اخوكم من دايو انا جايلكم و محتاج مساعدتكم

**احمد ابراهيم** · 20-08-2011 03:56 PM

بسم الله

ازيكم يا رجالة و كل سنة و انتوا طيبين
انا معايا دايو لانوس و ان شاء الله هغير و عايز اجيب جولف 4 لكن كل ما اقول كده الناس تقولى انت مجنون دى قطع غيارها نار و مش اى حد بيفهم و لو لقيت ميكانيكى بيفهم فيها هيخيطك
دا غير انى سمعت اسعار متفاووته تفاوت كبير يعنى سمعت فيها من اول 50000 لغايه 70000

انا بس عايزكم تدلونى سعر العربية دى كام النضيف منها يعنى تكون فابريقة جوه على الاقل و مش محتاجة مصاريف و الموتور بتاعها يكون حالته تمام و يكون 1600 لان كل اللى شوفته 1400 و بيقولو عليها بطه بلدى او 1800 و بيقولو ان ده مش كويس عشان بيبقى اتلعب فى العربية و ممكن تكون مش مظبوطة و كمان عايز اعرف اسعار قطع الغيار بتاعتها

و لكم جزيل الشكر يا رجالة

**M.Mostafa80** · 20-08-2011 06:56 PM

بالنسبه للجولف هى عربيه ممتازه
السعر من 60 الى 65 حسب الحاله 50 الف دى تبقى اكيد معيوبه
اغلب الجولف 4 الأستوك بتاعها 1400 ال 1600 فابريكه نادر شويه
فعلا ال 1800 بيبقى متسقطلها موتور وقليل لما تلاقى حد مسقط مظبوط من غير عك
اسعار قطع الغيار هتبقى اغلى من الانوس ممكن تبقى الضعف بس عمرها الأفتراضى اكبر بمراحل
ربنا يوفقك وتلاقى عربيه كويسه هتتبسط بيها قوى
اهم حاجه الكشف الكويس عليها قبل الشراء
الميكانيكه فى كل منطقه فى القاهره فى 2 او3 بيفهمو كويس فى العربيه لو هى حاجه متخصصه قوى لكن الحاجات العاديه ممكن اى حد بيفهم كويس فى الميكانيكه يعملها
اماكن المتخصصين
الحرفيين فى مش اقل من 3بيفهمو كويس
رضا وسيد جولف وياسر
جسر السويس 2
سيد عبده وهانى عصمت ومحمد سمير ودول تقدر تقول عليهم مركز خدمه شامل
الهرم
فولكس سنتر ورمضان ومحمد رمضان ورامى
واى استفسار تحت امرك
وعمتا عشان تبقى عارف المكنه الجولف 4 ال 1400 2 كامه 16 صباب 75 حصان