فردة شمال ايه اللى نايمة دى !!!!!!!!!!

**Noha.M** · 09-05-2008 07:25 PM

اول امبارح و انا عند توتال اللى على الكورنيش عندنا بحط بنزبن فا بعد ما خلصت لقيت واحد جايلي

يتمختر من اللى واقفين عند البتاعة دى اللى بينفخو بيها عجل العربيات و لقيتو بيقولي حضرتك

الفردة الشمال دى نايمة شوية و عاوزة تتنفخ !!!! فقلتله لأ شكرااا ..قالى لأ كدة غلط تمشي بيها كدة !

فقلتله يوم تانى باة و مشيييت .. صاحبتي باة كانت معاياه و قالتلى امشي حاالااا ..بقولها فى ايه ؟ ليه

يعني؟ قالتلى نفس الشخص دة جالنا برضه و قالنا نفس الكلام قبل كدة و نفخلنا الكاوتش و بعد ما

خرجنا من عنده لقينا العجل كله نايم !!

اللى مستغرباه يا جماعة انه بعد ما مشيت من عنده وقفت على جنب كدة و جيت اشوف الفردة الشمال دى

لقيتها كويسة يعني مافهاش حاجة !!!

انا مش فاهمة باة هم ليه بيعملو كدة؟؟ اى أذية و خلاص ولا ايه؟ بعدين دة انتو كنتو بتشكرو فى توتال و

معاملتهم و بنزينهم ..طيب ازاى باة معندهمش ضمير كدة و بيخرمولنا الكاوتش !

**معاذ الشرباصى** · 09-05-2008 07:27 PM

الموضوع ده مشهور فى بنزينات كتير, مش شرط توتال

لما واحد بيجى يقولى كده, بقوله انا بحب امشى بيها و هى نايمة

**Noha.M** · 09-05-2008 07:29 PM

المشاركة الأصلية كتبت بواسطة معاذ الشرباصى

الموضوع ده مشهور فى بنزينات كتير, مش شرط توتال

لما واحد بيجى يقولى كده, بقوله انا بحب امشى بيها و هى نايمة

والله ؟؟؟

انا اول مرة اعرف الموضوع دة اصلااااااااا

طيب ليه الاذى يعني ؟؟:(

و بعدين ما هو شايف اصلا العربية جديدة و بكيسها لسه ! ازاى هتبقي فيه عجلة نايمة ..

**sokasoon** · 09-05-2008 07:35 PM

إنعـــــدام ضميــــــــــــــــــــــ ــــــره

هـو اللــى خــــلاه يعمــــــــل كـــــــده

**Ayman_Abdullah** · 09-05-2008 07:37 PM

أهى أى نحتاية والسلام :p:p:p

**Noha.M** · 09-05-2008 07:40 PM

طيب هم بيعملو ايه فى العجل بظبط؟

بيخرمووه بايه و لا مثلا بيحطو على الارض مسامير مثلا ؟؟

**fahd_628** · 09-05-2008 08:12 PM

برافو عليكى يا اونا عارفة لو كنتى وقفتى كنتى حتلاقى ال 4 عجلات على الأرض :(

بعد كدة على رأى سبعاوى اى حد يقولك العربية فيها كذا قوليلة طيب شكرا و بعد ما تمشى و تطلعى برة البنزينة تبقى تنزلى و تشوفى الموضوع حتى لو قالك العربية بتتحرق !

و ابقى خدى بالك من الحاجات دية بعد كدة

**معاذ الشرباصى** · 09-05-2008 08:16 PM

المشاركة الأصلية كتبت بواسطة onna

طيب هم بيعملو ايه فى العجل بظبط؟

بيخرمووه بايه و لا مثلا بيحطو على الارض مسامير مثلا ؟؟

بيخرموه

بيبقى فى حاجة تخرم الكاوتش متثبتة فى صباعه بخاتم, و هو بيكش على العجلة بيخرمها

انا ابن خالتى محمد, حصل فيه الموقف ده فى بنزبنة شل فى الهرم, عند منزل المنصورية كده

و الراجل قال له العجلة فيها 11 خرم, و المصيبة ان ابن خالتى صدق, و دفعله ساعتها 100 جنيه

انا لو مكانه كنت شنقت الراجل النصاب ده

11 خرم ايه و العجلة ماشية زى الفل

!!!!!!!!!!!

**aliabutaleb** · 09-05-2008 08:26 PM

الحمد لله انها جت معاكي على اد كدة يا أونا
طب المفروض الواحد لو حصل معاه كدة يشتكيهم لمدير البنزينة ولا مش هايجيب نتيجة الموضوع ده؟
الخوف أحسن يكون بيقاسم معاهم :)

**dr.hany** · 09-05-2008 08:26 PM

للدرجه ديه ماعدش في ضمييير

الموضوع: فردة شمال ايه اللى نايمة دى !!!!!!!!!!

LinkBack

أدوات الموضوع

عرض

فردة شمال ايه اللى نايمة دى !!!!!!!!!! - انشر الموضوع فى :

-

-

-

-

-

-

-

-

المواضيع المتشابهه

ازاي تعرف ان عداد التاكس اللى انت راكبه شغال شمال ...!!!

عاوز اكصدام لانوس و رفرف شمال امامى و مرايا شمال

عاوز اشترى جوز مساعدين ومقص شمال وشداد شمال

ملاك الياريس - هل عندكم العجلة اللى قدام شمال متأخرة لورا شوية ؟

عاوز اكصدام لانوس و رفرف شمال امامى و مرايا شمال

الكلمات الدلالية لهذا الموضوع

المفضلات

المفضلات

ضوابط المشاركة