الاسبوع اللى فات كنت سافرت القاهرة أخلص ورق اخويا من الجامعة و اهى فرصة اريح من الشغل .. خدت لوجى و رحت عند شركة جينز كار اللى اعلانها فوق .. استقبلنى الاستاذ عبد الفتاح مشعل و انا كنت مقرر اعمل الفرش الاسود ف ازرق اللى صورتة موجودة ف الاعلان بس اتفرجت على شكل اشيك عجبنى وهو تلتين المقعد و الضهر ازرق و الباقى اسود .. اخترت الجلد الالمانى و واتفقت على سعرة ( هوة غالى حبتين بس يستاهل) و سبتلة العربية من 2 الضهر لحد 10 بالليل و رحت استلمتها .. العربية ماشاء اللة شكلها جميل و قعدتها مريحة .. الفرش تضمن جلد الكراسى لونين اسود و ازرق و مسند الراس و غطا الفرامل و الدركسيون .. الارضية و الشنطة جلد .. ميزة الفرش انة بيتبطن باسفنج قوى و ناعم مش بيتكسر و الخياطة بتاعتة بتيجى فوق خياطة الفرش الاصلى فابيحافظ علية و بيبان اكنة شغل توكيل دة غير انى كنت مختار اوبشن اعلى و هوة الخياطة الدابل ( الفرش بيتخيط 3 مرات فوق بعض عشان يكون اقوى) و دى زودت السعر .. بشكل عام انا راضى جدا عن الشغل ومع غلو سعره بس بجد يستاهل و كفاية المعاملة الجميلة اللى شوفتها هناك من الاستاذ عبد الفتاح و اهو خدتلى فوطتين وفواحتين كادوه .. معلش طولت عليكم اسيبكم مع الصور و يارب الفرش يعجبكم ..........