الموضوع: هو مش البتاع التيوبلس ده مابيفرقعش !

انا مبقتش عارف الحقيقة
بس انا ماشي النهاردة قلقان قلق السنين
وكل ما سرعتي تزيد أنزل تاني
حاجة قلق

حمد الله على سلامتك
انا رايى انا فى الكاوتش بالذات خليك فى المعروف و المضمون فى الماركات و كمان تشتريه من حد انت عارفه كويس او بتتعامل معاه .
وربنا يستر طريقك و امشى على مهلك ، مش مهم ان توصل بسرعة المهم انك توصل بالسلامة

حصلت معايا مرة كنت ماشى 150 والفردة اليمين ورا لقيتها نامت مرة واحدة ولما ركنت ونزلت لقيت الفردة على الارض وفيها حتت سوداء زى ما يكون اماكن حرق واستغربت لان اى فردة قبل كده كان ممكن اقعد عليها كام يوم والمسمار فيها بس اللى اكتشفتة بعد ما حليت الفردة ان فيها مكان مسمار فاضى وده معناه ان المسمار خرمها وطلع من الفردة وده اللى خلاها تريح بسرعة

تقريبا حصل قطع فى الفرده وممكن يكون عيب صناعه

الله يسلمكوا
انا وريتها لناس كتير وكله مستغرب
لو عمر أفتراضي كان السلك ضرب أو الفردة أتفرتكت
انما ده فيها خرم واسع مش قطع !

اولا يا باشا حمد لله على سلامتك والحمد لله انها جت على قد كده وعلى مهلك :)

انا بقى لسه العجله الشمال ورا طايره امبارح منى تخيل والله العظيم انا كنت حاسس نفسى فى حلم او بتفرج على فيلم اكشن

لقيت العجله طارت وبتقطع الطريق للناحيه التانيه والحمد لله انى كنت ماشى 40 او 50 مش فاكر واللى ورايا كان بعيد عنى ومفيش حد كان جاى فى الوقت ده فى الاتجاه التانى ودوخت علشان الاقى الجنط والمسامير بس الحمد لله ......والعربيه الحمد لله ثابته وقدرت اوقفها .. مش عارف بقى حد هوا المسامير او حد حاول يسرق الجنط وشاف حد جاى الله اعلم :(

ونصيجه اظبط العجل نيتروجين علشان مش كل شويه تظبط الهوا ومعظم بتوع الكاوتش والبنزينات المقياس بتاعهم بايظ عن تجربه على فكره ... وربنا يستر طريقنا جميعا