الموضوع: تحب تركب ايه؟؟؟؟؟؟

المشاركة الأصلية كتبت بواسطة Dr.M.Mowafy

هو زي ما حضرتك قولت علشان تجيب عربيه فيها الامكانيات دي عايز تخش في 200 الف ويمكن كمان تخش فيها وكمان تخرج برا الي في الصني بمعني
ايه الي موجود في الصني ويهمني كمستخدم ( انا يعني )
الاتي :
1.عربيه تقيله : يعني هتسعفني في بعض المواقف كما هو الحال في السنتين الي استخدمتها فيها كتير تنقذني علي الطريق بسبب تقلها ولو ع ربيه تانيه مكانها كان زماني مقلوب بيها
2.عربيه تحتوي علي عوامل امان : اير باجز - فرامل اي بي اس - فرامل اي بي دي - فرامل بي دي - حزام امان مسبق الشد ( يعني لو شديته فجاه هيعمل لوك ويثبتك في مكانك ده لو في حوادث وكده ) - الابواب تحتوي علي قضبان حديد وده هيحميك في حاله الحوادث الجانبيه وده انا شفته بعيني لما كنت راكن العربيه وقاعد جواها وفجاه لاقيت داخل فيا من نحيتي حفار الي هو بيشيل الرمل والظلط من الارض ويحطها علي اللوري طبعا انا قولت انا ميت واشهد ان لا اله الا الله لايت فجاه العربيه مالت شويه وبعدين بفتح عيني وونزلت ابص في العربيه لايتها خبطه يعني مش زي ما كنت متخيل ( اه الراجل اتنفخ ساعتها وصلحهالي في التوكيل بس خدنا حقنا الحمد لله :) )
3.شكلها : وده يمكن يخالفني فيه ناس كتيره بس قولت انا برتب لحضرتك الاولاويات دي في الصني حسب رايي يمكن انا كلاسيكي شويه وبحب الاشكال النمطيه الي فيها استدارات مش الي فيها حواف وتاخد اشكال هندسيه كتيره يعني مثلا انا احب جدا شكل التيوتا كرولا 2007 واكره جدا شكل التيوتا كرولا 2008 اعتقد فهمت حضرتك وجهه نظري في الاشكال الخاصه بالعربيه فشكلها اعتقد جميل جدا بالنسبالي وفوانيسها لزيزه بتديك طابع كده انها وحش يعني وعلي فكره اركن عربيتك الصني بس الموديل الي فيه النور العالي والواطي مع بعض في لمبه واحده واقف بعيد عنها بتاع مثلا 10 متر وبص للفوانيس الي قدام تحس انها وحش كده باصصلك يعني ده رايي يعني ولو سايق وخلي عربيه نيسان تيجي بتجري من وراك وبص علي الفوانيس تحس انها وحش جي عليك
4.اضافات في العربيه : زي المرايات الكهرباء ظبط وضم ودي بس الي ضفتها علشان فعلا انا كان نفسي اجيب تيوتا كرولا الي كان وقتها سعرها ب 150 الف علشان خاطر الميزه دي جميله جدا بس فوجئت لما لاقيتها في الصني الي ب 104.5
5.الماتور بتاعها متور ممتاز جدااااااااا انا عايز اقول لحضرتك ان العربيه بتاعتي بمشي بيها يوميا متواصل مالايقل عن 100 كيلو واحيانا بتوصل ل 250 كيلو لما بسافر من والي المنصوره والعداد عندي مش بينزل مثلا عن 140 او 150 والعربيه ما شاء الله ممتازه جدا كسرعه وكده . يمكن مع الموضوع ده بتاع السرعه سحبها مش قد كده بالمقارنه بعربيات تانيه
بس بجد اتفرج علي العربيه دي بعد ال 100 وقولي رايك فيها
كتير كنا بنمشي انا وزميلي علي الطريق الزراعي وكنا كذا عربيه صني بتاعتي وفيه عربيات تانيه زي الانترا واوبترا وكروز وفيه واحد بي ام
عايز اقول لحضرتك في الاول كنت بعدي الاوبترا والكروز اما البي ام والالنترا كانوا بيسبقونا في الاول بس اتفرج علينا بقي بعد 100 البي ام بتفضل مستمره في المقدمه وانا بعده الباقي بيتراجع وتقريبا مش بيتشافوا بقيت الطريق كله لحد اكتوبر بقي لو الطريق فاضي طبعا
6. ودي الاخيره قطع الغيار بتاعتها متوفره << بس مش هقدر اسرد الموضوع ده واوضح رائئ فيه لاني بتعامل مع التوكيل انا لسه في الضمان بس التوكيل بتاعها غالي ومبالغ فيه واعتقد ده حال التوكيلات جميعها في مصر.

حضرتك بقي حط النقاط دي قدام عنيك وهات بقي عربيه فيها نفس الكلام مع العلم الحاجات دي متوفره في النيسان صني ب 100 الف اه تقفيلها مصري وفيه خامات فيها مش قد كده والتقفيل المصري واضح فيها جدا بس اهي مقبوله قدام السعر ده

المشاركة الأصلية كتبت بواسطة egyptiandiver

أنا راكب لانوس و أنا الحمد لله مبسوط و الله، عربية إقتصادية و قطع غيارها الاصلية متوفرة و أي مكانيكي يئدر يشتغل فيها، أكبر عيب فيها الفرامل إلي مش قوية كفاية من وجهة نظري. لو معايا فلوس أزيد بعد كدة أحب اركب مرسيدس e200 1994 فل اوبشن ماعدا الاتوماتيك. أنا عارف الموضوع على النيسان بس حبيت اشارك معاكو. أحمد سامي

أ/ احمد انت نورتنا والشرف لينا
وانت من اهل البيت يعني :))
وربنا يباركلك في اللنوس ويرزقك خيرها ويكفيك شرها ... ويرزقك المرسيدس :)) ان شاء الله تعالي
اقعد بالعافية :))

طيب ما حضرتك بيعها ...... اريحلك والله بدل ما كل ده بتاخده علي اعصابك كده
انا عارف انك بتوضح للي بيسأل عن عيوب الصني
بس رجاءا قول ان ده عيب فردي ..... بلاش تبقي عن الصني عامة
يمكن الاقي العيوب ديه عندي (لاقدر الله ) بس مش مضايق الحمد لله ولا تعبان منها
لاني عارف العربيات التانية الي في نفس الفئة عاملة ازاي ومقارنة بالصني مين اللي هايكسب
وانت شايف انتشرت ازاي .