الموضوع: للبيع بيجو 305 موديل 79

1-ماركة السيارة: بيجو
2-الموديل/السنة: 305 موديل 79
3-عدد الكيلومترات: كتييييييييييير
4- نوع ناقل الحركة ( مانيوال - أوتوماتيك - ستيبترونيك ): مانيوال
5-لون السيارة: حمراء
6-الكماليات (كاسيت-تكييف-زجاج كهرباء-باور): كاسيت بفلاشة وسماعات وبفتحة سقف
7-حالة الصاج او الخوارج (رشة مناطق كذاوكذا او فابريكة او فابريكة ورشة وش نضافة): الحالة العامة جيدة ومحتاجة رش كبوت عشان فية حتة بوية واقعة من قعدة الاطفال عليها وحته ورا فوق الشنة بردوا وحتة من الجنب عند الفانوس اللي ورا يمين لكن غير مؤثرة
8-حالة الدواخل (رشة مناطق كذاوكذا او فابريكة): السيارة فبريكة دواخل وحوض سليم بحالتة وفيها بارومة عند الرفرف اللي قدام مش في حتة مؤثرة
9-حالة الصالون (معقول-جيد-جيد جدا - ممتاز- حالة نادرة): حالة الصالون جيدة جدا ولكن محتاج كسوة لكن الكلاسي سليمة وقابلة للحركة بصورة ممتازة
10-الحالة العامة او التقييم العام للسيارة (معقول-جيد-جيد جدا - ممتاز- حالة نادرة): ممتازة أو جيدة جدا
11-حالة البطارية: جيدة جدااا
12-حالة الكاوتش (جديد او مستعمل كام كم؟): العجل الأمامي تيوبلس من فترة قريبة والخلفي شنبر والشنبر الداخلي جديد
13-السعر المبد ئي كام (هل قابل للتفاوض او نهائي): 15000 وهو نهائي
14-اسم صاحب الاعلان ورقم هاتفة: أحمد علوان ورقم الهاتف 0101296573
15-تاريخ انتهاء الرخصة: 22/10/2011
16-اول يد او ثاني او ثالث الخ الخ: والله مانا عارف هاهاهاها
17-امكانية البيع بتوكيل او اشتراط التسجيل: تسجيل
18-حالة الموتور: حالة الموتور ممتازة عمرة كاملة من حوالي 4 شهور كل حاجة في العمرة كانت جديد فرنساوي ما عدا الشنبر كان جديد برازيلي واسبراتير جديد فرنساوي بتاع 405 وقواعد موتور جديدة والعربية ما شاء الله سحب وجري وبجيب بيها 140 عادي جداااااااا والردياتير حالتة كويسة بس لو اتغير يكون احسن والعربية كل يوم باخد بيها مشوار الشغل 130 كيلو يوميا الحمد لله وبسم الله ماشاء الله بدون مشاكل وبسرعة في حدود 120 او 130 بدون اي مشاكل وفتيس جديد وكبالن حالتها جيدة وعفشة كويسة
19-مكان المعاينة: العباسية
20- سعة المحرك اللترية و عدد السلندرات: 1500 - 4 سلندر


في المجمل حالة السيارة جيدة جدا لا تحتاج مصاريف السيارة من بعد العمرة لا توجد بها اي مشاكل واعتمادية جدااااا كل شيئ في العربية يعمل بكفائة والعربية لو ملتها ناس وشيل وجريت بيها مفيش اي مشكلة.
وسيتم افراق صور للسيارة قريبا

المشاركة الأصلية كتبت بواسطة lada2010

لو تمشى معاك على 9500 ان شارى لان بصراحة دوال اللى معايا

للاسف يا باشا معلش متمشيش بالسعر ده فعلا وأكيد ممكن تلاقي ب 9500 دي بس هاتصرف وكتير واكيد الموتور هايكون رايح في مصيبة ومش هاتكون الاساسيات سليمة وربنا يوفقك ويرزقك بأحسن عربية

المشاركة الأصلية كتبت بواسطة alaasamy5611

عربيه جميله .. بس محتاجه سمكرة بسيطه ووش نضافه وفرش داخلى ... وأنا عارف انك صرفت عليها كتير وبتجيبلها كل حاجه أصلى جديد فرنساوى .. فعلاً عربيه محترمه .. ربنا يسهلك بيعها ويبارك للمشترى فيها وليك فى تمنها .

وإسمح لى أن أرد على الأخ الفاضل لادا 2010 أرجوك لا تبخس الناس أشيائهم ومفيش داعى لجملة أصل دول اللى معايا والكلام اللى من النوع ده لو عربيتك هى اللى معروضه وشفت حد من الأعضاء بيبخسلك تمنها كده أكيد ممكن يجيلك الضغط فأرجوك خلى الفصال والكلام ده على الخاص أو فى التليفون أو عند المعاينه .. وأسف لو كلامى أزعجك .. وشكراً

شكرا يا أخي والله انا باحب المنتدى من الناس المحترمة اللي زي حضرتك وشكرا لردك الجميل وادعيلي ربنا يوفقني

المشاركة الأصلية كتبت بواسطة aboomar22

صح خلى الكلام فى الاسعار على الخاص احسن لان طبعا انا لو عايز اتكلم فى 14 مثلا ولقيت حد بيقول 9500 يعنى انا معاك فى كلامك وعلى فكرة احمد علوان بيصرف على العربية كويس وبيجيب كل حاجتها اصلى لان انا عرفه من زمان وادخلوا قسم بيجو هتلاقوا موضوعاته

حبيبي أبو عمر شكرا ليك وانت متابع معايا انا كنت باعمل اية في العربية وكنت باجيب الحاجة ازاي وربنا يكرم ان شاء الله وتتباع على خير وربنا يبارك للي هايخدها