عرض للطباعة
وعندي كام سؤال بحكم اني لسة مبتديء في عالم السيارات . وعلي قدي في السواقة
العربية أوتوماتيك ولسة مستلمها النهاردة ...
دلوقتي عايز أعرف اية الحاجات اللي تتغير واتابع فيها لحد صيانة الألف؟
يعني هل مياه الردياتير هغير فيها او اي حاجة تانية وما شابه ...
وامتي أعرف ان العربية محتاجة يتغير فيها حاجة معينة ؟
معلش أنا عارف انه سؤال مبتديء أوي . بس خدوني علي قد عقلي دلوقتي :d
وبكرة هعرفكوا يعني اية سواقة علي حق ربنا :d
ألف مبروك و ربنا يباركلك فيها و يكفينا جميعا شر الطريق .
حضرتك مفيش حاجة هتتغير قبل صيانة الالف كيلو انما من باب الاحتياط أتاكد من مستوى السوائل فى العربية و فى صيانة الالف هتغير زيت و فلتر و لو عندك ملاحظات هتعملها , غير كدة مفيش حاجة و استمتع بالعربية ان شاء الله
تسلملنا يا ريس :)
دلوقتي وانا سايق بالعربية . في فترة التليين . للأسف ماطلعتش بيها علي طريق سريع ولا لينتها خالص. رغم انها وصلت معايا 105 كيلو. واغلب مشاويري بتكون بسيطة وقصيرة وعلي طرق متكسرة ومطبات كتير. وساعات باكل مطبات :s
انا عارف ان ده غلط جدا علي العربية. وعايز أعرف الأضرار اللي هتعود عليا من اللي بعمله؟
مع اني قررت أركنها بقي ومش هطلع بيها تاني غير للسفر ومن أجل التليين.
محتاج رأيكوا ونصايكوا ...
اولا الف مبروك
ثانيا متطلعش على طرق الا لما تخلص تليين انت كدة صح تفضل جوة البلد والار بى ام اقل من تلاتة او لحد تلاتة
ثالثا متفتح الكبوت نهائى مفيش اى حاجة حتتغير كل ما تعمل كيلوات ويجى معاد الصيانة تروح غير كدة متفتحش الكبوت الا لما تبقى متمرس ودة حيجى من قراية المانوال كويس ومن خبرتك اللى حتكتسبها من كتر السواقة
اهم حاجة متحاولش متحاولش تفتح غطا الريدياتير لو سمحت
بالنسبة للمطبات بتلبسها لية ؟ فرمل وامشى عل مهلك انت المفروض ان سرعتك على اقصى تقدير لا تتعدى ال 90 كيلو والاضرار طبعا لو اكلت مطب ممكن جدا تكسر كرتيرة الزيت . خبطة فى الفتيس .خبطة فى الشكمان . حجات كتير جدا وبالتالى ركز وحافظ عليها واعرف ان الجين2 تحديدا طالما محافظ عليها ةبتحبها ومش حارمها من حاجة مش حتقل معاك ابدا ان شاء الله
تحذير اخير مهم بردة متحاولش تحطلها بنزين اقل من 92 ايا كان السبب
مبروك وربنا يديك خيرها ويبعد عنك شرها
تسلم يا غالي :)
طيب دلوقتي وانا بسوق . بلاقي هواء سخن جدا طالع من الدواسة بيولع رجلي. ده عندي أنا بس والا الكل؟
وحاجة كمان. لما بدوس فرامي بحس بصوت حكة؟ زي صوت تزييق كدة
الهوا السخن دة علشان انت مش قافل الريسايكل بتاع التكييف دوس على البكرة اللى فى النص حتنور ومش حتلاقى سخونة تانىاقتباس:
المشاركة الأصلية كتبت بواسطة alaa7sh
حكة الفرامل دى طبيعية وفى كل الاوتو
طمنتني اللهي يطمنك :)
دلوقتي بقي لو عايز أخلي الازاز فاميه أسود. هل بييحي في ترخيصها زجاج ملون؟
واية الاجراءات لـ ترخيص السيارة بـ زجاج ملون ؟
الف مبوك على العربية وربنا يديك خيرها ويكفيك شرها
كنت عايز اسأل اخبار اسعار التأمين الشامل على العربيات ايه؟