فى مشكله فى العوامه ومحتاجه العربيه تتحط على الجهاز بس فى الغالب العوامه
عرض للطباعة
فى مشكله فى العوامه ومحتاجه العربيه تتحط على الجهاز بس فى الغالب العوامه
السلام عليكم ...أولاً شكراً لموضوعك المتميز و المفيد
أنا معايا بولو2005 (1000سي سي) لسه شرياها من يومين و كنت عايزة أعرف عنها بشكل موسع ،حتى أستطيع صيانتها من أي أعطال متوقعة و تظل حالتها جيدة ،فصاحبها الأصلي (فبلي)كان يقوم بأعمال الصيانة الدورية لها في التوكيل ،و عن الزيت الذي أستخدمه لها كان (موبيل)فهل هناك زيت أفضل يناسب البولو و لا الموبيل حلو؟؟و عن مكيف البولو صوته عالي عندما يكون على 3 فهل هذا طبيعي،و أنا كمان كنت طمعانة في مجموعة نصائح من حضرتك تساعدني في أن تظل سيارتي بشكل ممتاز و أداء جميل دائماً و ماتعملش فيه أي فصل كده و لا كدة في الشارع و شكراً يا باش مهندس ،و كان عندي سؤال أخر عن ضبط ساعة السيارة اصلي مش عارفة بتزبط منين؟؟و لك جزيل الشكر
معايا جولف 4 لسه شاريها , اللى باعهالى قالى مشكله المكنه ال 1400 حساس الكرنك , المهم رحت للمكانيكي وقالى الجهاز قارى حساس كرنك ومسحه بالجهاز وكشف اكتر من مره وهو ماشي وهو واقف مقراش تانى حساس كرنك
المهم سافرت يوم بيها وانا راجع جابت فعلا معايا حساس كرنك
السؤال هنا : هل فعلا مشكله المكنه ال 1400 حساس الكرنك ؟؟؟؟ وخصوصا انى لما اشتريت العربيه كان فيها 2 حساس واحد شغال وواحد مش شغال فالمكانيكي قالى هو صاحب العربيه دى كان بيجمع حساسات كرنك ولا ايه ؟؟؟
تانى حاجه رحت اركب مكن رفع الكهربائي قالى لازم هنسحب كابل من كل باب ونجمع كل الدنيا دى على الانذار ,,, فلقيت الفيلم كبير كبرت دماغى .. فهل موضوع وحده الرفع فيلم كبير ؟؟؟؟
و كمان حصل معايا إمبارح فصل خاص بالنزين ،فعلى الرغم من أني متأكده من قبل ما أنطلق بالسيارة إن مؤشر البنزين كان فوق النص بشوية و لكن بعد ما قطعت مسافة قصيرة و وقفت شوية أنتظر داخل السيارة و أنا فتحة المكيف و لسه بقول يا هادي و هتحرك إلا بالسيارة تصفر و تنور نور البنزين و أبص على المؤشر ألقيه في أخر اللحمر يعني مافيش بنزين خالص ،و طبعاً إتخضيت من الموضوع ده و خاصة إني في مكان بعيد إلى حدس ما عن العمار في مكان تحت افنشاء (قولت لنفسي و بعدين أعمل إيه لو العربية وقفت بيه في مكان زي ده مفهوش حتى تاكسي و لا أي مواصلة )بيني و بينك إحتست و مكانشي أدامي إلا إني أنطلق بأقصى سرعة عشان أوصل لأقرب بنزينة ،بس المدهش و الغريب إني عندما إقتربت من البنزينة إذا بلمبة البنزين إطفت و المؤشر قفز إلى ما قبل النصف بشوية كما كان قبل ما أبدأ رحلتي و كأن شئ لم يكن ،بس أنا مش عارفة إيه الموضوع ده و المشكله في إيه بضبط؟؟؟ممكن تقولي يا باش مهندس....مع جزيل الشكر و أعمل إيه عشان ما تتكررش الحكاية دي؟؟
اولا الف مبروك عليكى العربيه وربنا يباركلك فيها ويكفيكى شرها
نصايحي ليكى واللى ممكن تخالف كتيب صيانه العربيعه
هى انك كل 10000كم تغيرى الزيت والفلتر وانصحك بزيت كاسترول من محطات طاقه
ومعاهم يتم تغيير الأتى بوجيهات وفلتر بنزين ونفض فلتر الهواء وتغييره بعد العشره الاف كيلو التاليه
وتنظيف وحدة الخنق (البوابه ) بسبراى انجيكشن مش كاربرتير
وكل 40 الف كيلو يتم تغيير السيور (كاتينه -باوروتكييف دول واحد مع بعض )
كل اول صيف تغيير فلتر التكييف واثناء الشتاء مره فى الأسبوع تشغلى فيها التكييف عشان تحافظى على الفريون ودوره التبريد
الأستمرار على صيانه العربيه هيخليها ان شاء الله زى الفل معاكى
وطبعا مع صيانه ال 10000كم تربطى عفشه عند عفشجى او ميكانيكى وهو بيربط يكشفلك عليها لو فى اى حاجه ظاهره تعمليها اول بأول عشان متجيبش حاجه تانيه وراها
الساعه فى زرارين عندك فى لوحه العدادات واحد منهم هو اللى بيظبط الساعه وبالنسبه لأنى واحد فيهم
هو اللى جنب الساعه على طول
الف مبروك وربنا يباركلك فيها ويكفيك شرها
فعلا المكنه دى مشكلتها حساس الكرنك وعمتا يفضل الكشف على دفيره الحساس دا والتاكد من انه راكب كويس وبالنسبه لوحدات الرفع الراجل بيتكلم صح لازم يجيب فرده من كل باب هو مش فلم بس بياخد وقت شويه ومحتاج حد نضيف عشان ميعكش الدنيا ويشتغل بنضافه
حضرتك كدا العوامه مش مظبوطه ومحتاجه تتغير اوتتظبط عند حد كهربائى وانصحك بسرعه التغيير او الأصلاح عشان متحطكيش فى موقف حرج
ونصيحه عامه متخليش التانك ينزل عن النص احسن للفلتر وللطلمبه والرشاشات
جزاك الله خير محمد باشا والله ينور :) هو عقبال ما تظبط العوامة او تغييرها ممكن تستخدم عداد الرحلات trip عندك فالتابلوه مكتوب في شاشة عدد الكيلومترات اللي قطعها الموتور تقريبا تحت الشاشة دي في زرار تدوسي عليه يجيب عداد الكيلومتر للرحلات ودايما هيكون الرقم اصغر من اجمالي عدد الكيلومترات اللي مقطوعة فالموتور هتدوسي تاني عالزرار دوسة طويلة شويه هيتصفر عداد التريب trip والمفروض لما تفولي العربية بالتانك الاحتياطي (زرار في مكان تموين العربية بيدوس عليه العامل بيديكي 7لتر او 10 تحطيهم زيادة) تصفري عداد الtrip والمفروض التانك بيشيل 47 لترعلي مااعلم وانتي كده كده مش هتنزلي عن نص التانك وتفولي العربية يعني الصفيحة 20لتر تعمل جوه البلد مثلا تقريبا 240 كيلومتر قولي اول ماتعملي علي عداد الرحلات 300 كيلو ادخلي البنزينة وفولي العربية وصفري عداد التريب من جديد ارجو ان مكنتش لخبطتك هي سهلة اووي بس المشكلة لو لاقدرالله العربية فضت بنزين منك هتدوري اكيد كده انت بتبوظي طرمبة البنزين وهي غالية فعقبال تغيير عوامة البنزين او اصلاحها تعملي اللي قلتلك عليه فوق والف مبروك العربية ربنا يديك خيرها ويكفيك شرها
مساء الجمال على كل الموجودين وخصوصا البشمهندس محمد مصطفى
بجد ربنا يكرمه يا رب
انا عندى مشكله فى العربيه البولو2001
لما بمشى بالعربيه مشوار كبير
طول اليوم ساعات كده لما ببقى ماشي على سرعه مثلا 80
وباجى ادوس فرامل ودبرياج بسمع صوت غريب زى صوت حكه
كده صاج فى صاج
فكنت متوقع من الجكمان او علبه البيئه
رحت كشفت انهارده عند واحد مشهور اوى بتاع جكمانات
قلى كله تمام ومفيش اى مشكله عندك فى علبه البيئه
؟؟؟؟؟؟؟؟؟؟؟؟؟؟
ممكن حد يفدنى
ممكن ىيكون من الفلاتر مثلا
عشان انا مغيرتش فلاتر من ساعت ما خت العربيه
(بنزين هوا )
ولا اه انا مستنى ردك يا بشمهندس
هى مش صفاره يا ريس ده صوت حكه كده صاج ممكن
والفرامل عندى مبتسفرش وكويسه على ما اعتقد عموما
بكره حروح اكشف على تيل الفرامل
ممكن يكون حاجه تانيه