امير اند جوزيف -مدينة نصر

**mahmoodallam** · 23-08-2011 02:11 AM

انا اتصلت بيهم وسألتهم
قالولي تغيير اسطاونة الدبرياش 350 جنيه
تغيير سيور وفلاتر وزيوت 250 جنيه
دي المصنعيات بس
بصراحة لما قالي الأرقام دي كنت مفكره بيتكلم عن اسعار قطع الغيار
تقييمي الشخصي الاسعار دي عالية جدا
تغيير اسطوانة الدبرياش عند الميكانيكي بتاعي القديم ب 80 جنيه وعند اتخن ميكانيكي في البلد 150 جنيه والسيور 50 جنيه بالمفتري

**Amr_tika88** · 23-08-2011 07:15 PM

طيب هل في اختلاف بين الاسعار دي واسعار الوكيل

**mahmoodallam** · 24-08-2011 06:39 AM

بتوع امير وجوزيف قالولي احنا كدا زي الوكيل .
عصام صفا قالي هنتحاسب بالساعة والساعة ب 100 جنيه ؟!!!!!!!!!!!

**Amr_tika88** · 24-08-2011 07:43 AM

طيب انا ممكن اجيب قطع الغيار واعملها عند اي حد خصوصا ان عربيتي برا الضمان بس انا عايز حد بيفهم في العفشة ويكون امين وانا من مدينه نصر لو حضرتك تعرف حد اكون شاكر ليك جدا

**mby** · 24-08-2011 05:47 PM

المشاركة الأصلية كتبت بواسطة mahmoodallam

بتوع امير وجوزيف قالولي احنا كدا زي الوكيل .
عصام صفا قالي هنتحاسب بالساعة والساعة ب 100 جنيه ؟!!!!!!!!!!!

المشاركة الأصلية كتبت بواسطة amr_tika88

طيب هل في اختلاف بين الاسعار دي واسعار الوكيل

المشاركة الأصلية كتبت بواسطة amr_tika88

متشكر لرد حضرتك انا عندي حاجات في العربية سمكرة بس مش جامده تعتبر بسيطة هل شغلهم نضيف ؟

بخصوص السمكره عندهم انا كنت مره سالتهم وعرفت انهم بيحسبوا التكاليف بالقطعه بمعني لو عندك خبطه خفيفه في الباب مثلا هيكون سعرها زي لو فيه خبطتين او اكتر وجامدين في الباب لان الحساب سيكون تحت بند سمكره باب وبسعر ثابت لسمكره الباب وبيحسب الكبود قطعه لها سعرها وكل باب قطعه لوحده له سعره وغطاء الشنطه قطعه لها سعرها وهكذا واعتقد ان سعرهم هيكون غالي لهذا السبب وعموما السمكره والدوكو مش في الضمان ومش محتاجين قطع غيار تخاف منها لو عملت الشغل بره من ان تكون قطع الغيار مضروبه
بخصوص اسعارهم هي فعلا نفس اسعار الوكيل بس كفايه الواحد يوفر مشوار من مصر الجديده للطريق الصحرواي او حتي لغايه مسرح البالون وكفايه برضه ان شغلهم نظيف وعندهم امانه في الشغل والحساب - وعموما هم والوكيل بيشتغلوا بالساعه برضه لان الحساب بالساعه محدد ومعروف مسبقا زي التوضيح في الفقره التاليه
بخصوص الحساب بالساعه مش معناه انه هيحسب من ساعه دخول العربيه للورشه لغايه خروجها لصاحبها.... المقصود بالحساب بالساعه انه بيكون طبقا لجداول مقرره ومحسوبه سلفا بان تغيير فلتر الهواء بياخد 1/2 ساعه مثلا وتغيير التيل الامامي 3/4 ساعه والخلفي 1/2 1 ساعه (هذه الساعات المذكوره مني هنا ليست حقيقيه وانما للتوضيح ) وعندهم الساعه سعرها 100 جنيه مثلا ومن غير الضريبه يبقي تكلفه البنود السابقه هو 275 جنيه غير الضريبه

**Old_Fox** · 25-08-2011 03:46 AM

بصراحة امير وجوزيف شبعوا وبقوا غاليين جدا زى التوكيل ويمكن أغلى كمان وبقى مش فارق معاهم بروتون خالص يعنى الخلاصة فرع تعبان اوى اوى لتوكيل عز العرب وبيغيروا قطع غيار مش اصلية على انها اصلية زى فلتر التكييف وفلتر الهوا وفلتر البنزين وتيل الفرامل ويحاسبوك على انه اصلى بمنتهى البجاحة والأهم انهم مابيغيروش اى قطعة فى الضمان والمكان عبارة عن بدروم حقير تحت الأرض عامل زى ورشة بلدى زحمة وده لأنهم شغالين فى 100 نوع من العربيات يعنى مفيش تخصص
ومع انهم قريبين منى لكن بصراحة تجربتى معاهم مش لطيفة لذلك أنا عندى اضرب مشوار أبو رواش أو العجوزة أو عصام وصفا أحسن منهم مليون مرة عموما روح وجربهم وطبعا الموضوع ده راحة شخصية

**Amr_tika88** · 25-08-2011 08:50 AM

طيب هل حضرتك جربت مركز عصام صفا وهل هوا بيغير بقطع اصلية وياريت لو حد يدلني علي عنوانه اكون شاكر ليه جدا انا عندي حاجات في العفشة والكهربا ده ومكنه قزاز وسمكرة في شنطة العربية بسيطة بس بتاثر علي قفل الشنطة

**Old_Fox** · 25-08-2011 08:10 PM

آخر صيانة عملتها كانت فى عصام وصفا فى النزهة الجديدة شارع طه حسين
ناس محترمين وفاهمين وقطع غيار أصلية وتشوفها قبل ماتركب وتشوف العربية والتاس شغالة فيها
مواعيدهم من 9 الى 5 كل يوم ماعدا الجمعة بس مش عارف مواعيدهم فى رمضان ايه
عموما تليفوناتهم 0100460111أو 222 أو 333 والأرضى 26220177

**Amr_tika88** · 29-08-2011 05:03 AM

انا شاكر لحضرتك جدا وانشا الله هبدا في العربية بعد رمضان واضح من جميع الاراء ان مركز عصام صفا افضل وشاكر جدا لكل واحد ساعدني

**Amr_tika88** · 04-09-2011 09:12 PM

طيب انا ياجماعة استقريت علي اني هكشف علي كهربة العربية عند رضا الكهربائي اللي في الحي السابع في مدينه نصر
وياريت لو حد يعرف عفشجي كويس ويكون عنده ذمة وضمير
وياريت لو حد يعرف سمكري نضيف ويفضل يكون قريب مني
وياريت لو برضو لو حد يعرف حد بيفهم في مكن القزاز كويس عشان عندي مكنة القزاز اللي قدام فيها مشكلة
واكون شاكر جدا للاعضاء الكرام