انا هاشترى عربية لاول مرة فى حياتى بعد ال 131 ساعدونى علشان مش فاهم حاجة

**hany_sushi** · 16-08-2011 04:43 AM

انا عايز اشترى عربية لاول مرة فى حياتى ومعايا من الاخر 55000 الى 60000اجيب ايه فى العربيات دى

1- متسوبيشى لانسر مانيوال من 2003 الى 2006 1300 سى سى
2- هيونداى ماتريكس وانا بحب اوى العربية دى شكلها عاجبنى اوى
3- نيسان صنى من 2000 الى 2006
4- جيتس من 2006 الى 2009
5- نيو اكسنت 2006 او 2007
6- ولا اريح دماغى واجيب فيرنا وخلاص نضيفة رغم اللى سمعته عنها مش ولابد

مع العلم انى مش فاهم اى حاجة فى اى حاجة فى العربيات غير المعلومات اللى باخدها هنا من الموقع
غير كدة انا عارف وفاهم كويس ان العربيات دى فئات مختلفة ومقارنات غريبة بس دى الحقيقة انا عايز احسنهم وهل المبلغ اللى معايا اللى هو تحويشة العمر يجيب ايه احسن وانضف حالة فى دول لان بعدها هابقى عالجنط ومش عايز حاجة تبهدلى فى مصاريفها
اتمنى الناس تساعدنى بجد وتقولى على انسب حاجة وانضف حالة فيهم مع العلم حاجتين
اهم حاجة قطع الغيار تكون متوفرة
ثانى حاجة انا ماليش اوى فى الجرى
ثالث حاجة عايز تتحمل مشاوير وممكن اعيد بيعها بعدها بفترة بسيطة حسب الظروف ومش عايز اخسر كتير وتكون بياعة

معلش تعبتكم معايا بس بجد لانى اول عربية هاحط فيها كل ما املك ومنتظر رد الخبراء عن ثقة وتجارب فعلية وهل فعلا اللانسر ال 1300 مش حلوة ولا ماتريكس احسن منها ولا ايه شكرا جدا جدا

**MOUSTAFA_SAAD** · 16-08-2011 04:47 AM

انا رائى تكملهم 66 الف وتجيب لوجان زيرو
واتمتع باحساس الزيرو بعد معاناة ال131

**hany_sushi** · 16-08-2011 04:50 AM

انا متشكر اوى يا استاذ مصطفى على اهتمامك بى
بس هل اللوجان زيرو ب 66 الف وهل هى افضل من كل دول وهل هى كاملة ولا ايه

**MOUSTAFA_SAAD** · 16-08-2011 04:56 AM

اللى ب66 الف الهاف اوبشن
معايا وكويسه الحمد لله ومقضيه الغرض ولو ناوى فعلا شوف انت عاوز تعرف ايه عنها وانا اقولك

**hany_sushi** · 16-08-2011 05:15 AM

المشكلة عندى فى اعادة البيع يا استاذ مصطفى علشان لو حصلى ظرف فى اى وقت هابيع وعايز تبقى البيعة سهلة وانا اسمع ان الرينو تقيل فى البيع وبيخسر كتير وكمان زيرو
انا عايز اعرف هو مفيش من العربيات اللى انا اختارتها دى حاجة تكون حالتها حلوة يعنى تريحنى ولا ايه
وانا عايز مستعمل علشان مفيش معايا اكتر من كدة وكمان مش هاخسر كتير فى البيع

**MOUSTAFA_SAAD** · 16-08-2011 05:20 AM

اولا موضوع اعادة البيع ده فى الميجان بس

لكن الللوجان اعادة البيع بتاعها زى اللانوس تمام واتباعت هنا فى المنتدى بالشكل ده

طبعالاحتلاقى حاجه نضيفه بالمبلغ ده بس انا قصدى ان انت قربت على سعر الزيرو وحتريح دماغك كام سنه

طالما مش حاتقدر تكمل على اللى معاك انا عن نفسى باحب اللانسر جدا
عربيه محترمه جدا وركوبه فعلا وحتحس بنقله جامده

وطالما انت غاوى الماتريكس ممكن تجيبها لانك حاببها

كل العربيات اللى انت حاطتها كويسه وسوقها حلو فهات الحاله النضيف اللى قدامك منهم

لان اهم حاجه فى المستعمل تدور على الحاله الكويسه

**hany_sushi** · 16-08-2011 05:25 AM

صح كلامك يا استاذ مصطفى انا هحاول اشوف ممكن اجيب اللوجان زيرو وابقى ريحت دماغى كام سنة صح
ولو ماقدرتش يبقى كلامك التانى صح برضو اللى هو اشوف لانسر او ماتريكس والاحسن حالة فيهم هو الفاصل لان لو ماتريكس حالة نضيفة احسن من لانسر تعبانة والعكس
مش كدة ولا ايه

**MOUSTAFA_SAAD** · 16-08-2011 05:27 AM

ايوه كده وربنا يوفقك لما فيه الخير

**hany_sushi** · 16-08-2011 05:33 AM

بس هل فعلا اللانسر 1300 وحشة ولا ايه فيه ناس كتير كاتبة ان سحبها وحش مع التكييف
مش كدة ولا ايه

**albasha37** · 16-08-2011 09:18 AM

يوجد مثل يقول يقول أنا لست غنيا لكي أشتري سيارة مستعملة
السيارات المستعملة مهلكة ماديا وياريت تفكر في الجديد أيا كان النوع وإن كنت أميل للوجان بعد تجربتها

الموضوع: انا هاشترى عربية لاول مرة فى حياتى بعد ال 131 ساعدونى علشان مش فاهم حاجة

LinkBack

أدوات الموضوع

عرض

-

-

-

-

-

المواضيع المتشابهه

الرجاء النصيحة علشان انا مش فاهم حاجة

عجبانى العربية دى وعايز اخد رئيكم علشان انا مش فاهم حاجة

ياريت حد يشرح لى .. علشان مش فاهم حاجة

نفسى اشترى عربية لوجان الجديدة !! ساعدونى فى حاجة بسيطة

حشترى عربية لاول مرة فى حياتى وبالقسط ادونى خبرتكو

الكلمات الدلالية لهذا الموضوع

المفضلات

المفضلات

ضوابط المشاركة