إن شاء الله معاكم وأحب أطمن الأعضاء أن أسكندرية دلوقتي مفيهاش زحمة والحكاية بقت هادية عن الأول وأتمنى الكل يقضي وقت ممتع .... المعمورة والمنتزة هيبقوا الأختيار الأفضل لتوافر كل الخدمات وعامل الأمن أفضل من العجمي على ما أعتقد خاصة في وجود العائلات وفي كباين في المنتزة عالبحر مباشرة أيجارها 400 جنيه في اليوم طول اليوم من غير مبيت وجميلة وطبعا هيبقى في أماكن ركن كتير فهيبقى سهل الناس تركن عربياتها قدام الكبينة على طول وممكن ناخد كبينتين كمان لو في حد من هواة الكورة حب يلعب في أماكن هناك للعب كرة القدم دة غير توافر حمامات رجالي وحريمي عامة ونظيفة بالقرب من الكباين وغالباً في كل الخدمات جوة واللي يحب ينزل البحر في شواطيء عايدة وفينيسيا كويسين .


اللي شجعني لموضوع المقابلة دة ان عرفت أن الحساب على شنوري وطبعاً هو أبو الكرم ومعروف عنه أنه دائماً سباق لفعل الخير مش حاجة غريبة عليك ياشنوري ودايماً بتثبت لكل أعضاء المنتدى مدى تفانيك وحبك ليهم وعطائك اللامحدود واللامتناهي حقيقي الواحد من النادر أنه يقابل أشخاص زيك الأيام دي ( كلمتين في حقك أهو ماتجيش تقولي أدفع بعد البوقين دول ) .