انا بفكر اغير تكييف لانوس بتكييف نسيان

انا كنت بتكلم معاه واحد بتاع تكفييات على انى عاوز اغير كمبرسيور لانوس بتكييف تانى اكبر ولان فعلا معايا تكييف بتاع نسيان (كان مفكوك من موتور جاز ) فا الراجل دا قالى انة يركب هو نفس الشكل بتاع تكييف لانوس لكن معاه اختلاف القواعد والقاعدة الا موجودة فى كمبرسيور نسيان بتتفكك بمسامير وتعمل قاعدة تانى عند الخراط هو قالى انة التكييف دا هيخلى العربية عندك فريزر لانة بتاع عربية اكبر ولان القوة بتاعتوه اكبر بكتير من كمبرسيور لانوس - فا قولت استشير الخبراء فى المنتدى الجميل دا لانى بصراحة انا عندى قعده من الناس بتاعت التكفييات ...انصحونى

و الله لو ده ينفع تبقى حاجة كويسة اوي تعوض اداء تكييف اللانوس المتوسط

The air conditioner of Lanos is good

جرب مش حتخسر غير شحنيتين فريون ب 80 جنية

طيب و هل حضرتك فكرت في الموتور والحمل الزياده اوي عليه من كمبريسور قدرته اعلي ؟؟
ده التكييف بتاع العربيه بياثر عليها مابالك بتكيييف اكبر؟
انا شايف انك تدرس امكانيه تغيير الموتور كله بتكييفه زي بتاع النوبيرا

اقتباس:

---

المشاركة الأصلية كتبت بواسطة م/محمد

طيب و هل حضرتك فكرت في الموتور والحمل الزياده اوي عليه من كمبريسور قدرته اعلي ؟؟
ده التكييف بتاع العربيه بياثر عليها مابالك بتكيييف اكبر؟
انا شايف انك تدرس امكانيه تغيير الموتور كله بتكييفه زي بتاع النوبيرا

---

انا رايى كده برضه

و بعدين تكييف اللانوس محترم جدا و الناس بتشكر فيه اوى انت بس اغسل السربينه و نضفه و اشحنه فريون كويس مش صينى و كله هيبقى تمام

عمرى مشفت حد اشتكى من تكييف الدايو
انا معايا الاتنين وبقلك مفيش اى فرق تماما

بص هو نظريا الاتنين واحد من ناحية التبريد بس لو اداء التكيف ضعيف نضف السربنتنة و التلاجة و غير الفلتر و فريون محترم انجليزى مثلا و شوف الفرق

انما لو عاوز تجرب ع سبيل التجربة فقط ركب و اشحنو صينى و شوف هل الفرق يستاهل ولا لأ لو نجحت التجربة يبقى تشحن الفريون المحترم و عيش
بس خلى بالك هل انت بيفرق معاك السحب ولا لأ ؟؟؟
لانو لو بيفرق خلى الكباس اللى فيها افضل لو لا جرب وقولنا النتيجة

هو انا فكرت فى الموضوع الموتور وعشان كدة قولت اخد رايكم وانا بصراحة زهقت من تكييف لانوس ومن الناس بتوع التكييف انا صرفت على التكييف اكتر من 550 جنية وبرضوة التبريد مش مقنع بالذات فى الزحمة وكمان تبريد بالنهار مش عجبنى ولو كنت ماشى فى طريق سريع بالنهار التبريد يبقا زى الفل

التكيف ال موجود اصلا بيقتل العربية و بيخليها زي البطة ف لو ركبت واحد اقوى بتهيالي العربية هتبقى سلحفاة

طيب انا عاوز حد بتاع تكييف يكون عنده ضمير

انا التكيف عندي من ساعة ماغيرت الريداتير ونضفت السربنتينه وكل اسبوع ولا اتنين بنفخها بالهواء وبصراحه التكييف اشغله شويه علي التالت وبعد كده انزل علي التاني ووبقي مخلي الريش تجيب هواء بعيد عني لانه بيوجع ايدي بصراحه من الهواء الساقع لكن ضعيف اكيد لا
في اسواء الاحوالي بيخلي الصالون درجة حرارته ربيع في حالة ان الجو نار

اقتباس:

---

المشاركة الأصلية كتبت بواسطة ahmedhilmy

و الله لو ده ينفع تبقى حاجة كويسة اوي تعوض اداء تكييف اللانوس المتوسط

---

متوسط ايه يا عم احمد التكييف بتاع اللانوس محترم جداً
انا التكيف عندى بيخليني اتجمد
وكل سنةوانتا طيب يا ابوحميد وعاوز اشوفك في مقابلة الخميس الجاى ان شاء الله

امال فين محمد ممدوح هو اللي يفيدنا في الدايو
هل فيه مشاكل لو اتحط كمبروسر اعلى على موتور لانوس؟

اقتباس:

---

المشاركة الأصلية كتبت بواسطة shiref_mohamed

متوسط ايه يا عم احمد التكييف بتاع اللانوس محترم جداً
انا التكيف عندى بيخليني اتجمد
وكل سنةوانتا طيب يا ابوحميد وعاوز اشوفك في مقابلة الخميس الجاى ان شاء الله

---

لأ يا شريف انت بالذات مضطر اصدقك بس مش عايز اقلهم علي سر ان التكييف بتاعك محترم جدا عمومما انا عايز احجز استشارة في يوم هتلاقيني بصلي الجمعة معاك و هقفش فيك لغاية متخلي تكييفي انا كمان محترم جدا عموما واحشني جدا و انت بألف صحة و سلامة و اول مرة اسمع عن مقابلة الخميس دي بس ان شاء الله اجي و رمضان كريم

استاذنا احمد حلمي ايه مشكلة تكييفك
انتا ما اشتكتش منه قبل ذلك

تكييف الانوس ثلاجه ثلاجه اكيد انته بتشحنه فريون ردىء

طيب ياجماعة حد يفيدنى بواحد بتاع تكييف كويس وفاهم

اقتباس:

---

المشاركة الأصلية كتبت بواسطة tarek_2005

استاذنا احمد حلمي ايه مشكلة تكييفك
انتا ما اشتكتش منه قبل ذلك

---

الحمد لله يا طارق باشا هو مفيش شكوي ربنا يديمهت نعمة بس انا اعتراضي الدايم عليه انه ادائه في الزحمة و بالنهار محدود يعني يدوبك بيبقي ملطف الجو و متهيالي القصة دي ملهاش علاج لن دي حدود امكانياته

اقتباس:

---

المشاركة الأصلية كتبت بواسطة hamada_5034

هو انا فكرت فى الموضوع الموتور وعشان كدة قولت اخد رايكم وانا بصراحة زهقت من تكييف لانوس ومن الناس بتوع التكييف انا صرفت على التكييف اكتر من 550 جنية وبرضوة التبريد مش مقنع بالذات فى الزحمة وكمان تبريد بالنهار مش عجبنى ولو كنت ماشى فى طريق سريع بالنهار التبريد يبقا زى الفل

---

تكييف الانوس ممتاز انا كان معايا النترا 2005 تكييف الانوس احسن منها تصدق بقى

عموما اي عربيه في الزحمه مش بتبرد جامد او وهي واقفه لازم تبقى ماشيه

عموما ممكن المشكله تكون في سير او بليه شداد التكييف او السلانسيه والتكييف شغال مش هتخرج من دول

ولو العربيه عندك بتبرد وهي ماشيه تاكد من انها زي الفل

على لي صديق غير كمبرسور هيونداي اي 30 ب كمبريسور النترا كان مقتنع ان الاتنين واحد ودلوقتي كل ما يشغل التكييف العربيه تسخن منصحكش بالموضوع ده بصراحه

باشا انت لو تعرف تيجي الهرم هوديك لحد بتاع تكييفات ممتاز جدا عمرك ما هتلاقي حد زيه وعن ثقه

عموما العربيه لو تكييفها فاضي سعر الشحن بيبقى من 150 ل 200 جنيه

ولو التكييف بيبقى فيه فريون بس عاوز يتزود فعلا بتبقى اخره 80 جنيه انا عند الراجل ده بعمله ب 60 جنيه

الالنترا زبطها عنده والاكسنت قبلها زبطها عنده ودلوقتي الانوس الي معايا دي روحتله غيرلي ابرتين بيسربوا وشحن التكييف كان فاضي تماما دفعت 200 جنيه وراجل قمه الاحترام وبيفهم في شغله كويس جدا

اقتباس:

---

المشاركة الأصلية كتبت بواسطة حماده المصري

باشا انت لو تعرف تيجي الهرم هوديك لحد بتاع تكييفات ممتاز جدا عمرك ما هتلاقي حد زيه وعن ثقه

عموما العربيه لو تكييفها فاضي سعر الشحن بيبقى من 150 ل 200 جنيه

ولو التكييف بيبقى فيه فريون بس عاوز يتزود فعلا بتبقى اخره 80 جنيه انا عند الراجل ده بعمله ب 60 جنيه

الالنترا زبطها عنده والاكسنت قبلها زبطها عنده ودلوقتي الانوس الي معايا دي روحتله غيرلي ابرتين بيسربوا وشحن التكييف كان فاضي تماما دفعت 200 جنيه وراجل قمه الاحترام وبيفهم في شغله كويس جدا

---

انا معاك يامعلم ادينى رقمة او قولى فين وانا هروح على طول بس اهم حاجة يكون فاهم وعنده ضمير لان انا بصراحة تعبت من الناس بتاعت التكييف

اقتباس:

---

المشاركة الأصلية كتبت بواسطة حماده المصري

باشا انت لو تعرف تيجي الهرم هوديك لحد بتاع تكييفات ممتاز جدا عمرك ما هتلاقي حد زيه وعن ثقه

عموما العربيه لو تكييفها فاضي سعر الشحن بيبقى من 150 ل 200 جنيه

ولو التكييف بيبقى فيه فريون بس عاوز يتزود فعلا بتبقى اخره 80 جنيه انا عند الراجل ده بعمله ب 60 جنيه

الالنترا زبطها عنده والاكسنت قبلها زبطها عنده ودلوقتي الانوس الي معايا دي روحتله غيرلي ابرتين بيسربوا وشحن التكييف كان فاضي تماما دفعت 200 جنيه وراجل قمه الاحترام وبيفهم في شغله كويس جدا

---

فين فى الهرم يا باشا ؟؟

ندخل من شارع ومبي ونمشي لاخره

بعد كده نخش يمين بيبقى على اليمين صور معهد السينما هتمشي سنه بسيطه هتلاقي كشك على اليمين

اول ما تلاقي الكشك على اليمين الراجل في الشارع الي قصاده الناحيه التانيه يعني تلف وترجع يبقى الكشك على شمالك تخش يمين هتلاقي اليمين ده شارعين رايح جاي امشي فيه هو صغير اوي وهتلاقيها قفلت ياما اترجع ياما تكمل علطول ف شارع صغير اول ما تخش الشارع ده هوه على الشمال

محترم جدا بس للاسف معاييش نمرته وبرضو ناسي اسمه

اقتباس:

---

المشاركة الأصلية كتبت بواسطة hamada_5034

انا معاك يامعلم ادينى رقمة او قولى فين وانا هروح على طول بس اهم حاجة يكون فاهم وعنده ضمير لان انا بصراحة تعبت من الناس بتاعت التكييف

---

بس انا اقترح لك طبعا تروحله بس قبل ما تروح خلي حد معاه لانوس برضو يشوف التكييف بتاعك ويقارنه بعده لان ممكن مشكلتك دي تكون مشكله وسوسه مش اكتر

اقتباس:

---

المشاركة الأصلية كتبت بواسطة حماده المصري

ندخل من شارع ومبي ونمشي لاخره

بعد كده نخش يمين بيبقى على اليمين صور معهد السينما هتمشي سنه بسيطه هتلاقي كشك على اليمين

اول ما تلاقي الكشك على اليمين الراجل في الشارع الي قصاده الناحيه التانيه يعني تلف وترجع يبقى الكشك على شمالك تخش يمين هتلاقي اليمين ده شارعين رايح جاي امشي فيه هو صغير اوي وهتلاقيها قفلت ياما اترجع ياما تكمل علطول ف شارع صغير اول ما تخش الشارع ده هوه على الشمال

محترم جدا بس للاسف معاييش نمرته وبرضو ناسي اسمه

---

شكرا

انا عارف المنطقة هناك بالشبهة و لو سالت هعرف اوصل باذن الله

هوه الموضوع مش هيتوه خصوصا لو انت في الهرم بس انا عموما لما بوصف مش بعرف اوصف زي الناس

يعني الكشك على اليمين هوه على الناحيه الشمال بس جوه شويه

وشارع ومبي الرئيسي ده معروف على نصيته كنتاكي وبيتزا هات هتخش من عندهم يمين للاخر تخش يمين هتلاقي الصور على اليمين سهله

ولو عايز اجي معاك مفيش مشكله

قصدك عاطف بتاع التكييف يا باشا؟؟؟

اقتباس:

---

المشاركة الأصلية كتبت بواسطة حماده المصري

هوه الموضوع مش هيتوه خصوصا لو انت في الهرم بس انا عموما لما بوصف مش بعرف اوصف زي الناس

يعني الكشك على اليمين هوه على الناحيه الشمال بس جوه شويه

وشارع ومبي الرئيسي ده معروف على نصيته كنتاكي وبيتزا هات هتخش من عندهم يمين للاخر تخش يمين هتلاقي الصور على اليمين سهله

ولو عايز اجي معاك مفيش مشكله

---

متقلقش يا باشا

انا اصلا هخش شارع ومبى من جوه مش من الهرم

اقتباس:

---

المشاركة الأصلية كتبت بواسطة damasry

قصدك عاطف بتاع التكييف يا باشا؟؟؟

---

والله ما اعرف هما اتنين اخوات كده وسنهم كبير مش شباب يعني مثلا 35 سنه ومتختخين شويه

هما يا باشا بس انا رحت ليهم وهما خبرة تمام لكن معندهمش اجهزة حديثة والفريون اللى عندهم خبرة

لا ياباشا هما عندهم جهاز غريب كده بعجل وعندهم فريون

وبعدين انا اللي يهمني انه يطلع تكييف يعمل بكفاءه

انا كزا مره اروح لناس بتوع تكييفات وتسمع فتي السنين عندهم

بس بصراحه عمري ماروحت له ولقيته بيفتي وبعدين التكييف اساسا مش معضله هوه كمبريسور شغال وكميه شحن وشويه مواسير لو في تسريب في حاجه فيهم بتتزبط او تتغير وده اللي الصنايعي المفروض يكون فاهم ازاي يكشف على العربيه وشكرا