عايز ردكم بمنتهى الوضوح و الحياد
اخوكم ياسين :8_8_13:
عايز ردكم بمنتهى الوضوح و الحياد
اخوكم ياسين :8_8_13:
السوال تانى
لو بنت عجباك و عاييز تتجوزها و اكتشفت انها تعمل شغالة عند ناس هل ترضى تتجوزها
بمنتهى الصراحة لأ
هتكون الإجابة أيوة في حالة واحدة إني بحبها بجنون وشايف مستقبلي معاها هي بس
سؤالك ناقص مكتبتش اللى عاوز يتجوزها مستواة ايه
و احد متوسط ماديا وعالى اجتماعيا و مثلا ساكن فى منطفة عشوائية
هي مستواها الفكري والتعليمي ايه ؟؟؟
ومستوي اهلها برضه بعيدا عن الماديات
ولما حتظهر معاها وسط الناس لغتها الحواريه ايه ؟
ماهي يمكن اشتغلت كده بدل ما تروح لسكه الغلط
كمان هي مدبره منزل ومربيه ولا شغاله من اللي بيسيقوا السلم ؟؟
والاهم من كل ده
لو حتريحك في العيشه والمعيشه يبقي شغاله تشيل اوجاعك ولا دكتوره تزودهالك
السلام عليكم و رحمة الله و بركاته
بصراحة لأ مش هتجوزها لأن الزواج شرط فيه التكافؤ الاجتماعى, لكن أنا عندى سؤال:
هو منين العريس عالى اجتماعيا و ساكن فى منطقة عشوائية و لا أنت قصدك, ساكن فى منطقة شعبية؟؟؟؟؟؟؟؟؟
ممكن تقولنا تفاصيل أكتر عن مستوى العروسة التعليمى و مؤهلاتها و ظروفها الاجتماعية و أخواتها و أبوها و أمها و عيلتها و مستوى المكان اللى ساكنة فيه العروسة بالنسبة للعريس, لأن ممكن يكون المستويين متقاربين بس العريس مش واخد باله و فى الحالة دى, لو هى بنت محترمة و متدينة, ممكن يتجوزوا عادى.
انا بقول مثلا انتوا بتجرونى بالاعتراف اكنى عامل جريمة هههههههههههههههههه
على فكرة الموضوع مش شخصى بس انا بسال
بصفة عامة
على فكرة انا شوفتها بالصدفة هى بتتكلم بطريقة راقية و معقولة و هى متخصصة اكل بس تقريبا و الاكيد ان مستوها الاجتماعى مش عالى و على فكرة معظمنا يسكن فى مناطق شعبية الا لو كونت فاهم غلط عن اعضاء المنتدى
حبيبى يا شنورى انا قابلتك المرة الاخيرة بتاعه بحة مش عارف هاتفتكرنى و لا لا
على فكرة انا اعرف واحد متجوز من دكتورة اقل ما يقال انها عاملة نظافة درجة تالتة من حيث التفكير و اسلوب كلام زفت و مطلعه عينة
اخر مره عند بحه لما روحنا عند زيزو نتانه الاول؟؟؟
ولا المره الي قبلها ؟؟
ادعم شرحك بالصور والكراك يا باشا
جايز اكون ناسي الاسم بس اكيد مش ناسي شكل حضرتك
ماهو علشان كده بقولك خد اللي تسعدك مش الي تنكد عليك
بس بحدود يعني
المرة الاخيرة خالص لما جيتوا متاخرين و جيتوا الاول على القهوة و بعدين روحتوا تاكلوا من عند بحة
انت اول ما جيت انا قولتلك انا زعلان منك علشان انت هاجمتنى على اعلان كونت عاملة مطلوب بائعات و كتبت حسنة الظهر و انتا اعترضت على حنسة المظهر و كدة و كونت لابس تى شرت ابيض
على فكرة انا عدلت العنوان بتاع الاعلان بسسببك و كتبت مطلوب بائعات ذو مظهر سيئ و غير متعلمين ههههههههههههه
حاجة كدة
و تتجوز شغالة لية بس ياعم ؟
هما بنات الناس خلصوا ؟
في الحقيقة الواحد مستغرب من تعليقات بعض الاعضاء ممن كنت اتوسم فيه طريقة تفكير احسن من كدة
الناس سواسية كاسنان المشط
ان اكرمكم عند الله اتقاكم
هذا الحديث رواه البخاري (4802) ومسلم (1466) عَنْ أَبِي هُرَيْرَةَ رَضِيَ اللَّهُ عَنْهُ عَنْ النَّبِيِّ صَلَّى اللَّهُ عَلَيْهِ وَسَلَّمَ قَالَ : ( تُنْكَحُ الْمَرْأَةُ لِأَرْبَعٍ : لِمَالِهَا ، وَلِحَسَبِهَا ، وَلِجَمَالِهَا ، وَلِدِينِهَا ، فَاظْفَرْ بِذَاتِ الدِّينِ تَرِبَتْ يَدَاكَ ) .
فمن تزوجها لمالها لن يزيده الله الا فقرا
ومن تزوجها لحسبها لن يزيده الله الا زلا
ومن تزوجها لجمالها لن يزيده الله الا دناءه
ولذلك اوصانا الرسول صلى الله عليه وسلم ان نظفر بذات الدين
اوصي اخواتي وزملائي ان تكون ردودهم من وحي الدين الحنيف
للاسف مفيش حاجة بتخنقني اكتر من اللي بيقول "ابن ناس" بمعنى ان مستوى اهله المادي و الاجتماعي عالي - و خصوصا المادي ........
على اعتبار ان اللي اهله على قد حالهم يبقى ابن بوبي و لا ابن جزمة .......
ابن ناس يعني واحد اهله عرفوا يربوه صح و بيعامل الناس كويس
ابوه بواب او رئيس وزراء ما تفرقش
كفاية بقى ام الطبقية المهببة بتاعتنا دي
كلمة أبن ناس أو بنت ناس ....
أختلف مفهومها من زمان لدلوقتى ....
زمان كان معنى أنة أبن ناس يعنى أهلة ناس كويسين ومتربى ومعاة شهادة عليا ....
دلوقتى أبن ناس معناها دة واحد معاة فلوس وبس مش مهم يكون متربى وأهلة يبقوا مين ....
كلمة بنت ناس بمفهومى الشخصى معناها ....
البنت المتدينة اللى متربية كويس , المتعلمة تعليم عالى عشان هى اللى هتعلم أولادى ....
اللى من بيت محترم وأهلها ناس يشرفوا , اللى مستواها المادى فى نفس مستوايا أو أعلى شوية ....
هل الشغالة مع كامل أحترامى ليها تتوافر فيها كل الصفات دى ؟
انا لسه في الكليه بس شوفت كتييير قوي
بص لو مستوى إجتماعي متقارب والمستوى المادي مش بعيد قوي إتوكل على الله لإن مش عشان إشتغلت شغالة تبقى لازم واقعة إجتماعيا أو ماديا
يعني ليا قريبي ولظروف خاصة إجتماعيا مستواهم متوسط أو فوق المتوسط ويجوز عليهم الصدقة وفعلا فكرت تشتغل شغالة عشان تقدر تصرف على ولادها طبعا الوضع مختلف بس مش اي حد بيشتغل كده يبقى لازم واقع إجتماعيا
انا شايف
لو فيه تواصل فكرى وعقلى ما بينهم , والدين موجود عند الاتنين
يقدروا يعيشوا مع بعض فى موده ورحمه
يبقى الفلوس والكلام دا شكليات
والشغل الشرييييف عمره ما كان عيب
ياما ناس مهندسين ودكاتره وضباط واخلاق قذره وتربيه فى الحضيض ودين مفيش
فيه رجاله معانا فى ا لمنتدى دكاترة جامعة و كانوا شغالين و هم صغار اشغال "تكسف" من أجل تحسين الوضع المادى
و الشغل لا يعيب الانسان مطلقا طالما محافظ على ادبه و اخلاقه و غير معرض كرامته للاهانه
و الذى يضحى و يعمل مثل هذه الاعمال لابد ان نكن له كل احترام لانه بكل بساطة لم يلجأ الى الانحراف و المشى البطال
و لكن لابد من التوافق الاجتماعى للزواج فهل البنت متعلمه مثلا تعليم زى اللى عايز يتجوزها
و اذا لم يكن فما هو الدافع للتنازل عن الوضع الاجتماعى
(انا مثلا كانت بتشتغل معايا فى العيادة اول ما فتحت بنت بكالوريوس تربيه و بتحضر دبلومه كمان و الاسم انها بتشتغل عامله و سكرتيره فى العيادة ؟؟)
د.احمد السعيد قال الكلام المفيد صح يا دكتور بس احب اضيف كلمة من واقع عملى فى الموارد البشرية البنت المتعلمة اللى بتكون محتاجة شغل طبعا دى حاجة متعبهاش ابدا بس هما غالبا بتشتغل عاملة فى محل فى عيادة فى شركة لكن مبيشتغلوش فى بيوت يعنى هى تقبل تشتغل فى شركة تنظف وتنظم وتاخد 400 جنيه فى الشهر ومتقبلش تشتغل فى بيت وتاخد 2000 جنية وده عن دراية لان اشتغل معايا فى الشركة كتير جدا من النوعية ودى وسبحان الله معظمهم كان فى منتهى الادب والاحترام والذوق والاخلاقر
لو علامها كويس ومخها نضيف يبقي سو وات
خلاص يا جماعة دى فكرة و جت على بالى لما شوفتها مجرد فكرة وقولت لما اناقش الاخوة بس للاسف هانفضل نفكربنفس الطريقة و مش هانتغير ابدا و الله اعلم ممكن هى ممكن ما توافقش على اساس ان مرتبها ممكن يعدى 3000 فى الشهر
لو المستوى الأجتماعى واحد يبقى ماشى لو فى فروق أجتماعية لأ