انا فعلا لسه مطلعتش رخصه وربنا يسترها انت قلقتنى جامد جدا
عرض للطباعة
شكرا ليك جدا عزيزي على النصائح الرائعة
انا بستفاد كل يوم منكم والحمد لله
انا شكلي حروح مكتب سواقة واخذ حصص زيادة واشوف اخرتها يارب بس اسوق كويس علشان خلاص الواحد زهق من المواصلات والبهدلة الي بتحصل كل يوم
شكرا مرة تانية ليك نصايحك ونصايح الشباب كلها بتفيدني والحمد لله
شكرا اعزائي مرة تانية
بص يا جميل كل حاجه وليها بدايه محدش اتولد علي الدريكسيون السواقه محتاجه ممارسه ومفيش مانع تاخد خبرات عيرك لانها اكيد حتفيدك ونصيحتي ليك انك تمشي بالراحه ومتديش ودنك للكلاكسات اللي حتصدعك واهتم بالمرايات والتشييك كويس ابقل ما تغير الحاره وقبل ما تقف مره واحده بص في المرايه الداخليه عشان اللي وراك ويخبطكش وشوف لو سقت اتوماتك في الاول يبقي حتفضل تسوق اتوماتك وربنا يوفقك
السلام عليكم ورحمه الله و بركاته
بص أنا من رأيى ان السواقه ممارسه و مش عايزه زهق و عايزه شويه جرأه لأن مفيش حد بيستحمل حد ولا حد بيقدر ده لسه بيتعلم ده أنا اللى كان يدينى كلاكس كنت بشر ميه وأعرق و حالتى كانت بتبقا:36_2_49[1]:دلوقتى اللى بيدينى كلاكس بعذبه بمعنى الكلمه
و موضوع خايف تخبط حد ده عادى جدا فى الأول بس بتقبقى قلقان شويه عشان مش حافظ العربيه و تقدير المسافات مش بيبقى مظبوط ود مع الوقت بيتظبط
و الركنه دى بتبقى أخر حاجه فى السواقه وفى رأيى أصعبها بس برضه بالوقت وانا الحمدلله ربنا رزقنى بجيران كويسين كانت بتصبر على فى الركنه و محدش كان بيرضى يركنهالى و يقولى أركن أنت عشان تتعلم
وفى أقلك أن كل اللى بتقوله ده عادى أى حد فى الأول بيبقى كده بس كله مع الوقت
مهند باشا انا حجبلك خلاصة الخلاصة زى ما الاخوة قالولك من الاخر السواقة ممارسة انا جبت العربية 128 واخدها وروحت عند اختى فى اكتوبر كان معايا رخصة بس يدوبك بحرك العربية اقصى مشوار عملتة لما كنت بتعلم انى خد العربية من الطوابق للطالبية داخلى يعنى ولا حاجة من المشوار الى انت عملته :N_no[1]: فمتقلقش انت تمام:tumb: المهم اعد عندها اسبوع انزل كل يوم بالعربية الساعة 10 الصبح بعد زحمة الموظفيين والمدارس واقعد الف فى اكتوبر وعلى حاجة اسمها المحور الصحراوى وكده وبعد اسبوع جالى واحد صاحبى ورجعت بالعربية من اكتوبر لحد الهرم وكنت عامل زيك بالزبط مركز فى كل حاجة حواليا ماسك فى الدريكسيون كانه مثلا حيسيب العربية ويجرى:camera2: دلوقتى انا بنزل من المكان الى انا فية ولتكن النقطة الف بوصل النقطة ب من غير معرف ايه الى حصل فى الطريق السواقة بتبقى بعد شوية رد فعل لا ارادى او زى ضربات القلب والتنفس انت مبتتحكمش فيهم لكن لو حبيت حتعرف بس حتتعب ده بالنسبة للتنفس و السواقة كده لما تركز جامد وتشد وتجرى عنيك توجعك واعصابك توجعك و بالنسبة انك خايف تخبط و الكلام ده احب اطمنك انت مش حتخبط غير اما تكون محترف:C_laugh[1]: لانك حتكون مغرور ومعتمد انك شوماخر والى حواليك دول حمير يجى واحد تانى زى حضرتك يقوم يحصل اية :36_7_4[1]: بالظبط كده حادثة انت ممكن تتخبط وانت بتسوق لكن تخبط معتقدش لانك بتبقى مركز اوى
اما بالنسبة انك تاجر عربية لالالالالالالالالالالالال الالالالالالالالا من هنا للصبح انت لسة بتتعلم ومعظم العربيات ديه بتبقى مشمومة شكلها حلو بس من بره انما موتور ضايع ويستنى واحد على قده ويقوم ملبسة والله وده عن تجربة اخدنا عربية رجعنا بيها عملت عمرة ومسكنا فبعض فنصيحة ابعد عن الايجار اما انك تشترى عربية تتعلم عليها فده انا منصحش بيه لانه حوار مقرف لانك فى الاول بتعد تصرف كتير علشان العربية تبقى فايقة معاك لكن ممكن تجيب مثلا 128 ب 20 الف مثلا ماشى بس قصاد كده تكون حتجيب عربية متقلش عن 150-200 الف علشان تستوفى المنفعة الحدية بتاعت العربية ال 128
بالنسبة لمركز التعليم لو هو عنان كار الى فى محطة الطوابق ده الى انا اتعلمت فيه هو مش وحش بس بالنسبة لمستواك ده فهو مش حيقدملك حاجة زياده انما لو حابب تاخد معاه حصص ماشى و قولة حصص ممارسة مش تعليم وخلية يطلعك مره الدائرى ومره طريق اكتوبر علشان سريع وكده يعنى وفى النهاية اسف على الاطالة ولو فى اى استفسار انا تحت امرك