لسه ماستلمتش لغاية دلوقتى .. ايه الحل !

**nero007** · 17-08-2011 09:17 PM

@هاني ...السعر كان 95..هيكون بعد الزيادة 97....و ام 90 هتكون ب 92....معرفش اذا ما كان كل الاسعار رفعت خلاص و لكن سعت منا حجزت-8/7/2011-مكنش في اي زياده...

@ahmed,tv باشا حبيبي اللي اكيدهو اللي مغير اسم البوست بتاعي ؛) ...نص 9!!!!!!!!!!! ده كتييييير ده ,كده اوووووفر اوووووفر لو كان الكلام زي منتا بتقول!!!

عاماتان انا كلمتن بتوع نيسان علي 16244 و قالولي كام معلومة طريفة جدي...
اول حاجه مينفعش احجز بسعر و استلم بسعر تاني!
تاني حاجه ان فالسبع قالولي بعد العيد هيكون موديل 2012 و فنيسان قالولي ان منزلش للموظفين اي معلومات عن موديل 2012 لسه برغم انهم بيعرفوا عنه قبل مينزل بشهر او 2 و قاللي انوا هينزل علي نوفمبر!!
والله المستعان علي ما يصفون..انا كنت عاوز اجيب عربية..مش عارف ليه حاسس اني لو كنت بجيب طياره كان زماني فالملديف من زمان!!
ملحوظه:انا فعلا عارف ان الاوبترا و توكيلها ملهومش علاقه بنسان عشان كده مش هجيبها ان شاء الله..انا بهزر!

**Ahmed.TV** · 17-08-2011 10:22 PM

اولا : انا معنديش صلاحية انى اغير اى بوست فى القسم .. الادارة اللى اللى ليها الصلاحية فى كدا .. لان لو عنوان مبهم او عنوان مالوش علاقة بالموضوع او عنوان فى اساءة لتوكيل خارجة ومفهاش نقد بموضوعية .. فمن تلقاء نفسهم هما بيغيروه .. ولو كان مش واخدين بالهم ومش قرؤا العنوان ممكن يكون حد من الاعضاء بغلهم عن تقرير ارسال تقرير مشاركة سيئة فبيقوموا بالتغير فورا بعد بلاغ العضو ..
وكل التغير ده من حقوق المنتدى وليس لصحاب الموضوع حق فيه واللى بقولهولك ده من قواعد وقوانين المنتدى

وانا اخدت بالى من العنوان قبل ما يتغير .. وبصراحة كسلت ابعت للادارة تقرير مشاركة لانه كان لازم يتغير .. بس ظروف شغلى وظروف الضغط اللى انا فيه من المنتدى نسيت .. واكيد حد من الاعضاء عمل تقرير
واكيد العضو اللى بعت من الاعضاء القدامى اللى فاهمة قوانين المنتدى زى وضحت لحضرتك

الحاجة التانية

موضوع التسليم ده فعلا فى الوقت الحالى صعب .. لان المصنع كان واخد اجازة فى مصر وفى اليابان .. وابتدى خط الانتاج يشتغل .. واكيد فى ضغط شغل .. وانا سالت فى اتو ايجيبت قالولى احتمال يكون فى تسليم عربيات قبل العيد لكن مش بكمية .. او بعد العيد مباشرة .. وحيبتدى تانى يرجع انتاج الهاى لاين

الحاجة التالتة

متعتمدش فى الكلام وتثق فيه مع موظفين خدمة العملاء فى الشكاوى .. لان دول اخر ناس بيجلهم معلومات .. هما ممكن يهتموا بشكوى ايوة او امشكلة لعميل ويبغلوا مراكز الخدمة او الموزعين .. لكن كمعلومة عاوز تاخدها انسى .. لان معلوماتهم دايما ناقصة

الحاجة الرابعة
ادعوا بس ان العربية ترجع بالسعر القديم الرسمى وميكنش فى زيادة

الحاجة الخامسة
اللى عايز صنى بصراحة يصبر شوية بعد العيد عشان نشوف معرض اتوماك يمكن فى عروض كويسة .. وكمان يكون موديلات 2012 نزلت

الحاجة السادسة
الاوبترا العربية المحترمة اللى قريبة فى نفس الفئة السعرية اللى بتنافس الصنى .. ولو بتفكر فيها ومستعجل جدا توكل على الله وهاتها .. ولو مش مستعجل يبقا اصبر

والله المستعان

وتحت امرك
واهلا بيك معانا دايما

تحياتى

**hanyemad123** · 18-08-2011 11:29 AM

يا احمد باشا ياريت تكلم عبد الخالق توصيه عليا

انا رايحله بكره

و فعلا انا معاك الواحد يستنى موديل 2012 مع ان العربيه هى هى

بس تقدر تقول كده احساس كويس ان الواحد يبقى معاه موديل السنه

**nero007** · 19-08-2011 07:34 PM

المشاركة الأصلية كتبت بواسطة ahmed.tv

اولا : انا معنديش صلاحية انى اغير اى بوست فى القسم .. الادارة اللى اللى ليها الصلاحية فى كدا ..

وانا اخدت بالى من العنوان قبل ما يتغير .. وبصراحة كسلت ابعت للادارة تقرير مشاركة لانه كان لازم يتغير .. بس ظروف شغلى وظروف الضغط اللى انا فيه من المنتدى نسيت .. واكيد حد من الاعضاء عمل تقرير
واكيد العضو اللى بعت من الاعضاء القدامى اللى فاهمة قوانين المنتدى زى وضحت لحضرتك

الحاجة الخامسة
اللى عايز صنى بصراحة يصبر شوية بعد العيد عشان نشوف معرض اتوماك يمكن فى عروض كويسة .. وكمان يكون موديلات 2012 نزلت

الحاجة السادسة
الاوبترا العربية المحترمة اللى قريبة فى نفس الفئة السعرية اللى بتنافس الصنى .. ولو بتفكر فيها ومستعجل جدا توكل على الله وهاتها .. ولو مش مستعجل يبقا اصبر

والله المستعان

وتحت امرك
واهلا بيك معانا دايما

تحياتى

انا معرفش مين اللي ليه حق التعديل بس افترضت خطأ انو انت علي اساس انك ماسك الليلة في قسم النيسان ...
وواحد من الناس اللي انا كلمتهم -في مكالمة جديدة-قاللي انوا فيه اتجاه انهم هيعملوا تغيير بس ده مجرد كلام ...انا بكلم عالشكل اكيد.
و برضه معنديش نية اركب اوبترا...وشكرا ليك يا احمد باشا