اهلا اهلا منور ياباشا فينك من زمان تصدق وحشت بتوع الاسبرنزا :Y_hi_3[1]:
عرض للطباعة
معهلشش انا معترض مع حضرتك كل توكيلات العربيات اللى بتتجمع فى مصر بلا استثناء زى الزفت واتحدى حضرتك انك تقول ان فى حد ميه ميه
النيسان واحد بيشتكى من عيب فى الموتور والفتيس وطلعوا عينه وبرضه ماعملوا حاجه
هيونداى عبور طبعا مش محتاج اى كلام مصيبه من مصايب الزمن
ابو غالى كارثه
بالعكس انا شايف ان ابو الفتوح اكثر تعاونا من الناس دى انا معاك فى الموضوع بتاعك بس مافيش داعى انك تقول تحذير
حضرتك فاهمنى غلط يااستاذ osa ان الناس لازم تروح كل 3 شهور مش يبعده هو ده تحذيرى انهم ميطنشوش مش العكس فاهمنى حضرتك ؟؟؟ يعنى مش قصدى ان احذر من العربيه لا اطلاقا ابد
اما بخصوص التوكيلات فعندك حق لكن ابو الفتوح اسوأهم بمررررررررررررررررراحل كتير وروح كده توكيل السبع فى المعادى وانت تتأكد ( على فكره الراجل بتاع النيسان مشاكله اتحلت كلها وابعتله رساله خاصه على المنتدى الأخر وهتعرف انه حل كل مشاكله وفى التوكيل )
وعلى العموم ياجماعه انا اسف انى اتكلمت او وضحت مشكلتى واللى بيعانى منها ناس كتيييييير جدا معى
ولو الموضوع مضايق حد ارجو من الأداره الكريمه والمشرف المحترم على هذا القسم غلق او حذف الموضوع وانا والله معنديش اعتراض وعن طيب خاطر ولكم منى اجمل وارق التحيات وكل عام وانتم بخير
ياباشا لاء تغلق موضوع ايه بس .. انت بتتكلم صح ودة حقك واحنا واجبنا اننا نقف معاك حتى الى مبيشتكيش من التوكيل لازم يقف معاك لان احنا عمر ماحالنا هيتصلح الا لو وقفنا جنب بعض وصدقنى المشكله الى حضرتك بتتكلم فيها دى مهمة جدا لان معظم التوكيلات فى مصر كدة ومش سيارات بس دة حاجات كتييييير .. ربنا يهدى الجميع
رجعنا تانى للحورات اللى تخنق
والله الواحد كان مستريح من الجدال ده
اللى بيقول كلمه وحشه فى العربية يبقى راجل بيفهم واللى بيقول كلمة حلوة يبقى من اتباع الدين الجديد
انا حاسس ان صاحب الموضوع ندم انه عمل الموضوع ده لانه الموضوع راح لحته تانية
وبعض الناس بتكتب فى الموضوعات اللى بتهاجم العربية فقط لكن الموضوعات اللى فيها اى استفسار او اى مساعده كأنهم مش مشتركين فى المنتدى اساسا
والله بقت حاجة ممله
وحسبى الله ونعم الوكيل
اولا كل عام وانتم بخير .. ورمضان كريم
ثانيا
انا بحى وبشكر صاحب الموضوع على نقده المحترم .. اللى التزم فيه بالموضوعية فى النقد وعرض مشكلته ونقد التوكيل بمنتهى الذوق والاحترام بدون الخروج عن قواعد الاداب .. لان بشوف ناس كتير .. فاهمة ان النقد انها تدخل تشتم وبس
ثالثا
محدش اشتكى فى العربية .. ولا حد قال كلمة وحشة فى حقها .. فبلاش نخلى الزعل يخلينا منشوفش الكلام بوضوح والراجل كان بيتكلم على التوكيل .. وده حقه وميزعلش اصحاب الوسايط
احنا بنقيس التوكيل بحاجة مهمة .. مش بالوسطة .. اغلب اللى معاه واسطة فى اى مكان بيروح ويتحل مشاكله .. واللى مش بينفع بينفع وبيتعمل .. والكلام ده فى اى توكيل
احنا بنقيس التوكيل بمعاملته وخدمته مع اى عميل مالوش واسطة وبيروح يعمل صيانته عادى .. ولما بيكون عنده مشكله ..
وكمان موضوع الصيانات الشهرية .. موجودة فى كل التوكيلات السيارات .. بس محدش بيمشى فيها فى مصر وفى تطبيقها .. الا مع العربيات المركونة فترة كبيرة جدا سنة فيما فوق .. عشان غلط السيور والزيوت واى سوائل تقعد فترة كبيرة مركونة من غير حركة لمدة سنة
والمواعيد اللى مكتوبة فى الضمان عشان يقدروا يعرفوا لما يجوا فى خلال سنة حيغير ايه او فى خلال سنتين .. وتطبيق خروج العربية من الضمان بيرجع من سياسة توكيل الى اخر .. بس مش لو مجاش فى خلال 4 شهور حيطلع من الضمان
يعنى فى نيسان .. عادى الدنيا شغالة مفيش مشكلة .. ومحدش بيخرج من الضمان الا اللى مش بيعمل 3 صيانات متتالية بالكيلومتر
واخيرا بخصوص الراجل بتاع نيسان اللى كان عنده مشكلة فى الماتور والفتيس .. ده العضو fbia ahmed زميلنا اللى كان عامل موضوع هنا وفى موقع تانى غير نايل موتورز .. احمد ده صديق شخصى .. وهو حل مشكلته فى التوكيل وبدون واسطة .. وغيروه الفتيس فى خلال 10 ايام
والماتور مفهوش حاجة .. لانه كان فاكر ان فى مشكلة .. فى جوان وش التقسيمة .. عشان كان فاكر انه بيطلع زيت .. وطلع بيعمل بخر بس .. وده موجود فى كل الصنى وكل العربيات الاخرى .. لانهم وروه عربيات تويوتا كمان .. وقالوله ان كل العربيات اللى فيها 2 كاما بتكون كدا
وبعدين كتب الحل عندنا والموضوع خلص .. بس طبعا فى الموقع الاخر المنافس لنايل موتوزر .. مبقاش يدخل عليه .. لان وجد ان الموقع والقسم هناك بتاع نيسان مهمل .. وكل واحد فى وادى .. ومحدش بيساعد حد فى تشخيص اى مشكلة .. ولا فى اى شى .. فالحمد لله على النعمة وعلى الموقع المحترم اللى الواحد بينتسب اليه نايل موتورز
المهم الله يكون فى عونكم لما تعمل صياناتك بره التوكيل فى انك تلاقى مركز محترم تثق فيه
واحى حضرتك مرة تانية على اسلوب عرضك للمشكلة .. وعلى هدوئك .. لان فعلا موضوع انهم مستنوش 4 شهور وطبقوا على طول كدا يبقا فعلا شى مستفز .. وكلنا ماشين حافظين مش فاهمين .. وربنا يتوب علينا من الاسلوب ده فى بلدنا
تحياتى العميقة ليك
وخالينا نشوف اخو حضرتك فى قسم نيسان ينورنا
تحياتى