مهند
انت اتعلمت ايه بالظبط وفى كام حصة
والحصة وقتها كام دقيقة تقريبا وبكام
عرض للطباعة
مهند
انت اتعلمت ايه بالظبط وفى كام حصة
والحصة وقتها كام دقيقة تقريبا وبكام
هات حاجه رخيصه و اتعلم فيها واحده واحده و الشوارع فاضيه و حبه حبه اطلع بره و وقت ما تتقن السواقه غير للي عايزه لكن حرام تجيب حاجه كويسه تبهدلها و تخسر فيها
هاتلك 128 و لا ماروتي قديمه
انا اتعلمت اغير الغيار على 4 سرع لكن مش مضبوط اوي فيهم لاكن بعرف اغيرهم ازاي
اعرف احرك العربية وامشي فيها ومشيت فيها في الزحمه بس كنت خايف اني اخبط حد
وكان هو كمان بيحط ايدو كتير على الدريكسيون ومبيقوليش الصح من الغلط يعني شوية هو من نوع مبيتكلمش كتير وتحسه متضايق حبتين مش طايقة شغلة بمعنى اصح
الحصة كان وقتها بضبط 45 دقيقة او اقل كمان واخذت 8 حصص واخر حصتين خدتهم في حصة وحده وعملت مشوار كامل لمدة ساعه ونص اخذت في الهرم ولحد الجيزة ووصلت عند حديقة الحيوان الي في الجيزة ورجعت
بس هو معلمنيش الباركنج ازاي ولا علمني المرايات ودي الحاجة خايف منها كتير
ودي تقريبا من خلال قرائتي للمواضيع اصعب حاجة في العربية استخدام المرايات
ياريت يا استاذ احمد تنصحني بحل سريع علشان عايز احل المشكلة ب اسرع وقت
طيب انا علشان فلوسي محدوده مش هينفع اقعد اشتري وابيع انا عايز اضبط السواقة واخش على طول على العربية الي انا عايزها انا عامة عايز عربية اوتوماتك علشان تريحني من كلام المانيوال
وتبديل الغيارات بصراحة شئ مزعج ومكنتش مرتاح بس كنت بسوقها علشان اتعلم بس ازاي اختلط ب الناس والخوف بتاعي يقل
شوف المرايات مش اصعب حاجة .. و السواقة مفيهاش حاجة صعبة
و كل حاجة لازم تاخد وقتها .. استحالة تعرف تتعامل مع كل حاجة في اسبوعين عشان السواقة خبرات بتكتسبها مع الممارسة
معظم اللي بيدربوا بيبقوا كدا عشان بيبقوا عايزين فلوس تانية من اللي بيدربوة .. يعني لو كل حصة اديتلو 20 جنية هيفرد وشوا وهيقولك على كل اللي ناقصك
الباركنج ممكن تتدرب عليها على العربية اللي هتشتريها و التدريب عليها سهل جدا متقلقش
و المرايات دي اظبطها عشان تكون شايف الطريق كويس و حاول تبقى كاشف الطريق حواليك .. و الاهم لو هتنقل من حارة لحارة تستخدم الاشارات و تشوف الحارة اللي هتدخلها كويس
انا معاك صح لكن هل تشجعني اشتري عربية جديدة ؟؟ ومثلا مش هخرج بيها في اوقات الزحمة واقعد اتدرب لحد ما اصل المستوى المطلوب اصل لو فضلت كده قاعد مش هستفاد حاجة وزي ما حضرتك اتفضلت هم جشعين فعلا وعايزين فلوس وهو قالي كذا مرة فين الحلاوة انا اديتلو حدود الاربعين جنية قعد يكلمني شوية بس بردو مش هو الكلام الي بيوصل للدماغ هو بيتكلم في وادي وانا في وادي تاني هو بردو مش بتحسو بيعرف يوصل الفكرة صح كأنو بيكلم حد عندو خبرة فاهم قصدي حضرتك؟
انا ولله العظيم استفاديت هنا بـ كلامكم اكتر من استفادتي من كلامه المعقد والصعب
انا عملت استخارة ثلاثة مرات وطلعت حميدة ( على موضوع شراء العربية) بس لسه متردد
علشان انا عايز اشتري عربية جديدة زيرو ف خايف يحصلها حاجة لا سامح الله
وحاير دلوقتي
انا عارف انا السياقة مش صعبة بس عايزة شوية ممارسة زي ما حضرتك اتفضلت
ياريت تساعدني واكون شاكر ليك جداً
انا عمري ما استفاديت من الانترنت بلطريقة الرائعة دي اعضاء بسم الله ماشاء الله رائعين جدا
ومنتدى وترتيب ماشاء الله ربنا يكتر من امثالكم
او انت خايف ان العربية تتخبط .. فا للاسف كدا كدا في احتمال كبير تتخبط حتى لو الخطا مش منك انت .. انا كنت ماشي و الطريق زحمة شوية و سواق ميكروباص مش عاجبة الحارة اللي هو فيها راح كاسر عليا من غير اي مقدمات و حكلي العربية من قدام و ولا حتى بصلي بعد كدا
ممكن تجيب عربية جديد و متخرجش بيها في الزحمة .. يعني تطلع الفجر عشان تسوق براحتك شوية او على طرق فاضيه لحد ما تحفظ العربية كويس
و حكاية الباركنج بردو دي تتمرن عليها في مكان فاضي .. اعمل علامة في الارض باي حاجة و اركن العربية كذا مرة
وممكن بردو تجيب حاجة قديمة او ماروتي مثلا تقضي بيها فترة و بعد كدا تجيب الزيرو
شوف اية الافضل ليك لان دا قرارك انت
لو عايز رأيي .. تحاول تشوف ماروتي تكمل تعليم عليها علشان لو اتخبتط متبقاش زعلان عليها زي العربية الزيرو
شكراً لحضرتك جداً
انا مش عايز اشتري عربية وهبيعها تاني واشتري الزيرو كده هتبقى مرمطة ليا وانا لازم اتعلم اليوم قبل بكرا علشان الجامعه داخلة علينا ولازم اتعلم علشان مفيش مواصلة من عندي للجامعة وهتبهدل كتير لو ما اتعلمتش وجبت العربية
هي كده كده مش امان لو طلعت في العربية ومحدش ضامن حاجة ممكن تتخبط ممكن اي حاجة يحصل لا قدر الله مش ب ايدك خارج عن الارادة وده شئ وارد
ف انا هروح مكتب تعليم سياقة تاني وامري لله يعني معرفش مفيش حد امين دلوقتي ولا ايه
كلو عايز بس ياخد فلوس وخلاص بيقولو كلام بعيد عن الواقع تماما
زي اول ما دخلت عند بتاع تعليم السواقة قالي يا استاذ انت في اسبوعين حتبقى سواق متخافش
حتطلع من عندنا سواق وقعد يكلمني كلام كتير كده وبعد اسبوعين انا صح اتعلمت حاجات كتير
بس لسه فاضلي مشوار طويل بتاع اسبوعين تلاته تدريب
ياريت بس لو حضرتك ولو تعبتك معايا انا عارف ف انا بعتمد على الله وعليكم ونصائحكم بصراحة هي الي بتفيدني
لو في مكتب سياقة مضبوط عارفه هنا الهرم ياريت تقولي عليه يعني على الاقل يكون قد كلمته
لما يقولك هعملك كذا وكذا يعملها مش كلام وخلاص
وانا متشكر ليك جداً جداً جدا
السواقه زي ماقل وهاقول تاني وتالت ورابع و 5 و6 عدوا انتم بقى .......هههههههههههههههههههه
السواقه = خبره = مهاره تكتسب بالممارسه
تتعلمها على مرحلتين
1- مرحلة تعلم واتقان تشغيل الاله ( ازاي تعرف تغير تسوق تمسك طاره تدوس فرامل ودبرياج تسقط غيار تزود غيار وهاكذا ...........)
2-مرحلة تعلم استخدام الاله (يعني ازاي تعرف تمشي بالعربيه في الشارع وفي وسط عربيات وتحود يمين او شمال ازاي تعرف تحسب مسافات او تفرمل ازاي تقدر حركه المرور قدامك فاتهدي او تسرع ازاي تستخدم مراياتك وانت ماشي وانت بتركن ....................الخ)
طبعا مش هاتعرف توصل للمرحله التانيه وانت مستريح وتعرف تتعامل مع المواقف العجيبه الموجوده في الشارع ومرور الشوارع هنا في بلدنا غير لما تكون اتمكنت من المرحله الاولى بشكل كبير او بنسبه 60 او 70 % على الاقل
جرب ومش هاتندم
بالنسبه للعربيه دي حاجه تخصك ممكن تجبلك حاجه (غير 128 او 127 )مانصحكش بيها لو هاتجبها عشان تتعلم سواقه وبعدين تقلبها مش هاتستمتع بالسواقه او بالبلدي مش هاتريحك في عملية تعلم السواقه في مكاتب تعلم سواقه بتعلم على اكسنت وفيرنا ولانوس حاول تغير مكتب السواقه وتاخد لك حصتين مخصوص بعربيه ظريفه كدا وقلي ايه رايك ؟ انصحك تجرب الاكسنت
بلاش عرية زيرو من أولها، هات لك عربية مستعملة نضيفة و اتعلم عليها -بس لازم يكون حد معاك- و امتحن عليها، ممكن تجيب سوزوكي ماروتي عربية حلوة و صغيرة و مانيوال -دي أهم حاجة- و بعد ما تتعلم و تتقن السواقة في مصر بيعها -و مش هتخسر فيها كتير- و هات العربية إللي تعجبك.
لو عايز تجيب زيرو أنت حر بس اعمل حسابك إنها هتتخبط يعني هتتخبط حتى لو أنت ماشي صح، كفاية الشوارع الجانبية الضيقة دي بالنسبة للمبتدئين معاناة (أنا أول مرة سوقت عربيتنا في شارع جانبي ضيق خبطت الحيطة).
ده آخر مكاتب تعليم السواقة و مش هتتعلم منهم أكتر من كده، أنا من رأيي إنك تاخد خطوات جادة في استخراج الرخصة، الرخصة أهم حاجة في الموضوع، و ماتصدقش إللي يقول لك "أنا بسوق من غير رخصة عادي"، لو اتمسكت من غير رخصة احتمال تتحبس ده غير الغرامة (اقرأ المادة 75 النقطة رقم 3 في اللينك ده ظˆط²ط§ط±ط© ط§ظ„ط¯ط§ط®ظ„ظٹط© - ظ„ط§ط¦ط.ط© ط§ظ„ظ…ط®ط§ظ„ظپط§طھ ظˆط§ظ„ط¹ظ‚ظˆط¨ط§طھ ط§ظ„ظ…ط±ظˆط±ظٹط©) .
نصيحة أخوية: اتعلم على عربية مانيوال، المانيوال سهل بس محتاج فترة تعود، و كلنا بنسوق مانيوال و بنغير من غير مانبص و من غير مانفكر كمان،الموضوع في الأول صعب جدًا و بتلاقي نفسك بتبص على عصاية الفتيس عشان تغير و كمان تلاقي نفسك ناسي أنت على أنهي غيار ووووووووو ...... بس بعد كده بيبقى ممتع جدًا جدًا جدًا، ممكن تكون العربية إللي أنت بتتعلم عليها تعبانة و غياراتها تقيلة عشان كده أنت بتعاني معاها.
اتعلم على عربية مانيوال و ماتستسهلش.
بالنسبة للجملة إللي مكتوبة بخط كبير و تحتها خط المفروض تكون كده "أنا بعتمد على الله ثم عليكم"، لما تقول "أنا بعتمد على الله و عليكم" كده أنت بتخلينا مع ربنا في مستوى واحد و ده غلط، لكن لما تقول "أنا بعتمد على الله ثم عليكم" كده أنت بتعتمد على ربنا أولاً و بعد كده إحنا ثانيًا. أتمنى تكون وضحت.
أنا مش بحبذ تشتري عربية زيرو، بس لو أنت مصمم على زيرو يستحسن تكون صغيرة و مانيوال و مش مهم أوبشنز عشان السعر.
لو هتروح مكتب تعليم سواقة تاني ياريت تحاول تفرض سيطرتك على الحصة، يعني تخليه يعلمك الحاجات إللي ناقصاك و يكون عارف كده من الأول، و احجز أقل عدد من الحصص لأنهم دايمًا بيقولوا "الـ 10 حصص بكذا جنيه" ساعتها قوله "طب في 5 حصص؟" مش هيقدر يقول "لأ" لأنه محتاج فلوس.