لسه ماستلمتش لغاية دلوقتى .. ايه الحل !
سلام عليكم و رمضان كريم يا رجالة....
الخلاصة علي طول:
حاجز صني اي اكس اوتو 2011 من اكتر من شهر مالسبع..اعدوا يأجلوا اسبوع ورا اسبوع و يقولوا المصنع مبعتش مبعتش...و بعد كده قالوا المصنع واخد اجازة عشان بيصينوا المكن و هيفتح 10/8/2011 ...قولنا و ماشي...بكلم الناس فالسبع...قاللي يا فندم بخ كده مفيش خامات فالمصنع اساسان و بعتوا يجيبوا ماليابان خامات و بعد العيد و عليك خير...كده و بنقول عادي و ظروف قهرية...المشكلة ان بعد العيد ده كل اللي نازل موديل 2012 بس و هتلبس في 2000 جنية اوفربرايس-زيادة- و بالطبع مظنش ان هيغيروا زلطة فالعربية اللي بتتغير كل فين و فين دي ...وانا يا سيدي مش فارقة معايا الموديل و الحوارات الفكسانة دي..انا مش هغير العربية كل يوم ده اذا غيرتها اساسان!!!...وانا حاجز علي اساس معين ..تقعدني مربوط جنبك شهرين وشوية و تدفعني كماااان 2000 جنية و مفيش اعتبار لاقدمية الحجز!!!!....حد يقولي دا غلط مين يا ناس!!!
خلاصة الكلام برضه اني كاتب الموضوع عشان اعرف رايكوا و اوصلكم خبر-للناس اللي حاجزه-ان مفيش تسليم صني اللهم الا كام عربية منوال من غير abs عند السبع و اوتو ايجبت خد 5 عربيات معرفش ايه مواصفاتهم..واي تسليم هيكون بعد العيد و عليكوا خييير...انا شكلي هسحب العربون و اروح اجيب اوبترا عالاقل اوسع :@