اولا : المصنع كان واخد اجازة فعلا .. وكمان فى اليابان كانوا واخدين اجازة
ثانيا : المصنع ابتدى يشتغل فعلا .. واى استلام عربية حيكون فى نص شهر 9 والكلام ده انا عارفه من فترة ومن اتو ايجيبت .. لان ده افضل موزع عنده صدق فى الكلام مع العملاء جدا .. ومعندهوش جر رجل للعميل وبعد كدا يدبس نفسه ويدبس العميل معاه
ثالثا : بالطريقة دى انا شايف انك تسحب فلوسك وتصبر ولو عايز نيسان يبقا تستنى تاخد بعد شهر 9 يكون نزل موديلات 2012 باذن الله
رابعا : اعتقد ان فى احتمالية كمان نيسان تزود سعر العربية رسمى .. لانهم شافوا ان التجار زودوا سعر العربية والعربية بردوا بتتباع وعليها طلب .. فا الاسعار بعد العيد مش مضمونة .. بس انا متفائل خير باذن الله وان شاء الله متزدش
خامسا : عندك الاوبترا مفيش مشكلة .. عربية ممتازة .. بس مفيش عوامل امان فى العربية .. والوسع اللى بتقول عليه مش بالزيادة الكبيرة يعنى .. فرق حاجة بسيطة .. وغير كدا حتيجى تصوت من منصور والتوكيل
سادسا : صلى صلاة استخارة وربنا يقدم اللى فيه الخير باذن الله