سهلة قوي
الرخصة الدولية لقيادة الدراجات النارية هي نفس الرخصة الدولية بتاعت العربية بالضبط و الفرق الوحيد ان الموظف بيعلم و بيختم على فئة المركبة اللي في الرخصة يعني ممكن تعمل رخصة دولية واحدة بس لقيادة السيارات الخاصة و الدراجات النارية و طلوعها سهل قوي قوي قوي بالنسبة للرخصة اللي بطلع الروح
و خطواتها سهلة جدي
تطلع على الإدارة العامة للمرور في رابعة العدوية و تجيب شهادة تحريات (أي صحة بيانات الرخصة) و تكون الرخصة باقي على انتهائها أكثر من سنة و شهادة التحريات ببلاش يعني متدفعش و لا مليــــــــــــــــــــــ ـــــم و اللي يطلب منك حاجة حط صوابعك العشرة في عنيه و بتطلع و انت واقف
و بعدين تاخد الشهادة و صورتين 4*6 و صورة من الرخصة و الرخصة الأصلية و تطلع على نادي السيارات اللي في 10 شارع قصر النيل في وسط البلد من الساعة 9 و نص لغاية الساعة 12 و نص أو واحدة مش فاكر و تملي الطلب اللي عندهم و تسلمهم مع الصور و الشهادة و الرخصة الأصلية كمان و تعمل المشوار اللي عليك بالمواصلات عشان هتسيب الرخصة و ترجعلهم الساعة 2 و تستلم اصل رخصتك و الرخصة الدولية و تقريبا تكاليفها 40 جنيه أو 45 جنيه على حسب نوع الرخصة مش فاكر و ده بالنسبة للي في القاهرة أما بالنسبة لاسكندرية فنفس الاجراءات بس بصراحة معرفش الادارة العامة اللي في اسكندرية أما نادي السيارات في طريق الكورنيش
سيدى بشر, الاسكندرية
التليفون: 03-5481494, 03-5481495التليفون: 03-5481494, 03-548149525743176 - 25743418 - 25743355 - 25768171 - 25791666
تقدر تتصل بيهم و تسألهم تجيب شهادة التحريات منين
و لو في أي اجة تانية انا جاهز
المفضلات