الموضوع: استلمت الجين 2 من عز العرب :)

ألف مبروك و ربنا يباركلك فيها و يكفينا جميعا شر الطريق .

حضرتك مفيش حاجة هتتغير قبل صيانة الالف كيلو انما من باب الاحتياط أتاكد من مستوى السوائل فى العربية و فى صيانة الالف هتغير زيت و فلتر و لو عندك ملاحظات هتعملها , غير كدة مفيش حاجة و استمتع بالعربية ان شاء الله

اولا الف مبروك
ثانيا متطلعش على طرق الا لما تخلص تليين انت كدة صح تفضل جوة البلد والار بى ام اقل من تلاتة او لحد تلاتة
ثالثا متفتح الكبوت نهائى مفيش اى حاجة حتتغير كل ما تعمل كيلوات ويجى معاد الصيانة تروح غير كدة متفتحش الكبوت الا لما تبقى متمرس ودة حيجى من قراية المانوال كويس ومن خبرتك اللى حتكتسبها من كتر السواقة
اهم حاجة متحاولش متحاولش تفتح غطا الريدياتير لو سمحت
بالنسبة للمطبات بتلبسها لية ؟ فرمل وامشى عل مهلك انت المفروض ان سرعتك على اقصى تقدير لا تتعدى ال 90 كيلو والاضرار طبعا لو اكلت مطب ممكن جدا تكسر كرتيرة الزيت . خبطة فى الفتيس .خبطة فى الشكمان . حجات كتير جدا وبالتالى ركز وحافظ عليها واعرف ان الجين2 تحديدا طالما محافظ عليها ةبتحبها ومش حارمها من حاجة مش حتقل معاك ابدا ان شاء الله
تحذير اخير مهم بردة متحاولش تحطلها بنزين اقل من 92 ايا كان السبب
مبروك وربنا يديك خيرها ويبعد عنك شرها

المشاركة الأصلية كتبت بواسطة alaa7sh

تسلم يا غالي :)
طيب دلوقتي وانا بسوق . بلاقي هواء سخن جدا طالع من الدواسة بيولع رجلي. ده عندي أنا بس والا الكل؟
وحاجة كمان. لما بدوس فرامي بحس بصوت حكة؟ زي صوت تزييق كدة

الهوا السخن دة علشان انت مش قافل الريسايكل بتاع التكييف دوس على البكرة اللى فى النص حتنور ومش حتلاقى سخونة تانى
حكة الفرامل دى طبيعية وفى كل الاوتو