أول طلب أطلبه من وحوش قسم الفولكس واجن

السلام عليكم و رحمة الله و بركاته ..............

بعد السلام و التحية و كل سنة و إنتم طيبين و بخير و عقبال كل سنة

نخش فى الموضوع علطول قبل ما حد يزهق منى و يقوللى بزعيق إنجز بقى الدنيا صيام

أنا قدامى عربية جولف 5 موديل 2006 1600CC بدون فتحة سقف كانت مع واحدة قريبتى و هيه بتفكر تبيعها و تجيب حاجة تانى و أنا بفكر أخدها منها

بالنسبة للتفاصيل : العربية ماشية 69000 كم تقريبا و هيه كانت بتستخدم الفتيس كالتالى ( N , R , D ) بس ماتعرفش أى حاجة عن الستيبترونيك أو حتى Sport Drive و عمرها ماجربتهم بالرغم من إنها سألتنى عليهم من فترة لكن أنا خوفتها و قولتلها دول بتوع الجرى و الحرق و هيه كانت جايبة العربية من البيت للجامعة و بس و من ساعة ماخلصت الجامعة 2009 و العربية إستخدمها فقط للسفر .

الصالون الداخلى فابريكة ماشاء الله لا يعكره فقط إلا بعض الخدوش فى بعض زراير الكاسيت و كذلك فى مفتاح الإضاءة كذلك الكابوت و حوض الموتور ماشاء الله لا قوة إلا بالله زى الفل و لكنى لاحظت وجود زيت شبه كتير فى بعض أجزاء حوض الموتور ( حوالين الموتور و لكن مافيش حاجة عند الموتور )
الدهان الخارجى : لللأسف العربية كلها رشة بره نظافة ماعدا السقف و للأسف البرنس إللى رش العربية شاكله مش صنايعى جامد لإنه ممعجن كتير و راشش أى كلام لكن العربية مش عاملة حوادث بفضل الله .

طبعا أنا ناوى أروح أكشف على العربية بالكمبيوتر عند واحد معرفة شغال فى توكيل فولكس علشان أخد القرار النهائى بالنسبة للعربية ده .

طبعا أنا كنت عاوز أخد أراء حضراتكم بالنسبة للعربية و إيه مميزاتها و عيوبها و إيه أخبار قطع الغيار بتاعتها و ما مدى توفرها و تقريبا حالة العربية ده تعمل كام و طبعا بعد ما أكشف عليها و أجيب Report هعرف حضراتكم بإللى حصل .

أسف على الإطالة و جزاكم الله خيرا و كل عام و أنتم بخير

معلش سؤال بس ازاي رشه نظافه و اتمعجنت طالما في معجنه يبقه اكيد كانت مخبوطه ، العربيه طبعاً لا تعليق عليها وقطع غيارها متوافره طبعاً وطالما حتركب الماني متشغلش بالك بالاسعار ، انت بس اللي شوف حوار تسريب الزيت ده واكشف عليها بالمره عند حد محترم

بص يا سيدى مش مهم انها رشه بره اكشف عليها وجربها انت فى السواقه انت الى هتدى التقرير مش مركز الصيانه كلل حاجه انت ممكن تعرفها من تجربتك للعربيه اهم حاجه التكيف جربه كويس علشان العيب الوحيد كمبروسر العربيه دى جربه على كلمةlow شوف ايه الاخبار وؤبنا يوفقك

أعتقد ان ركوب العربية والاعتماد فى شرائها على الاحساس انتهى من ايام الهيونداى اكسيل و الريجاتا, الا لو هوا كان راكب عربيات مماثلة ليها قبل كده كتير و برده ده مش كافى, ممكن يبقى الموتور بيجرى و مبيقطعش لاكن عمره الافتراضى قرب على الانتهاء (كنت هشترى النترا 2005 العربية تحس انها زيرو مع العلم انى عرفها كويس و ركبتها كتير لكن مع الكشف فوجئت ان بستم من الاربعة مبيقراش اكثر من 50% و ده مش مأثر على السيارة حاليا لكن عمر الموتور هيكون قصير, بردو رفعت ماتركس فابريقة برة و جوا و كنت مجهز العربون لأكتشف انها واخده لحام فى الشاسيه من تحت) فالاحساس ما هو الا بيديك انطباع مريح للسيارة و بالتالى تروح تكشف عليها (لأنى مش هكشف على كل عربية اشوفها) لكن غير كافى تماما للشراء خصوصا فى الالمانى ممكن تبقى ضربة ايرباج قبل كده, ممكن يبقى فى مشاكل فى الفتيس انتا مش هتحسها دلوقتى, ممكن يكون فيها كبالن و انتا مش سامع كركرة الكبالن (فى بعش الالمانى الكبالن بتعمل رجرجة زى رجرجة الترصيص و يكون صوت الكبالن مش ظاهر لسه و البس 4000 ج عشان تجيبهم جديد) و مع العلم انا كنت راكب بورا قبل الالنترا عشان لا اتهم بالفتى فى الالمانى و انا راكب كورى زى ما حصل فى بعض المواضيع الأخرى, وبرجاء اعطاء النصيحة باسلوب دقيق عشان شراء سيارة مستعملة هو استثمار و نسب الخسارة فيه عالية.
معلومة أخيرة : انا البورا بعتها حوادث يحفظكم الله, وكان التهافت على شرائها اكثر من اى عربية فابريقة, فعند شراء سيارة المانى (بى ام - مرسيدس - فولكس - ...) لابد من الكشف الجيد جدا على مكوناتها و اساسيتها, لا ممكن كل المكونات تكون سليمة و تكتشف ان السيارة مغيرة نص امامى بالكامل نتاج حادثة و صدقنى ده منتشر جدا فى الالمانى و اى حد على صلة بالحرفيين عارف الموضوع ده, و محتاج خبير دهان و شاسية عشان يكتشف موضوع اللحامات (صنايعى شاطر او تاجر قديم تكون بتثق فيه)

و بالتوفيق

اقتباس:

---

المشاركة الأصلية كتبت بواسطة toola

أعتقد ان ركوب العربية والاعتماد فى شرائها على الاحساس انتهى من ايام الهيونداى اكسيل و الريجاتا, الا لو هوا كان راكب عربيات مماثلة ليها قبل كده كتير و برده ده مش كافى, ممكن يبقى الموتور بيجرى و مبيقطعش لاكن عمره الافتراضى قرب على الانتهاء (كنت هشترى النترا 2005 العربية تحس انها زيرو مع العلم انى عرفها كويس و ركبتها كتير لكن مع الكشف فوجئت ان بستم من الاربعة مبيقراش اكثر من 50% و ده مش مأثر على السيارة حاليا لكن عمر الموتور هيكون قصير, بردو رفعت ماتركس فابريقة برة و جوا و كنت مجهز العربون لأكتشف انها واخده لحام فى الشاسيه من تحت) فالاحساس ما هو الا بيديك انطباع مريح للسيارة و بالتالى تروح تكشف عليها (لأنى مش هكشف على كل عربية اشوفها) لكن غير كافى تماما للشراء خصوصا فى الالمانى ممكن تبقى ضربة ايرباج قبل كده, ممكن يبقى فى مشاكل فى الفتيس انتا مش هتحسها دلوقتى, ممكن يكون فيها كبالن و انتا مش سامع كركرة الكبالن (فى بعش الالمانى الكبالن بتعمل رجرجة زى رجرجة الترصيص و يكون صوت الكبالن مش ظاهر لسه و البس 4000 ج عشان تجيبهم جديد) و مع العلم انا كنت راكب بورا قبل الالنترا عشان لا اتهم بالفتى فى الالمانى و انا راكب كورى زى ما حصل فى بعض المواضيع الأخرى, وبرجاء اعطاء النصيحة باسلوب دقيق عشان شراء سيارة مستعملة هو استثمار و نسب الخسارة فيه عالية.
معلومة أخيرة : انا البورا بعتها حوادث يحفظكم الله, وكان التهافت على شرائها اكثر من اى عربية فابريقة, فعند شراء سيارة المانى (بى ام - مرسيدس - فولكس - ...) لابد من الكشف الجيد جدا على مكوناتها و اساسيتها, لا ممكن كل المكونات تكون سليمة و تكتشف ان السيارة مغيرة نص امامى بالكامل نتاج حادثة و صدقنى ده منتشر جدا فى الالمانى و اى حد على صلة بالحرفيين عارف الموضوع ده, و محتاج خبير دهان و شاسية عشان يكتشف موضوع اللحامات (صنايعى شاطر او تاجر قديم تكون بتثق فيه)

و بالتوفيق

---

111111111111++

كلامك سليم 100%

الأحساس لو حده مش كفاية

ولو حتي كانت عربية اخوك

لازم تكشف عليها (ولا انت هتاخدها كادو؟؟؟؟) طالما هتدفع فلوس لازم تكشف علي العربية علي الكمبيوتر وعند مركز متخصص

وربنا يوفقك

والله المستعان
،
،

كلامكم صحيح جداااا جدااااا وفعلا الالمانى لو مبتهفمش فيه هتلبس جامد بس هى العربيه كانت مع واحده قريبته فهو اكيد عارف العربيه كويس

صحيح العربية مع قريبتو, بس هوا مش راكب العربية معاها ولا بيصلحلها, ممكن تكون خدت مطب محترم مسمع تحت فى زوايا الشاسيه و هى متعرفش, ممكم مرة العربية عطلت و حد فتى و صلحلها و بوز حاجة تانية و هى مش فاهمة بردو, طب بردو من أجل نقل التجربة, انا اول عربية اشتريها لنفسى (اول عربيتين واحدة بتاعت والدتى و التانية خدتها من والدى) فأول عربية كانت كيا سبكترا, رحت كشفت فيه بنزينة و الراجل نزل تحت العربية وقالى زى الفل (منه لله و الله اعلم كان واكل من صاحب العربية ولا مبيفهمش) انا كانت خبرتى لسه على قدى و العربية بترقص معايا و انا ماشى بس قلت تلاقى الكوتشات ضايعة (على حسب كلام عميد الجيش المحترم الاشتريتها منو).
المهم خلاصة الكلام العربية طلعت واخدة خبطة فى القنطرة الأمامية (و الحمد لله كان ينفع تتغير مكنتش ملحمة فى الشاسيه) و غيرت معاها العفشة بالكامل و الكاوتش و دهنت العربية من بره.
تيجى الايام و بعد عام وواحد صاحبى كان بيبص على عربية و خدتو لورشة معرفة يكشف عليها و معجبتهوش فحصل كلام على عربييتى فقولتلو اكشف و هوا معترضش (البيع و الشرا مفيهاش كسوف) و بعد الكشف طلع كولو تمام زى منا معرفو معادا...... (حتى تحت القايم الشمال رشة داخلى و انا مكنتش اعرف بيها) تخيل لو هوا خدها و اكتشف الموضوع ده بعض كده مش كان ممكن يفتكر انى اشتغلتو, و الحمد لله بيعت العربية بخسارة بسيطة بس الخدها كان عارف عيبها و الحمد لله, و من ساعتها مبخدش عربية غير لما اكشف عند متخصص و ربنا ما يوريك على البيطلع فى العربيات رغم انها تغر اى حد من نضافتها. و مش عربيات من تجار لأ من مديرى عام و لواءات شرطة و حتى وكلاء نيابة, و اليرفض انى اكشف فى الورش ال أنا اضمنها و يقولى هات سمكرى و الكلام ده العربية متلزمنيش مهما كانت مغرية كحالة و كسعر, الضامن عربيتو بيروح اى حتة.

السلام عليكم و رحمة الله و بركاته ..........

جزاكم الله خيرا جميعا على ردودكم الجميلة و أنا أخدت بنصيحة حضراتكم و جربت العربية و وجدت الأتى :
1 - التكييف مش شغال و أنا كان الشك عندى إنه عايز يتشحن بس أنا لاحظ إن الRPM مش بيتحرك لما باجى بشغل التكييف و ده خالانى أشك إنها جايبة كمبريسور ( إبتدينا و الحمد لله )

2 - فتيس العربية : فيه فترة DELAY فى الفتيس من الأول للتانى أو العكس مع العلم إن الموضوع ده مابيظهرش غير كل حين و مين لكن أديه ظهر ( ياللا خش يا فرج ) بس ما شاء الله فى الجرى و الحرق غوووووووول و الفرامل بسم الله ماشاء الله لا قوة إلا بالله و العفشة و الثبات و كله كله حدث و لا حرج ألمانى ألمانى بس طبعا النقطتين السابق ذكرهم لا يمكن التغاضى عنهم و كل ده عن تجربتى الشخصية و لسه ماكشفتش و تقريبا مش ناوى أكشف لسبب خطير جدا و هو الأتى :

تم عمل أعلان على أحد المواقع الشهيرة لبيع العربية و كتبت فى الإعلان جملة غريبة جدا جدا فيما معناه ( يرجى إتصال التجار فقط و لا يسمح بإتصال غير التجار ) يبقى ربنا يستر......................... بس بصراحة العربية طالعة من عينى و لكن عسى الله أن يبدلنى خيرا منها

أفتونى بقى الله يكرمكم :_Alshmokh11:

طيب ترجم انتا بأه ده معناه ايه

اخي بلاش العربية دي لان الالماني اشترية لما يكون 100% مش 99 % لانك هتدفع جامد يبقي لازم تاخد حقك 100% والله لو لمبه فانوس ممكن تكون موال واسال مجرب