الموضوع: لوعة الفراق...ولهفة العوده...والحنين للسندويتش (flyingpeugeot)

قبل ما اقول ولا كلمه...أحب ابلغكم اسفى الشديد لانقطاعى المفاجىء ...بس والله كان مفاجىء ليا انا كمان...الحكايه ان العائله المالكه اصدرت قرار بالقيام بجوله صغيره حول العالم...ليست للتنزه ولكن لتفقد احوال الرعيه والبلاد :D....وبصفتى ولى العهد المنشود اجبرت على الرحيل ...بعد عدة محاولات منى للتملص من مسؤليات منصبى الا انه وفى اللحظات الاخيره تدخل الامبراطور محمد على الاول (والدى) بنفسه واصدر فرمان بالرحيل...وماكنش مصيف ولا حاجه :(
والله انا قضيت ايامى كلها فى القصر ولم اغادر الجناح الملكى ولا مره الا ان الامير أكرم الثانى :D هو اللى خفف عنى شويه..ونزلنى مرتين......لفينا شويه بالخيل الملكى حوالين القصر ورجعنا تانى....آدى كل الحكايه...:D

وبرغم انى حذرت القصر اكثر من مره من تداعيات رحيلى المفاجىء الا انهم لم يستوعبوا خطورت الموقف
واللى كنت خايف منو حصل ورجعت لقيت البنزين غلى والاسعار وللعت والدنيا خربانه :D:D:D:D

دا غير ان الموبيل الملكى بتاعى ضاع منى والصعلوك اللى لاقاه فضل فتحو عشان يتكلم منو براحته
عشان كان فيه اكتر من 150 درهم عثمانى رصيد :D

ومكنتش عارف اوقف الخط عشان ماكنش بأسمى....لحد ما عرفت اوقفو بالاستعانه بأحد رجال القصر اللى شغالين فى فودافون....وتم استرجاع الخط الملكى....وتم التعرف على

الصعلوك المحتال...وتم قطع رأسه فى الحال......:D:D

دا غير انى لما رجعت لاقيت فى مشاكل فى النت وفى الراوتر الملكى بتاعى...وأخيرا اتحلت انهارده..ورجعت
لمملكتى الصغيره نايل موتورز ....وشعبى الحبيب اعضاء نايل موتورز....

.............

وبجد ماتتصوروش حجم الفراغ اللى كنتو سايبينو جوايا وانتو بعيد عنى....وان شاء الله مش هتكرر تانى ....وماكنتش عارف انكم بتحبونى اوى كده...انا والله كنت هعيط لما قرأت الموضوع اللى كان فتحو حبيب قلبى أبو سيف...وكل حبايبى اللى شاركوا فيه واللى سألو عنى حتى ولو من جواهم

وانا أسف تانى على الغياب بس والله كان مفاجىء واضطرارى
وياريت كل حبايبى اللى كانوا بعتنلى ارقامهم قبل كده واللى ماكانوش بردو :)

...يدوهالى تانى عشان طبعا كلها اتمسحت

وربنا يديم المعروف
وياريت اى سندويتش عا الماشى :D:D:D:D:D
بالعند فيك يانادر :D:D:D:D:p:p:p:p