خالى بالك ده عربية زيرو و سعدتك الكلام ده ما بيتكتبش فى عقد بيع العربية
ده بيتكتب فى كتيب الضمان اللى بتستلمه بعد 4 الى اسبوعين من شراء العربية و سداد كافة ثمنها ( يعنى بعد ما اتنصب عليه ):crying1:
عرض للطباعة
----------------
اى خروج عن اطار الموضوع سيتم حذف المشاركة وتطبيق قواعد المنتدى .
تم الاكتفاء بالتنبيه .
مشرف7ب
20/8/2011
6.06pm
السلام عليكم ولا يهمك يا مدير و اه يعني مفيش ضمان العربية لسة جديدة مشاء الله - و التوكيل هو إلي خسران فلوسك إلي كان هيلهفها أول كل صيانة خسارة فيه!ا أنا عن نفسي عمري ما رحت أي توكيل و اشتريت عربية سهلة الصيانة - لانوس - و رخيصة في قطع الغيار و متوفرة و دة مخصوص علشان أنا الحقيقة بكرة أكون تحت رحمة أي حد و عمري ما رحت أية توكيل و عمري ما عاوز أروح أنا مراتي عندها عربية هونداي تروح تغير شوية زيوت و فلاتر و تدفع بتاع 700 - 800 ججه و كمان تستنى من أول النهار لحد اخره...ي حلاوا!!لو واحد عربيتو باظت يا سيدي يروح يصلحها عند أية صنيعي ممتاز أو سنتر إصلاح ممتاز و سعرو مناسب - لزم الواحد ميديش الحاجة أكتر من حقها علشان مفيش حد عبيط لو التوكيل بيديك إمكانية إصلاح أو إستبدل قطعة غيار فالضمان فهو بياخد تمنها أضعف مضاعفة في أسعار من الفلوس إلي حضرتك بتدفعها فالصيانة من أول الزيوت لحد المصنعية المبالغ فيها في كتير من الاحيان لحاجات مش محتاجة تتغير و بيغيروها أو يقولولك غيرنا الحاجات د يا باش مهندس و ربنا أعلم بيهم مبكلش إن كل مراكز الخدمة ذمتهم كاوتش لكن أنا مبشفهمشي بعني و هما بيشتغلو في عربيتي و علشان كدة مقدرش أحكم ...عل أي حل د رأيى و ربنا يوفق الجميع - أحمد سامي
انا عايز اقولكم مفاجأه ياجماعه والله يمكن اغلبكوا مخدش باله منها وهى نقطتين فى غايه الأهميه :
1- انى اما اشتريت العربيه مكنش مكتوب فى العقد ولا البنود ان الصيانه كل 3 شهور بل كانت مكتوبه فى كتيب الضمان اللى استلمته بعد العربيه ب 9 ايام بالظبط من توكيل ابوالفتوح بالمعادى .
2- ارجوكوا راجعوا اعلانات اسبرانزا سواء فى اخبار السيارات ( السبت ) او ملحق سيارات الأهرام ( الجمعه )
وهتشوفوا فى اخر الأعلان مكتوب ضمان 100الف كيلو او 3 سنوات ومش ذاكر حكايه ال3 شهور دى نهائيا خالص
طيب علشان ميحصلش مشكلة
يبقي كدة عرفنا ان توكيل اسبرانزا لازم تروح كل 3 اشهر علشان متخرجش برة الضمان
دي معلومة للي عاوز يغير عربيتة بأي حاجة اسبرانزا (التوكيل حر و احنا بنبة بالمعلومة)
ربنا يتوب علينا من التوكيلات النص كم دى
-------------------------
لقد تمت مخالفة القاعدة رقم 8 الخاصة بالتعليق على القرارت الاشرافية ولذا تم حصولك
على انذار مع ايقاف لمدة اسبوع ..وفى حالة وجود اى شكوى الرجاء ارسال
تقرير مشاركة سيئة او تقديم شكوى فى قسم ساحة الشكاوى ولكن لا يسمح
تماما التعليق على قرارت الاشراف او القرارات الادارية
يرجى مراجعة قوانين المنتدى
مشرف7ب
21/8/2011
2.32am
-------------------------------
لقد تمت مخالفة القاعدة رقم 8 الخاصة بالتعليق على القرارت الاشرافية ولذا تم حصولك
على انذار مع ايقاف لمدة اسبوع ..وفى حالة وجود اى شكوى الرجاء ارسال
تقرير مشاركة سيئة او تقديم شكوى فى قسم ساحة الشكاوى ولكن لا يسمح
تماما التعليق على قرارت الاشراف او القرارات الادارية
يرجى مراجعة قوانين المنتدى
مشرف7ب
21/8/2011
2.43am
الله يفتح عليك هو ده اللى انا بقوله انا اكتشفت العبراة ايهما اقرب من كتيب الضمان اللى استلمته بعد اربع ايام من استلام العربية -- فين الضمير ساعت الفرجه على العربية -- المفروض انى رايح اشترى من توكيل محترم يوضح للناس معنى ايهما اقرب
و فعلا الاعلانات كلها عمرها ما ذكرت موضوع ايهما اقرب --- عشان لو كتب كده يبقى الناس حتعرف علطول انه بيشتغل الناس بالشرط العجيب ده --- تعرف عشان يخرج من المطب ده يعمل ايه
يعمل زى بتوع اعلانات المحمول و يكتب ( مع تطبيق الاحكام و الشروط ):
حضرتك من مدخلتك بيتضح انك لم يسبق لك شراء سيارة زيرو ( ان شاء الله ربنا يرزقك )
عمر ما عقود الزيرو بيكتب فيها كده خالص --- انت بتمضى بس على محضر استلام السيارة و ان حالتها سليمه و مافيهاش عيب -- ولا بيجيب سيرة الضمام ولا ديوله
و بعدين انا بشترى عربية من توكيل مش من سوق السيارات اللى فى العاشر :Y_hi_3[1]:
ياجماعه عايزين النقاش يكون هادى ومفيش داعى للأنفعال ويكون النقاش فى اطاره الصحيح وميخدش شكل مش ظريف فنهدى شويه كده ورمضان كريم
بصراحة انا مقتنع جدا بالعربية بالرغم انى الشرط ده مخلينى بفكر فى الموضوع لانه شرط سخيف فعلا لكن عموماً حتلاقى كل توكيل بيحاول يحط ايده فى جيبك بطريقته و بيحاول يسحب منك فلوس بأى طريقة و ادخلوا منتدى اللادا و انتوا تشوفوا تقييمى لوكيلها (المحترم).
و اى توكيل فى اى سلعة عربية او غيرها بيحاول بقدر الامكان انه يلاقى اى سبب يخرجك بيه برة الضمان و انا بحكم شغلى فى اكتر من مكان من ضمنها مكان شهير للأجهزة المنزلية (الله لا يعيد ايامه) يمثل اجهزته بأنها (الحب و الاعتزاز) بيحاول برضه بقدر الامكان يلاقى اى حاجة بيها يقدر يخرجك من الضمان.
صدقونى كل الشركات او غالبيتها على الاقل كدة اهم حاجة يخلص من اهم عدد من العملاء و يخرجهم برة الضمان و ساعتها يقولهم انتوا وقعتوا و لا الهوا اللى رماكم!!
و للأسف ناس كتير بتروح له تانى و تكع فلوس اد كدة مع انى مراكز الخدمة المحترمة مالية الدنيا لكن انا بعذر الناس اللى دافعة دم قلبها و خايفة تروح اى مكان غير التوكيل لحسن يعك فى العربية.
و كل واحد فى توكيل بيعمل كدة منه لله لانى هما ميهمهمش غير مصلحتهم و بس و يولع العميل و يبقى انت اكيد اكيد فى مصر للأسف.
لأنى برة مصر العميل هو رقم واحد لكن فى مصر الفلوس هى رقم واحد.
الله ينور عليك ده اللى اجنا بنقوله كل التوكيلات عندهم الطريقه اللى بيلعبوا بيها مش العيب فى العربيه العيب فى كل انظمه التوكيل لانها بتعتمد عليها تماما فر الارباح يعنى ممكن يكسب من العربيه مبلغ بسيط ويعوض الباقى فى التوكيل بس كل واحد له طريقته واحد يولك بالمده والتانى يغلى قطع الغيار وهكذا :tumb::tumb:
فعلا شرط سخيف جدااااا
لكن بصراحه وانا بشتريها مندوب المبيعات قالي علي الشرط ده..... وكمان مره رحتلهم بعد المده بشهر ودخلوها صيانه عادي وقالولي كمان علي تغيير علبة الدركسيون
معلش كان الله فى عونك
بس ماتكبرش المسأله..... ان شاء الله مش حتحتاج لصيانه غير البسيط بس..... ومراكز الخدمة منتشره
فعلا توكيل لايحترم عملاءه ولا يحترم اسمه فى السوق . انا معايا تيجو من سنة ونص . وبعد الشراء بشهرين كنت عملت 4000 كيلو. طلمبة الباور باظت . تخيل دركسيون عربية تيجو زيرو من غير باور. ومدى المعاناة من قيادتها ... وخد عندك مماطلة ووعود كاذبة لاكثر من 6 شهور . ومن سذاجتى طبعا خلال هذه الفترة كنت مواظب على الصيانة . وبعد ما فاض بيه من كم الكذب والمماطلة اشتكيتهم فى حماية المستهلك . وده اللى اجبرهم على تركيبها بعد اسبوعين تقريبا من الشكوى . وكان كل همهم انى اوقع ان التركيب تم بعد ماجربت العربية . وطبعا لانى ساذج وقعت . وبعد اسبوع رجع العيب تانى . طبعا لان الواحد مش فاضى للهزل ده بطلت التعامل معهم نهائيا . لانهم غير جديرين بادنى مستوى للثقة .
فى ناس محترمة كتير متخصصة فى صيانة الاسبرانزا واغلبهم كانو شغالين فى التوكيل سواء مراكز خدمة او ورش . ودول اساميهم موجودين على منتديات السيارات بس اعفينى من تحديد اسم محدد تجنبا للاتهام بالدعاية . بس بجد العربية كويسة جدا .