الموضوع: استفسار عن حشو العصب

الحمد لله لسه جاي الل حصل الاتي

رحت انا وواحد صاحبي وكنت حاجز التاني واستنين 5 دقائق ودخلت خدت حقنة البنج واول ماشفت الحقنه روحي نزلت في الصندل وشكتني سنه بسيطه وطلعت بره 5 دقايق ودخلت تاني وجاب العده بتاعته وحسيت ان شفايفي نملت وبجد محسيتش باي شيء وهو عمال ينخور وكل شويه كل اللي طالع عليه اتمضمض
وحبه يقولي انت معايا ولا فطست

المهم بقي لقيته بيقولي العصب بتاعه ضيق او جدره ضيق وفي التهاب جامد وقال الكلمه اللي صدمتني: يارب الموضوع ده ينفع
نعم ياخويا يعني بعد الزل ده ممكن مينفعش قالي ممكن وساعتها هنضطر نخلع
طيب هنعرف امتي قالي بعد كام جلسه كده ان شاء الله هنشوف اذا الدنيا بقت حلوه ومفيش الم هنكمل ونحشي غير كده يبقي خلع

ادعولي ربنا يكرم عشان مش طالبه خلع خالص

شنوري باشا انا مش عايز اخلع عشان ده تاني ضرس من ناحية السنان يعني هيضايقني جدا في الأكل ده غير انه اكيد هياثر علي الضروس اللي حواليه لانهم حاسسهم مش ثابتين قوي وبيتسندو علي بعض

وده كلها غلطتي لاني غبي واول ماوجعني من شهر كان المفروض رحت جري علي الدكتور لكن بقي كالعاده قلت زمانها حاجه من الأكل دخلت فيه وهتروح كمان يوم ولا اتنين لحد ماالدنيا باظت