إختراق العالم السرى لمافيا السيارات المسروقة

**Ayman-Ahmed** · 19-08-2011 05:40 PM

ولو عاوز الوفد يكتب اللى شفته وسمعته فى اوكار سرقة السيارات يتصلوا بيا بس.

العالم ديه مش موضوع مخدرات ومش عارف يشتريها.الموضوع انها فعلا عصابات منظمة فى مناطق يعنى مثلا بلبيس-النهضة-كوم السمن وبلد كمان بعد القناطر بشوية وديه بقى اللى شفت فيها عجب العجاب.والحمد لله الحمد لله طلعت منها على خير.

وفى النهضة واحد عربيته مسروقة راح يبص عليها وواحد معرفة يدخله هناك واتعرض عليه bmw ب 10000 الفئة الخامسة بدل عربيته ولقى واحد ضايع بمعنى الكلمة بيدهن اوكتافيا a5 بعلبة اسبراى ولما ساله بتعمل ايه يا عم قاله اومال هتفضل واقفة كدة تعمل اى مصلحة فى المنطقة واللى فهمه انها هتشتغل تاكسى.

الشرطة بقى دورها فى الموضوع ده ولا حاجة واسفاه وكان رد ظابط عليه استعوض ربنا فى العربية.

اللهم استرها علينا جميعا واحمنا وامن روعاتنا واحم ما وهبتنا.

**chato_eg** · 19-08-2011 06:03 PM

و هنا يتبادر للذهن فى آلية وزارة الداخلية فى صرف 15% من ميزانية الدولة و إن مافيش حد بيحاسب الشرطة لا على مستوى الدولة و لا على مستوى المحافظة من خلال مجالس محلية منتخبة تقوم بالدور المفترض للبرلمان لكن على مستوى المحافظة و ده بيأثر على ماهية المحافظ المنتخب أيضا بدوره نائب لرئيس الدولة على مستوى المحافظة.....

طول ما هتفضل عندنا انتخابات غير شفافة....و سلم طويل من التعيينات من قبل السلطة التنفيذية...فده هيكون الوضع.....

و بصراحة أنا لو فى سلطة رقابية أو فى الشرطة..أتعب نفسى ليه فى مطاردة المجرمين و أوكارهم فى حدود القانون ؟؟؟....
ما أنا حالى و أمنى ماشى و مضمون و لما نتزنق شوية نبقى نروح نقفش لنا أى قضية هايفة أو نفبرك ..و ربنا يبارك فى قانون الطوارئء إللى مش بيستعمل غير فى " غير موضعه " ...

قبض على أصحاب رأى و لا معارض و لما تبقى الجريمة المسلحة متفشية جدا زى ما حصل فى أوائل التسعينات و بيحصل شبهها دلوقتى فى سيناء نبقى نروح نلم نصف السكان و نعذبهم و يقعدوا يفتنوا على بعض لحد ما نبدأ نكون فكرة عن إللى بيحصل ..

لكن عمل شرطى استخباراتى منظم بيؤدى إلى تقديم مجرمين إلى المحاكمة مع وجود أدلة و قرائن تؤدى لإدانتهم....لأ..مافيش....

و حتى فى استعمال القوة الغاشمة...الشرطة بتلجأ للجيش...مافيش عندهم حتى طائرة مروحية....

يعنى ال 15% بتتصرف على قنابل غاز و أدوات تعذيب و سجون و معتقلات أكتر ما بتتصرف على أدوات بحث جنائى و لا حتى رفع لمستوى الأفراد بدل المرتبات المخزية إللى بيتقاضوها

أتمنى أن يكون الناخبين على قدر من الوعى ليختاروا من يمثلهم و يقوم على مصالحهم فى الانتخابات القادمة...

**ashouhdy** · 19-08-2011 06:14 PM

طالما الشرطة عارفة كل دة لية ميهجموش عليهم ولا هم فارحانيين بس انهم وقفوا ينظموا المرور الواحد والله بيجيلوة كوابيس ومبينمش انا والله حشترى كلبش تانى واركب 2 !!!!!

**نور القمر** · 20-08-2011 03:21 PM

ربنا ينتقم منهم ومن وزارة الداخلية اللي سيباهم ومن كل مسئول متقاعس عن عمله
حسبي الله ونعم الوكيل

**Eng.Geo** · 20-08-2011 04:47 PM

لسة النهاردة عربية كانت قافلة عليا
ناديت الواد بتاع الجراج قلتله شوف صاحبها
قالي هات مفتاح !
ليه ؟
هات بس
خد
راح داخل علي كالون العربية و دب دب قمت ماسكة وبقوله يخربيتك .. !
قالي مانا هفتحها ماتقلقش
شخطت فيه وقلتله شوف صاحبها بدل ما أبلغ عنك
راح بعيد ورجع في أيده حتة حديدة رقيقة شبه المنشار
حطها في الأزاز بتاع الباب بين الأزاز والجلد
ونزل لغاية الكالون
هوب المسوجر فتح !
زقها وقلتله والله لأقوله
ولو شفتك عملتها تاني لأسجنك
ضحك :)
يا تري عربيتي أتفتحت كام مرة ! :)

**mahmoud_anwar** · 20-08-2011 07:01 PM

بجد انا عرفت دلوقتي معني الأيه الكريمة دي {وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ}
زمان ايام الاعدادي كنت جايب مجموع الثنوي عام وكنت نفسي اخش ثنوي عام علشان ابقا زي عمامي واولاد عمامي وابقا ليه سلطة زيهم كان حلم طفل ولما ولدتي رفضت زعلت جدآآآ انها رفضت تدخلني ثنوي عام والأن انا بحمد ربنا انه فضلني عن هذا القوم الفسيق انا مشفتش ظابط محترم ولا ابن ناس كلهم ولاد........... المهم انا والله الحمد فضلت قاعد مع نفسي بقول تخيل لو انتا ظابط ومرتبك كام ملطوش 700 ولا 800 هيكون ايه موقفك ؟
قولت تخيل لو انتا نصفت ظالم علي مظلوم تخيل لما يقول في وجهك حسبي الله ونعمة الوكيل؟
تخيل ان يأتي عليك مظلوم لي تنصفة وانتا جبان وتقول له استعوض الله لماذا اذآ انتا تشتغل في الداخلية أم كنتم بتتحامو في العادلي الظالم ؟؟؟؟؟؟؟؟؟؟؟؟؟؟؟؟؟؟؟؟؟؟
هل العسوي يصلح وزير داخلية

**Elawany13** · 20-08-2011 08:50 PM

أخى يوسف ايه علاقة الثانوى العام والدبلوم ..... بالشرطة !!!!!
مش كل اللى بيدخلوا ثانوية عامه بيدخلوا شرطة ويبقوا من اصحاب السلطه
ومش كل اللى فى السلطه من الظالمين والمفتريين
كل مهنه وكل فئة ليها احترامها وفيها الكويس وفيها الوحش

**mahmoud_anwar** · 20-08-2011 09:44 PM

المشاركة الأصلية كتبت بواسطة elawany13

أخى يوسف ايه علاقة الثانوى العام والدبلوم ..... بالشرطة !!!!!
مش كل اللى بيدخلوا ثانوية عامه بيدخلوا شرطة ويبقوا من اصحاب السلطه
ومش كل اللى فى السلطه من الظالمين والمفتريين
كل مهنه وكل فئة ليها احترامها وفيها الكويس وفيها الوحش

معلش نسيت احكي بي الظبط كان نفسي اخش ثنوي عام علشان اقدر اخش كلية الشرطة
لكن الثنوي العام مش سلطة

**ashouhdy** · 21-08-2011 12:53 AM

المشاركة الأصلية كتبت بواسطة eng.geo

لسة النهاردة عربية كانت قافلة عليا
ناديت الواد بتاع الجراج قلتله شوف صاحبها
قالي هات مفتاح !
ليه ؟
هات بس
خد
راح داخل علي كالون العربية و دب دب قمت ماسكة وبقوله يخربيتك .. !
قالي مانا هفتحها ماتقلقش
شخطت فيه وقلتله شوف صاحبها بدل ما أبلغ عنك
راح بعيد ورجع في أيده حتة حديدة رقيقة شبه المنشار
حطها في الأزاز بتاع الباب بين الأزاز والجلد
ونزل لغاية الكالون
هوب المسوجر فتح !
زقها وقلتله والله لأقوله
ولو شفتك عملتها تاني لأسجنك
ضحك :)
يا تري عربيتي أتفتحت كام مرة ! :)

تعالى هنااااااااااااااااااااااا ااااااااااا

ينهار اسود بالهيافة دى ؟؟؟ طب كان نوعها اية ؟؟؟ والحوار دة ينفع فى اى عربية ؟؟؟

الموضوع: إختراق العالم السرى لمافيا السيارات المسروقة

LinkBack

أدوات الموضوع

عرض

-

-

-

-

-

-

المواضيع المتشابهه

مقترح للحكومة للقضاء على ظاهرة بيع السيارات المسروقة بنسبة 100% ومكافحة سرقة السيارات

سؤال عن البحث عن السيارات المسروقة

:: السيارات المسروقة من مصر موجودة فى غزة ::

أعلن هنا ..... عن السيارات المسروقة

الكلمات الدلالية لهذا الموضوع

المفضلات

المفضلات

ضوابط المشاركة