الموضوع: بعض النقاط بخصوص فيرنا 2008 على الطريق

بيعها احسن

المشاركة الأصلية كتبت بواسطة mosmafa

بيعها احسن

لية ياعم يبعها لية

المشاركة الأصلية كتبت بواسطة karimtarek1993

السلام عليكم يا شباب منتدى هيونداى و يارب تكونوا بخير و صحة و سلامة

من يومين كدة كانت اول مرةأسافر بالعربية (فيرنا 2008 ماشية 16,000 كيلو) على طريق القاهرة الاسكندرية من فترة حوالى سنة مثلا و كان فى بعض النقاط اللى احب انكوا تشاركونى بخصوصها بخبراتكم و تجاربكم:

1- عند سرعة 140 بالظبط العربية بتترج جامد اوى و لما بنزل السرعة الرجة بتخف و تنتهى تماما عند ال 120 و لما بزود عن 140 بتقل بردو. مع العلم ان الكاوتش بتاعها هو lassa اللى جايا بيه و العجلة اللى قدام على اليمين فيها خبور عشان كانت اتخرمت قبل كدة.

2- الازاز بتاع السواق مش بيقفل على الاخر و بيعمل صوت صفارة مزعج مع السرعة و الازاز مانيوال و كل ما اقوم رافعه على الاخر و اسيب الاكرة ينزل حتة بسيطة و يرجع الصوت.

و شكرا لاهتمامكم :s_thum1[1]:

بص ياباشا موضوع الرجرجة دى ترصيص وطلما الرجة بعد ال 100 يبقى رصص الاربع فرد مش الاتنين اللىادام بس وشوف حد كويس رصص عندة بدل مايبوظها اكتر

ألف شكر لاهتمامكم :)

المشاركة الأصلية كتبت بواسطة verna2008auto

بوص يا بوص
اولا اوعي تبيعها .... لانها زي الفل وربنا يباركلك فيها
ثانيا اعمل اللي انا باقولك علية .. ارفعها عند محل كوتشات عندة ترصيص ليزر وخليه يكشف علي (( البلالين )) في كل فاردة كاوتش علي حدي (( البلونة ) يعني يكون الكاوتش كلة كويس ويجي في حتة كده (( مبقلل )) نتيجة مطب (( حاد ))
وبعد كده تشوف (( العفشة لازم تتربط كويس جدا )) وهوا بيربطلك العفشة (( خلية يبوص علي المساعدين الاربعة ))
وبعد كده (( شوف زوايا العربية عند حد كويس ))

العربية تمام وماتحملش هم

ألف شكر

- عند سرعة 140 بالظبط العربية بتترج جامد اوى و لما بنزل السرعة الرجة بتخف و تنتهى تماما عند ال 120 و لما بزود عن 140 بتقل بردو. مع العلم ان الكاوتش بتاعها هو lassa اللى جايا بيه و العجلة اللى قدام على اليمين فيها خبور عشان كانت اتخرمت قبل كدة.

ترصيص غالبا و موضوع الخوابير ده اكبر غلط

- الازاز بتاع السواق مش بيقفل على الاخر و بيعمل صوت صفارة مزعج مع السرعة و الازاز مانيوال و كل ما اقوم رافعه على الاخر و اسيب الاكرة ينزل حتة بسيطة و يرجع الصوت.

اي حد بتاع ابواب ممكن يعملها