الموضوع: اسئله وأجوبه عن سوزوكى التو

بسم الله الرحمن الرحيم

إخوانى الأعزاء أنا بإذن الله هاشترى سوزوكى التو 800 Cc مانيوال

وعايز أعرف إيه اللى هاسئل عليه وأنا بشتريها وإيه اللى بيجيى معاها وأتأكد منه

وإيه هيه الأكسسوارات اللى بتيجيى معاها

وعايز أعرف مكان موزع معتمد يكون فيه الإستلام خلال يومين أو إسبوع لأنى سئلت فى مودرن قالى

الإستلام بعد شهر ونص وأنا مش عايز أستنى كل الوقت ده

بيقولى فى الحجز بـ 1000 جنيه بعد كده بدفع باقى المبلغ وإستلم العربيه هل الإستلام أثناء الدفع

ولا الدفع الأول وبعد كده الإستلام

أرجوا الرد والإفاده ؟؟

العفو يا سيدى دى حاجة بسيطة

المفروض ان ثمن الحجز يتخصم طبعا من ثمن العربية ، اما لو رجعت فى كلامك ده يعتمد على نظام المكان الي بتشترى منه ، ممكن يرجعهملك كلهم او نسبة معينة و تسأل قبل ما تحجز احسن

و زى ما قلتلك ان المصرية ان شاء الله مش حتأخرك كتير
و انا بصراحة معرفش معارض تانية

بخصوص اسعارهم ، اعتقد ان كل العربيات الاقل من 1100 سى سى احتمال سعرهم يغلى لأنهم حيبقوا العربيات الوحيدة الي تنفع فى البلد دى خصوصا مع وجود اشاعات ان فى زيادات اخرى فى البنزين كمان كام شهر ، والله اعلم