فردة شمال ايه اللى نايمة دى !!!!!!!!!!

اول امبارح و انا عند توتال اللى على الكورنيش عندنا بحط بنزبن فا بعد ما خلصت لقيت واحد جايلي

يتمختر من اللى واقفين عند البتاعة دى اللى بينفخو بيها عجل العربيات و لقيتو بيقولي حضرتك

الفردة الشمال دى نايمة شوية و عاوزة تتنفخ !!!! فقلتله لأ شكرااا ..قالى لأ كدة غلط تمشي بيها كدة !

فقلتله يوم تانى باة و مشيييت .. صاحبتي باة كانت معاياه و قالتلى امشي حاالااا ..بقولها فى ايه ؟ ليه

يعني؟ قالتلى نفس الشخص دة جالنا برضه و قالنا نفس الكلام قبل كدة و نفخلنا الكاوتش و بعد ما

خرجنا من عنده لقينا العجل كله نايم !!:eek::eek:

اللى مستغرباه يا جماعة انه بعد ما مشيت من عنده وقفت على جنب كدة و جيت اشوف الفردة الشمال دى

لقيتها كويسة يعني مافهاش حاجة !!!:rolleyes:


انا مش فاهمة باة هم ليه بيعملو كدة؟؟ اى أذية و خلاص ولا ايه؟ بعدين دة انتو كنتو بتشكرو فى توتال و

معاملتهم و بنزينهم ..طيب ازاى باة معندهمش ضمير كدة و بيخرمولنا الكاوتش ! :confused::confused:

الموضوع ده مشهور فى بنزينات كتير, مش شرط توتال

لما واحد بيجى يقولى كده, بقوله انا بحب امشى بيها و هى نايمة

اقتباس:

---

المشاركة الأصلية كتبت بواسطة معاذ الشرباصى

الموضوع ده مشهور فى بنزينات كتير, مش شرط توتال

لما واحد بيجى يقولى كده, بقوله انا بحب امشى بيها و هى نايمة

---

والله ؟؟؟:confused::confused:

انا اول مرة اعرف الموضوع دة اصلااااااااا:eek:

طيب ليه الاذى يعني ؟؟:(

و بعدين ما هو شايف اصلا العربية جديدة و بكيسها لسه ! ازاى هتبقي فيه عجلة نايمة .. :rolleyes:

إنعـــــدام ضميــــــــــــــــــــــ ــــــره

هـو اللــى خــــلاه يعمــــــــل كـــــــده

أهى أى نحتاية والسلام :p:p:p

طيب هم بيعملو ايه فى العجل بظبط؟

بيخرمووه بايه و لا مثلا بيحطو على الارض مسامير مثلا ؟؟

برافو عليكى يا اونا عارفة لو كنتى وقفتى كنتى حتلاقى ال 4 عجلات على الأرض :(

بعد كدة على رأى سبعاوى اى حد يقولك العربية فيها كذا قوليلة طيب شكرا و بعد ما تمشى و تطلعى برة البنزينة تبقى تنزلى و تشوفى الموضوع حتى لو قالك العربية بتتحرق !

و ابقى خدى بالك من الحاجات دية بعد كدة

اقتباس:

---

المشاركة الأصلية كتبت بواسطة onna

طيب هم بيعملو ايه فى العجل بظبط؟

بيخرمووه بايه و لا مثلا بيحطو على الارض مسامير مثلا ؟؟

---

بيخرموه

بيبقى فى حاجة تخرم الكاوتش متثبتة فى صباعه بخاتم, و هو بيكش على العجلة بيخرمها

انا ابن خالتى محمد, حصل فيه الموقف ده فى بنزبنة شل فى الهرم, عند منزل المنصورية كده

و الراجل قال له العجلة فيها 11 خرم, و المصيبة ان ابن خالتى صدق, و دفعله ساعتها 100 جنيه

انا لو مكانه كنت شنقت الراجل النصاب ده

11 خرم ايه و العجلة ماشية زى الفل:mad:!!!!!!!!!!!

الحمد لله انها جت معاكي على اد كدة يا أونا
طب المفروض الواحد لو حصل معاه كدة يشتكيهم لمدير البنزينة ولا مش هايجيب نتيجة الموضوع ده؟
الخوف أحسن يكون بيقاسم معاهم :)

للدرجه ديه ماعدش في ضمييير

اقتباس:

---

المشاركة الأصلية كتبت بواسطة fahd_628

برافو عليكى يا اونا عارفة لو كنتى وقفتى كنتى حتلاقى ال 4 عجلات على الأرض :(

بعد كدة على رأى سبعاوى اى حد يقولك العربية فيها كذا قوليلة طيب شكرا و بعد ما تمشى و تطلعى برة البنزينة تبقى تنزلى و تشوفى الموضوع حتى لو قالك العربية بتتحرق !

و ابقى خدى بالك من الحاجات دية بعد كدة

---

شفتني و انا شاطرة :D:cool:

بس انا بجد ازاى اول مرة اخد بالى من الموضوع دة لانه واضح من كلامك ان الموضوع معرف و قديييم

طيب دة الواحد لازم عينه تبقي وسط راسه لما يدخل البنزينة:rolleyes:

اقتباس:

---

المشاركة الأصلية كتبت بواسطة معاذ الشرباصى

بيخرموه

بيبقى فى حاجة تخرم الكاوتش متثبتة فى صباعه بخاتم, و هو بيكش على العجلة بيخرمها

انا ابن خالتى محمد, حصل فيه الموقف ده فى بنزبنة شل فى الهرم, عند منزل المنصورية كده

و الراجل قال له العجلة فيها 11 خرم, و المصيبة ان ابن خالتى صدق, و دفعله ساعتها 100 جنيه

انا لو مكانه كنت شنقت الراجل النصاب ده

11 خرم ايه و العجلة ماشية زى الفل:mad:!!!!!!!!!!!

---

ايه قلة الادب دىى:mad::mad:

ازاى الاستهبال بتاع الناس دى؟؟؟:mad:

انا كدة هفتح عيني كويس اوى عشان كدة الواحد شكله هيضحك عليه كتيييير:confused:

تمام اللي عملتيه ده يا نهى

لسه كان سبعاوي ودكتور احمد بيتكلموا في الموضوع ده النهارده في المقابله

أولا لازم ولا بد وإنتي جوه البنزينه مافيش حد يقرب من العربيه بتاتا غير اللي بيحط البنزين

ثانيا يعني لو العجله نايمه مش هاتقدر تمشيكي لأي واحد بتاع عجل ( أكيد ده واحد بيفتي )

ثالثا ما تتعامليش مع أي واحد بتاع عجل جوه محطة بنزين ( كلهم حراميه ونصابين )

أنا علطول بتعامل في موضوع العجل ده عند توكيل بريدجستون اللي في عباس العقاد .. ولو حصل والعجله نامت .. منفاخ الهوا معايا بيقوم بالواجب لغاية ما أروحلهم

اقتباس:

---

المشاركة الأصلية كتبت بواسطة onna

انا كدة هفتح عيني كويس اوى

---

رابعا هو إنت بتغمضي عينيكي وإنت سايقه ولا إييييه:D

خامسا ياريت حضرتك تملي نيتروجين في العجل ( لأنه أفضل بكتير ) وفيه مواضيع كتير هنا في المنتدى على الموضوع ده

انا والله لو كنت منتبهة للموضوع من الاول يا على و فاهمة موضوع انه بيقولى كدة عشان يبوظلى العجل مكنتش سيبته بس انا اصلا كنت واخداها بحسن نية و كنت هدخل ابهدل الدنيا حتى لو مدير المحطة مقاسم معاهم !

اقتباس:

---

المشاركة الأصلية كتبت بواسطة mbluethunder7000

تمام اللي عملتيه ده يا نهى

لسه كان سبعاوي ودكتور احمد بيتكلموا في الموضوع ده النهارده في المقابله

أولا لازم ولا بد وإنتي جوه البنزينه مافيش حد يقرب من العربيه بتاتا غير اللي بيحط البنزين

ثانيا يعني لو العجله نايمه مش هاتقدر تمشيكي لأي واحد بتاع عجل ( أكيد ده واحد بيفتي )

ثالثا ما تتعامليش مع أي واحد بتاع عجل جوه محطة بنزين ( كلهم حراميه ونصابين )

أنا علطول بتعامل في موضوع العجل ده عند توكيل بريدجستون اللي في عباس العقاد .. ولو حصل والعجله نامت .. منفاخ الهوا معايا بيقوم بالواجب لغاية ما أروحلهم



رابعا هو إنت بتغمضي عينيكي وإنت سايقه ولا إييييه:D

خامسا ياريت حضرتك تملي نيتروجين في العجل ( لأنه أفضل بكتير ) وفيه مواضيع كتير هنا في المنتدى على الموضوع ده

---

انا عمرى على فكرة ما اتعاملت مع بتوع عجل من البنزية بس مثلا لو كان حد بيقولى زمان العجلة نايمة كنت بحسن نية بروح و اخليه ينفخه و خلاص !

بس بجد انا اللى مضايقنى دلوقتى ان كل الناس كانت بتشكر فى توتال و انا استريحت هناك من بنزينهم و فعلا حساه كويس لكن كدة انا بفكر مروحش تانى باة :confused: بس اروح فين باة !

كمان انا افتكرت انا shell بتاع الزراعى كانو بيعملو معايا حركة العجل دى و انا زمان مكنتش مخونة !

بجد احترت والله


بس ايه النتروجين دة؟؟؟؟ :rolleyes:

الحمد لله يا نهى انك مشيتي ....أخوكي اتعمل فيه المقلب ده من بتاع ١٠ سنين أو أكتر .....نفس السيناريو ....واقف في المحطة ....العجلة ديه نايمة .....ييجي يزودها ....يقولي ديه أكيد فيها خرم لازم اكشف عليها ....يطلع بتاع ١٠ خروم تانية ...طب ألحمهالك ....و إدفع يا حلو :(
من ساعتها عمري ما بقيت اتعامل مع بتوع العجل اللي في محطات البنزين

اقتباس:

---

بس ايه النتروجين دة؟؟؟؟ :rolleyes:

---

انتي عارفة طبعا إن العجل مليان هواء مضغوط ....نسبة النيتروجين فيه حوالي ٨٠٪ ....فيه ناس مخصوصة تشيل الهواء ده و تملي العجل ١٠٠٪ نتروجين ....مفروض إنه أئمن من الهوا العادي و كان فيه كذا موضوع في المنتدى عليه بس بصراحة عمري ما جربته :o

اقتباس:

---

المشاركة الأصلية كتبت بواسطة Chicco

.
فيه ناس مخصوصة تشيل الهواء ده و تملي العجل ١٠٠٪ نتروجين ....مفروض إنه أئمن من الهوا العادي و كان فيه كذا موضوع في المنتدى عليه بس بصراحة عمري ما جربته :o

---

انا فعلا عامل كده ومريح دماغي من موضوع تظبيط الهوا ده حطيت من كام شهر كده النيتروجين ونسيت موضوع الكاوتش ده

معلش يانهي محدش بقي عنده ضمير دلوقتي وخير ما فعلتي انك مشيتي وقريبا مصر كلها هاتبقي حراميه مش بتوع الكاوتش بس

عادى ده انعدام دين و اخلاق و ضمير و رجولة كمان و على فكرة ياريت كل الناس ما تعملش الكاوتش فى محطات البنزين و تعملوا عند الناس المعرفة المتخصصة و الحركة دى دايما تتعمل معايا فى شل قبل جرين بلازا فى سموحة اسكندرية و مصر للبترول فى ميدان جليم لدرجة انهم عرفوا العربية و بطلوا يعملوا الحركات دى اه و مرة فى البنزينة اللى قدام مركز مصرية بتاع الميتسوبيشى فى قليوب

باشا ..الرابط أهو :)

http://www.nilemotors.net/Nile/showthread.php?t=14828

ياجماعه

عاااااااااااااااااااااااا اااااااااااادي خالص

ايه في بلدنا مبقاش بيتعمل من نصب واحتيال

يعني اقرب الناس للواحد بقي بينصلوا عليه

يعني واحد صاحبي وعشرة عمري ونصب عليا وخلع عاااااااااااااااادي

بس المهم اننا ننبه بعض ومنخليش الامور تبقي عاااااااااااااادي

والحمدلله اننا لسه بنكلم ومنخليش الامور تبقي عااااااااادي

اقتباس:

---

المشاركة الأصلية كتبت بواسطة Chicco

الحمد لله يا نهى انك مشيتي ....أخوكي اتعمل فيه المقلب ده من بتاع ١٠ سنين أو أكتر .....نفس السيناريو ....واقف في المحطة ....العجلة ديه نايمة .....ييجي يزودها ....يقولي ديه أكيد فيها خرم لازم اكشف عليها ....يطلع بتاع ١٠ خروم تانية ...طب ألحمهالك ....و إدفع يا حلو :(
من ساعتها عمري ما بقيت اتعامل مع بتوع العجل اللي في محطات البنزين


انتي عارفة طبعا إن العجل مليان هواء مضغوط ....نسبة النيتروجين فيه حوالي ٨٠٪ ....فيه ناس مخصوصة تشيل الهواء ده و تملي العجل ١٠٠٪ نتروجين ....مفروض إنه أئمن من الهوا العادي و كان فيه كذا موضوع في المنتدى عليه بس بصراحة عمري ما جربته :o

---

عندك حق :(
ميرسيي يا شيييكوووو على المعلومة الجامدة :)

اقتباس:

---

المشاركة الأصلية كتبت بواسطة kimo-nubira

انا فعلا عامل كده ومريح دماغي من موضوع تظبيط الهوا ده حطيت من كام شهر كده النيتروجين ونسيت موضوع الكاوتش ده

معلش يانهي محدش بقي عنده ضمير دلوقتي وخير ما فعلتي انك مشيتي وقريبا مصر كلها هاتبقي حراميه مش بتوع الكاوتش بس

---

طبيعي والله انا مش مستغربة بس الموضوع نفسه مختلف عليه اول مرة اعرفه بس قشطة يعني اهه نوع من انواع السرقة و قلة الادب يعني هي جت على بتوع الكاوتش :rolleyes:

بس انت عاملوا فين دة يا كيمو؟؟؟؟

اقتباس:

---

المشاركة الأصلية كتبت بواسطة gemino

عادى ده انعدام دين و اخلاق و ضمير و رجولة كمان و على فكرة ياريت كل الناس ما تعملش الكاوتش فى محطات البنزين و تعملوا عند الناس المعرفة المتخصصة و الحركة دى دايما تتعمل معايا فى شل قبل جرين بلازا فى سموحة اسكندرية و مصر للبترول فى ميدان جليم لدرجة انهم عرفوا العربية و بطلوا يعملوا الحركات دى اه و مرة فى البنزينة اللى قدام مركز مصرية بتاع الميتسوبيشى فى قليوب

---

ههههههههههه

دة منتشر باة الموضووع دة!!! يا خبرررررررررررر:rolleyes:

اقتباس:

---

المشاركة الأصلية كتبت بواسطة Chicco

باشا ..الرابط أهو :)

http://www.nilemotors.net/Nile/showthread.php?t=14828

---

ميرسيي يا شيكوو

اى ويل تشيك ايت ناو :D

اقتباس:

---

المشاركة الأصلية كتبت بواسطة furp

ياجماعه

عاااااااااااااااااااااااا اااااااااااادي خالص

ايه في بلدنا مبقاش بيتعمل من نصب واحتيال

يعني اقرب الناس للواحد بقي بينصلوا عليه

يعني واحد صاحبي وعشرة عمري ونصب عليا وخلع عاااااااااااااااادي

بس المهم اننا ننبه بعض ومنخليش الامور تبقي عاااااااااااااادي

والحمدلله اننا لسه بنكلم ومنخليش الامور تبقي عااااااااادي

---

عندك حق :(

اقتباس:

---

المشاركة الأصلية كتبت بواسطة onna

انا عمرى على فكرة ما اتعاملت مع بتوع عجل من البنزية بس مثلا لو كان حد بيقولى زمان العجلة نايمة كنت بحسن نية بروح و اخليه ينفخه و خلاص !

بس بجد انا اللى مضايقنى دلوقتى ان كل الناس كانت بتشكر فى توتال و انا استريحت هناك من بنزينهم و فعلا حساه كويس لكن كدة انا بفكر مروحش تانى باة :confused: بس اروح فين باة !

كمان انا افتكرت انا shell بتاع الزراعى كانو بيعملو معايا حركة العجل دى و انا زمان مكنتش مخونة !

بجد احترت والله


بس ايه النتروجين دة؟؟؟؟ :rolleyes:

---

مش معنى يا نهى إن الحركه ديه إتعملت معاكي في توتال يبقوا همه كده وحشين

الحركه ديه بتتعمل في كل محطات مصر... معنى كده إننا ما نحوطيش بنزين .. أهو توفير برضه

فالحل الأمثل ................. " شكرا " وتمشي .. بس كده.. ماتعمليش حاجه زياده .. ولا بهدله ولا زعيق ولا الفيلم ده كله ... لإنك مش هاتخلصي لو عملتي كده

النيتروجين ده بقى قصه تانيه ... أغلبية الناس دلوقتي بتحطه لأنه بيريح العربيه وبيبقى خفيف على عفشتها .. وكمان موضوع النوم والصحيان ده مش موجود فيها .. علشان كده شوفي إنتي أقرب مكان ليكي إيه تحطي من عنده نيتروجين وروحيله...

المكان اللي متأكد منه هو توكيل بريدجستون اللي في عباس العقاد اللي موجود جنب محطة كالتكس .. فيه طبعا أماكن تانيه بس أنا مش عارفها

أهم حاجه روحي إملي العجل نيتروجين

اقتباس:

---

المشاركة الأصلية كتبت بواسطة onna

طبيعي والله انا مش مستغربة بس الموضوع نفسه مختلف عليه اول مرة اعرفه بس قشطة يعني اهه نوع من انواع السرقة و قلة الادب يعني هي جت على بتوع الكاوتش :rolleyes:

بس انت عاملوا فين دة يا كيمو؟؟؟؟

---

انا عملته في بريدج استون فرع المنيل عنوانه بالتفصيل 55 شارع المنيل وسعر الفرده 5 جنيه وده تقريبا اقرب فرع ليكي بارضو

ميرسييي يا ايمن هرووح اعمله ان شاء الله

بس اما اخف شوية :(

انعدم الضمير في الشعب المصري و بقي عمله نادره جداً زي ما اي حاجه كويسه في البني ادم اختفت منه سعياً وراء المال و خلاص حلال بقي او حرام دي مش مهم يعني
المهم ازاي يطلع منك اي فلوس و خلاص

الحركه دي اتعملت فيا مره كانت في بنزينة توتال بردو بس اللي في زهراء المعادي علي الدائري (معلش لو الوصف طلع غلط اصلي مش بتذكر الاسماء بتاعت المناطق و الشوارع) المهم صدقت و نزلت من العربيه ابص علي الفرده لاقيتها كويسه ظل يحاول يقنعني ان كده غلط اقوله سيببها شكلها عاجبني كده لحد ما هوه زهق مني و مشي

خالي بالك في الزمن ده متصدقيش حد حتي لو حلفلك علي مصحف الكلام ده عن تجربه بحكم عملي و التعامل مع فئة العمال و الصنايعيه

و ربنا يسترها عليكي و علي البنات اللي زيك

الف الف الف شكر يا وليد و ربنا يسترها معانا كلنا لانه والله بقيت بحس ان الناس بقت ممكن تئذي بعضها عشان يطلع منى باى حاجة و مش مشكلة باة يئذيني مثلا و لا يبوظلى العربية و هو شايفها جديدة او حتى يسببلى فى كارثة و انا راجعة بيتنا بالليل بجد حسبي الله و نعم الوكيل !

فعلاً و ده اللي ماشي في البلد اليومين دول والله و في نا بيضحك عليها بسهوله عادي يعني بس حنعمل ايه غير اننا نقول ربنا يسترها

اقتباس:

---

المشاركة الأصلية كتبت بواسطة onna

ميرسييي يا ايمن هرووح اعمله ان شاء الله

بس اما اخف شوية :(

---

سلمتك يا نهى

إييه اللي حصلك..

يارب تخفى بسرعه

اقتباس:

---

المشاركة الأصلية كتبت بواسطة mbluethunder7000

سلمتك يا نهى

إييه اللي حصلك..

يارب تخفى بسرعه

---

دور برد والله يا علاء مكسرنى و عندى سخونية :(

الله يسلمك ميرسيي :)

الف سلامه اكيد حسد خلي بالك من نفسك و مبروك علي السيراتو و ليه سبتي السيتي كانت موفره و اخده بالك سعر البنزين غلي
وربنا يديك خيرها و يكفيك شرها

أول مقريت الموضوع كنت حقولك حطى النيتروجين و ريحى دماغك
بس طبعا الاخوه الافاضل سبقونى
استخدميه علطول حيريحك من كل الافلام دى
عند بريدجستون و انت ادرى بفروعه منى
و سلامتك ؛؛؛؛؛؛؛؛

بصى يا أونــــا
اعملى اي صيانة للكاوتشات عند واحد بتاع كاوتش كويس انت عارفاه مثلا او مركز محترم زي بريدجستون
انما غير كده لا ماتسمعيش كلام بتوع المحطات لان كلهم نصابين
وربنا يكون معاكي دايما ويبعد عنك الناس دول

اللي بيقوللي الفردة نايمة في البنزينة
بقولوة اوعي تصحيها احسن نايمة متاخر وتعبانة
نييييييييييههههههههههههه

اقتباس:

---

المشاركة الأصلية كتبت بواسطة karim_monir

اللي بيقوللي الفردة نايمة في البنزينة
بقولوة اوعي تصحيها احسن نايمة متاخر وتعبانة
نييييييييييههههههههههههه

---

:D:D:D:D:D:D:D:D:D