا تبقى تعمل موضوع تفصيلي عن اللوجان وتنزله في القسم بتاعها وإحنا هنتابعك يا عم ونشجعك...حتى من باب خدمة للمنتدى ولإخوانك

---

منور ياباشا
هو الاجتماعى بقى حلو والله من بعد لما اتشالت منه السياسه وحطوها فى قسم لوحدها
حتى من يومين كده رجلى كانت حتتسحب لخناقه فى احوال الشارع المصرى بس لحقت نفسى وهربت قبل مااقع فى مصيه
الجزاء ده من المنتدى بقى مشكله كبيره

ان شاء الله ناوى اعمل تقرير عن اللوجان بمايرضى الله من وجهة نظرى المتواضعه بعيوبها ومميزاتها وححاول اجهز صور ليها من تصويرى وخلافه بس حياخد وقت ومجهود ومش عاوز اعمل حاجه اى كلام
عاوز مرجع شامل للى ناوى يشتريها علشان يستفيد منه لان فيه ناس ساعات بيبالغوا فى العربيه جامد ويدبسوا فيها ناس تانيه خبرتها معدومه زيك كده هههههههههه مفكره ان الرينو اتهبلوا وعملوا بى ام ب 70 الف

بس ادعيلى ارجع من سفرية بكره لدمياط منصور ان شاء الله لان ناوى اعمل عملية الليزك ودماغى مشغوله جامد من ناحية حينفع اعملها ولا لا ولو عملتها حرتاح فيها ولا لا دعواتك معايا

اقتباس:

---

المشاركة الأصلية كتبت بواسطة moustafa_saad

بس ادعيلى ارجع من سفرية بكره لدمياط منصور ان شاء الله لان ناوى اعمل عملية الليزك ودماغى مشغوله جامد من ناحية حينفع اعملها ولا لا ولو عملتها حرتاح فيها ولا لا دعواتك معايا

---

إن شاء الله خير
المهم تكون روحت لكذا دكتور كبير (استشاري يعني) قبل ما تعملها فعلا
واحد بس مش كفاية

إن شاء الله خير وشفاك الله وعافاك

انا اولا بشكر كل الناس اللى اهتمت بالموضوع
بس مش عارف ليه انا ميال اوى للانسر والماتريكس مع انكم خوفتونى من المستعمل بس هو يعنى لو جبت ناس بتفهم كويس فى العربيات مش ممكن يجيبولى واحدة من الاتنين دول نضيفة ولا برضو هايبقى فيها مشاكل وليه ماحدش نصحنى بالماتريكس وهل هى افضل ولا اللانسر افضل مع انى شوفت واحد عارض عربية لانسر 1600 سى سى موديل 2006 ب 67 الف دى تبقى حلوة ولا ايه وماتريكس ب 60 الف و65 الف ده كله فى موقع car100_100

وايه رأيكم فى الدايو مع انى مش بطيق شكلها سواء لانوس او نوبيرا اوى اى نوع منها وعايز رأيكم برضو فى النيو اكسنت والجيتس والصنى والاوبل استرا كنت بحبها جدا بس شيلتها من دماغى لان سمعت انها تكنولوجيا معقدة ومش اى حد بيفهم فيها وقطع غيارها نار وانا مش هاستحمل ده
ولا تنصحونى بفيرنا مؤقتا على ما ابقى اقدر اجيب جديد على اساس ان الفيرنا بياعة ووقت ما اجهز للجديد اقدر ابيع الفيرنا بسهولة

الدايو حلوة وبياعه هات لانوس 2

اقتباس:

---

المشاركة الأصلية كتبت بواسطة moustafa_saad

اكيد ماتاور 1300 التكييف حياثر عليه جامد
ابنى خالتى كان ماجر لانسر اوتوماتيك 1300 وشغل التكييف فى السفر وكان مخنوق جدا من العربيه
بس انت حالتجيب مانوال يعنى التاثير حيكون ضعيف



وجهة نظر اؤيدها فى اغلب الحالات
بس لو حتجيب موديل معداش عليه 5 سنين ومش متبهدل بيبقى معقول وبرده كل واحد وظروفه ومقدرته الماديه



منور ياباشا
هو الاجتماعى بقى حلو والله من بعد لما اتشالت منه السياسه وحطوها فى قسم لوحدها
حتى من يومين كده رجلى كانت حتتسحب لخناقه فى احوال الشارع المصرى بس لحقت نفسى وهربت قبل مااقع فى مصيه
الجزاء ده من المنتدى بقى مشكله كبيره

ان شاء الله ناوى اعمل تقرير عن اللوجان بمايرضى الله من وجهة نظرى المتواضعه بعيوبها ومميزاتها وححاول اجهز صور ليها من تصويرى وخلافه بس حياخد وقت ومجهود ومش عاوز اعمل حاجه اى كلام
عاوز مرجع شامل للى ناوى يشتريها علشان يستفيد منه لان فيه ناس ساعات بيبالغوا فى العربيه جامد ويدبسوا فيها ناس تانيه خبرتها معدومه زيك كده هههههههههه مفكره ان الرينو اتهبلوا وعملوا بى ام ب 70 الف

بس ادعيلى ارجع من سفرية بكره لدمياط منصور ان شاء الله لان ناوى اعمل عملية الليزك ودماغى مشغوله جامد من ناحية حينفع اعملها ولا لا ولو عملتها حرتاح فيها ولا لا دعواتك معايا

---

الف حمدلله علي السلامة مقدما

وربنا يارب يقومك بالسلامة انشاء الله

والله المستعان
،
،

اولا في نقطة مهمة جدا
الزيرو بتخسر فيه عند اعادة البيع
عكس المستعمل،
بتشتريها ب قرش بتبيعها بقرش

وبالتالي

لو عايز تستثمر تحويشة عمرك وماتخسرش منها مليم
هات عربية مستعملة بياعة
_______________________________________
عندك مثلا التويوتا كورولا موديل 2003
عندك مثلا البي ام الدبانة (316 موديل 1997)
عندك مثلا السيفيك xli موديل 1999 او 2000
عندك اللانسر البومة موديل 2006
-----------------------------------------------------------------------
دوول عربيات متمسكة بسعرها لأطول فترة ممكنة يعني بمعني انها بتتغير اسعارها بنسب طفيفة كل 5 او 6 سنين

وفي عربيات ممكن تجيبها كسر زيرو بس هتبقي اقل من العربيات الي فاتو
____________________________________________
دايو لانوس موديل 2009 او 2010
هيونداي فيرنا 2008 او 2009
رينو لوجان موديل 2009
بروتون ساجا
--------------------------------------------------------------------------------

وممكن تجيب عربية ارخص من امكانياتك ووفر الباقي
وفي نفس الوقت هتبقي قطع الغيار حنينة وفي نفس الوقت مش هتخسر فيها كتير
______________________________________________
ابيزا 99
بولو 99
سيفيك 92
-----------------------------------------------------------------------------------

كل العربيات الي فاتو دوول اسعارهم بتتراوح بين 32 و37 وفي نفس الوقت قطع غيارهم اسعارهم كويسة اوي وفي اعادة البيع مش هتخسر كتير

وربنا يوفقك في الشراء

والله المستعان
،
،

النترا 2006 مانيوال وادعيلى والله جميلة جدا العربية دى

انا بشكر جدا الناس الحلوة اللى اهتمت بالموضوع بس فيه حاجة
كل واحد بيبقى ميال لعربيات معينة وعربيات لأ
يعنى انا بحترم اليابانى جدا جدا ولو مش هاقدر اجيب يابانى يبقى كورى علشان برضو قطع الغيار وسعر اعادة البيع والحاجات دى
الاخ سيد مشكور قال انى ممكن اجيب كورولا 2003 او بومة 2006 ياريت بسهل ممكن الاقى حاجة منهم نضيفة سعرها يتراوح من 55 الف ل 60 الف
الحاجة التانية الاخ موتو الجميل قال ممكن اجيب النترا 2006 برضو بحبها جدا وهل ممكن اجيبها نضيفة برضو بالسعر ده
لكن البى ام والسيفيك والابيزا انا بخاف منهم بصراحة زى ما خلاص خوفت جدا من الاوبل بعد ما قريت عن مشاكلها
افيدونى فى الكرولا والبومة والالنترا هل ممكن الاقى نضيف بالسعر بتاعى ولا خلينى فى فيرنا او نيواكسنت
وكمان الماتريكس ياجماعة بحبها جدا بس ماحدش جاب سيرتها كدة بدأت اخاف منها
شكرا وسلامى كل انسان مهذب قام بالرد على موضوعى وحاول يساعدنى ومنتظر المزيد
رمضان كريم يا جماعة

اقتباس:

---

المشاركة الأصلية كتبت بواسطة moustafa_saad

انا رائى تكملهم 66 الف وتجيب لوجان زيرو
واتمتع باحساس الزيرو بعد معاناة ال131

---

نفس ترشيحى اللى كنت هاقوله لحضرتك

زى ما قلت لحضرتك النترا مانوال 1600 والله ممتازة و ممكن السعر اللى معاك يجبها كمان حالة كويسة
بلاش لانسر 1300
اللانسر يا 1600 اوتوماتيك يابلاش
واللانسر و الكورولا هتتعب عشان تلاقى واحدة كويسة للبيع و سعرها مهاون مش عالى
وعلى فكرة الالنترا قطع غيارها زى الماتريكس والفيرنا كلام فاضى يعنى
وحمالة اسية لابعد الحدود
وشوف باقى الخيارات يمكن تلاقى رأى احسن وربنا يوفقك

http://www.nilemotors.net/Nile/21635-a.html

http://www.nilemotors.net/Nile/20244-a.html

http://www.nilemotors.net/Nile/20838-a.html

السلام عليكم
انهاردة عايز اخد رأى نهائى فى العربيات دى بعد اذنكم
1- لانسر 2007 1300 سى سى مانيوال ب 65000
2- لانسر 2006 1600 سى سى مانيوال ب 67000
3- شيفورليه افيو 1500 سى سى اوتوماتيك موديل 2009 فابريقة ب 65000
4- شيفورليه افيو 1500 سى سى مانيوال موديل 2008 ب 65000
5- شيفورليه اوبترا 2007 1600 سى سى مانيوال ب 66000
6- شيفورليه اوبترا 2006 1600 سى سى مانيوال ب 63000
7- نيسان صنى 2008 1600 سى سى مانيوال ب 70000
8- نيسان صنى 2009 1600 سى سى مانيوال ب 70000 عاملة 46000 كيلو
9- هيونداى النترا 2007 1600 سى سى مانيوال ب 70000
10- هيونداى جيتس 2010 1600 سى سى مانيوال ب 65000
11- هيونداى ماتريكس 2007 1600 سى سى مانيوال فابريقة ب 63000
12- رينو لوجان 2010 1600 سى سى مانيوال زجاج امامى كهربا فابريقة ب 55000 رشة حزام بيقول نضافة
13- رينو لوجان 2010 1600 سى سى فول اوبشن فابريقة ب 66000 عاملة 17000 كيلو
14- تويوتا ياريس 2007 1300 سى سى عاملة 100000 كيلو ب 63000
15- تويوتا ياريس 2008 1300 سى سى عاملة 90000 كيلو ب 62000
انا اسف ان الاختيارات دى كتير اوى بس انا مشتت واحتاج رأى قاطع علما بانى عايز سيارة بياعة ماخسرش فيها كتير لو بعتها وتكون عائلية برضو وناعمة
عامة انا معجيب جدا باللانسر والصنى والماتريكس والاوبترا لكن على قد خبرتى ولو حد قاللى بثقة وخبرة على حاجة غير كدة هاعمل بيها بس يكون عن تجربة وثقة
شكرا ورمضان كريم ومنتظر ردود علشان استقر

عايز الصح بقي
هات لوجان فول اوبشن كسر زيرو و انت كده مش هتخسر فيها يعني هتجيبها ب 60 و لو بعتها بعد استخدام سنه و لا حاجه هتبيعها ف الحدود ديه ممكن تنزل الف و لا الفين و اهوه اسمها فول اوبشن لكن لو جبتها زيرو و اتزنقت و بعتها انت اللي هتخسر ال 10000
فلو انت واحد ممكن تبيع هات كسر زيرو لا هتصرف عليه و لا هيتعبك و لا هتخسر فيه

معلشى ياهانى انا عامل عمليه ليزك ومش بادخل كتير
انت كاتب اختيارات كتير جدا وصعب تلاقيها كلها ادامك بحاله جيده وزى ماقولتلك اهم حاجه الحاله

انا شايف ترتيبهم من وجهة نظرى وتدور على الاحسن ولو مالقيتش تنزل للى بعده


لانسر 2006 1600 سى سى مانيوال ده لو كانت لقطه فعلا

لوجان فول اوبشن
لوجان هاف اوبشن
الينترا

ميزة اللوجان انها موديل حديث ومش حتكون متهانه لسه بس الافضل لو لاقيت لانسر محترمه ونضيفه

ابعد عن الافيو نهائى واى عربيه 1300 سى سى لانها حتخنقك فى التكييف

بلاش اليومين دول

انصحك استنى شويه ان شاء الله العربيات هترخص قريب وهيه بالفعل فى نزول مستمر والدليل الخبر ده
اتجه عدد من وكلاء وتجار السيارات إلى تخفيض الأسعار في محاولة للتغلب على حالة الركود التي ضربت السوق، منذ يناير الماضي.
وقال عفت عبد العاطي, رئيس شعبة السيارات في غرفة القاهرة التجارية، إن هناك تراجعًا ملحوظًا في مبيعات السيارات، نتيجة حالة عدم الاستقرار، مما دفع أصحاب المدخرات إلى تأجيل قرار شراء سيارة جديدة أو استبدال القديمة لحين استقرار الأوضاع.
وأشار عبد العاطي في تصريح لـ«المصري اليوم» إلى أن بعض التجار اتجهوا إلى تخفيض الأسعار بمعدلات كبيرة تصل أحيانا إلى نحو 10 آلاف جنيه في محاولة لتحصيل رأس المال الذي أصبح معطلًا في صورة سيارات موجودة لا تجد من يشتريها.
وأضاف أن نسبة التراجع في المبيعات بلغت نحو 50% عن نفس الفترة من العام الماضي، مشير إلى أن 39% من المبيعات كانت لمشروع إحلال التاكسي وليست السيارات الملاكي.
من جانبه، قال محسن طلائع, رئيس رابطة تجار السيارات، إن هناك حالة من الفوضى والعشوائية تسود السوق، موضحا أن تخفيضات الأسعار في أي من السيارات بقيمة تصل إلى 10 آلاف جنيه, كما يقوم البعض, تشير إلى أن تحديد البعض للأسعار في السابق يؤكد وضع هامش ربح مبالغ فيه.
وأوضح طلائع أن معدل أرباح التاجر في السيارة لا يزيد على نحو 3% من إجمالي سعر السيارة يشمل الضريبة والتكاليف والأجور، لافتا إلى أن معدل الربح الصافي في السيارة التي يصل متوسط سعرها 100 ألف جنيه لا يزيد على ألف جنيه.
http://www.almasryalyoum.com/node/487762

لو مش هتقدر تستنى و تشوف العربيات هترخص ولا لأ يبقى رأيي الشخصى كالأتى:

1- أوبترا
2- صنى
3- لانسر

و لو بتفكر فى لوجان كسر زيرو فى واحد فى قسم لوجان عاوز يبيع عربيته علشان مسافر برة مصر أعتقد طالب 60 ألف و العربية ماشية 11 ألف كيلو بس.

اللوجان إلى الأن ماسكة سعرها كويس مش وحش بس الله أعلم الدنيا فيها أيه كمان سنة أو أكتر و إن كنت أتوقع أنها هتفضل ماسكة سعر كويس خصوصاً أنها أثبتت كفاءة و كل سنة قطع غيارها بتنتشر و ترخص عن السنة اللى قبلها.

الف سلامة عليك يا استاذ مصطفى وربنا يقومك بالسلامة ان شاء الله وتبقى زى الفل
وشكرا للناس الجميلة اللى بتحاول تساعد وترد عليا
بس السؤال اللى مخيرنى مفيش حد ابدا جابلى سيرة الماتريكس فى اى حاجة لدرجة انى بدأت اكرهها هههههههههه
مش عارف بقى استنى يعنى شوية ولا انتهز فرصة ان الناس بترخص جامد فى العربيات وممكن الاقى حاجة لقطة
ولا ممكن انزل كذا مرة براحتى خالص والفلوس معايا لحد ما الاقى حاجة لقطة بدون استعجال كأنى مش مستعجل خالص وفى نفس الوقت بدور
مش كدة ولا ايه

اقتباس:

---

المشاركة الأصلية كتبت بواسطة hany_sushi

السلام عليكم
انهاردة عايز اخد رأى نهائى فى العربيات دى بعد اذنكم
1- لانسر 2007 1300 سى سى مانيوال ب 65000
2- لانسر 2006 1600 سى سى مانيوال ب 67000
3- شيفورليه افيو 1500 سى سى اوتوماتيك موديل 2009 فابريقة ب 65000
4- شيفورليه افيو 1500 سى سى مانيوال موديل 2008 ب 65000
5- شيفورليه اوبترا 2007 1600 سى سى مانيوال ب 66000
6- شيفورليه اوبترا 2006 1600 سى سى مانيوال ب 63000
7- نيسان صنى 2008 1600 سى سى مانيوال ب 70000
8- نيسان صنى 2009 1600 سى سى مانيوال ب 70000 عاملة 46000 كيلو
9- هيونداى النترا 2007 1600 سى سى مانيوال ب 70000

ياباشاا
هو انت مش امكانياتك من 55 الي 60
ليه بتتعب قلبك بالتدوير في عربيات معدية ال70
خليك في الرنج بتاعك
وصدقني والله احسن الأختيارات هي التويوتا واللانسر لو عايو اعادة بيع وسعر مناسب

10- هيونداى جيتس 2010 1600 سى سى مانيوال ب 65000
11- هيونداى ماتريكس 2007 1600 سى سى مانيوال فابريقة ب 63000
12- رينو لوجان 2010 1600 سى سى مانيوال زجاج امامى كهربا فابريقة ب 55000 رشة حزام بيقول نضافة

رشة نظافة !!!!!
هي الناس بتقول اي كلام في اي حاجة
عربية 2010 لحقت اتوسخت عشان تبقي عايزة نظافة ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
العربية دي واخدة خبطة محترمة وراششها
ولو فعلا نظافة انا ليه اشتري عربية 2010 ومرشوشة عشان لما اجي ابيعها اتحايل علي الناس واعقد احلفلهم اني شاريها كدة

13- رينو لوجان 2010 1600 سى سى فول اوبشن فابريقة ب 66000 عاملة 17000 كيلو
14- تويوتا ياريس 2007 1300 سى سى عاملة 100000 كيلو ب 63000

كتير اخر حاجة
من 2007 ل 2011 تعمل 100,000 دي كدة شقيانة وخلي بالك المواتير ادائها بيختلف تماما بعد ال100,000 وبتعتبر مستهلكة ويمكن كمان تلاقي المكنة بتاكل زيت

15- تويوتا ياريس 2008 1300 سى سى عاملة 90000 كيلو ب 62000

ابعد عن كل ما يقترب من ال100,000 وخليك في حاجة بجد كسر زيرو

انا اسف ان الاختيارات دى كتير اوى بس انا مشتت واحتاج رأى قاطع علما بانى عايز سيارة بياعة ماخسرش فيها كتير لو بعتها وتكون عائلية برضو وناعمة
عامة انا معجيب جدا باللانسر والصنى والماتريكس والاوبترا لكن على قد خبرتى ولو حد قاللى بثقة وخبرة على حاجة غير كدة هاعمل بيها بس يكون عن تجربة وثقة
شكرا ورمضان كريم ومنتظر ردود علشان استقر

---

شكرا استاذ سيد على ردك الجميل ومشكور على اهتمامك
بص ياباشا صحيح انا امكانياتى اخرها 60 الف بس انا بقول لنفسى لو هاحط 55 الف او 60 الف وقدامى حاجة احدث وماركة اعلى وحالة انضف ب 65 الف اتصرف ان شالله استلف الباقى او ابقيهم للراجل مش معقول علشان 5 الاف جنيه وانا هادفع 60 الف اضيع من ايدى حاجة احسن بكتير بس انت كدة حببتنى فى اللانسر اكتر بس فين التويوتا دى امش انت بتقوللى احسن الاختيارات اللانسر والتويوتا وانت قولتلى ان التويتا دى هاتبقى شقيانة وبعدين استاذ مصطفى وناس كتير قالولى لو عايز تكييف صح ابعد عن اى حاجة 1300 يبقى اعتقد ان اللانسر احسن الاختيارات اكيد هى والنيسان
اللى مجننى الماتريكس مفيش واحد قاللى مرة اى حاجة عنها مع انى شايف انها افضل انواع الهيونداى و1600 وقطع غيارها فى السوق واعتقد بياعة برضو وعائلية كمان وتكييف تمام ايه السر فى انها متجاهلة من الجميع كدة انا فسرت ده بانى اكيد حاطت عربيات اعلى واحسن منها زى اللانسر 1600 والنيسان 1600
مش كدة ولا ايه