الموضوع: ممكن نصيحة لوجة الله

السلام عليكم فالبداية احب ان اوجة شكر لكل عضو داخل هذا المنتدى الرائع والذى بفضلة بعد الله عز وجل رزقت بسيارة هوندا سيفيك موديل 2008 منذ شهرين وشوية والحمد لله فضل ونعمة من عندة.....وطمعا فى الاستفادة من خبراتكم التى استفدت منها الكثير اود ان استشيركم فى شراء سيارة اخرى بس المرة دة لزوجة اخى ....وبينى وبينكم انا مدبس فى الموضوع دة على الاخر
اخويا مسافر السعودية وهيرجع يستقر فى مصر ان شاء الله كمان سنة ونص كدة المهم هوة كان عايز يجيب عربية لمراتة ولاولادة تكون محترمة وفى نفس الوقت يكون سعرها كويس وذات جودة عالية طبعا انا نصحتة بالكورولا او السيفيك بتاعتى اللى بموت فيها بالرغم انها ضايقتنى بس فى حوار كدة كان حصلها حادثة يعنى فكانت قطع غيارها غالية حبتين المهم كان الرد انة عايز حاجة ارخص شويتين لانة فى نفس الوقت لما هينزل هينزل عربية معاة فهوة عايز العربية اللى يجيبوها تبقى حاجة فخمة بردك وتعيش وتكون اقل شوية............وعلشان تقدروا تحددوا معايا النوع هقولكم على احتياجتهم
اولا العيلة هم مراتة و3 اولاد 21 سنة 18 سنة 14 سنة وبنت 7 سنين
محدش بيعرف يسوق غير الابن الاكبر والام اتعلمت فى مركز سواقة ويعنى سواقتها تمشى الحال
العربية موجهة للعيلة بأكمل.......والولدين الكبار بالاخص علشان يروحوا بيها الجامعة طبعا دة المشكلة ساكنين فى الشيخ زايد والجامعة فى القاهرة يعنى مشوار المحور رايح جاى بتاع 70 كيلو طبعا غير المدام اللى بردك هتهلكها
بعد ما اخويا ينزل ان شاء الله تكون العربية بردك حالتها كويسة ويخلوها تسند جنب العربية التانية
طبعا انا عارف انى رغيت كتير وممكن تقولوا الناس دة فلوسها كتير بس عايز اقولكم ان دة اول عربية هتشوفها الناس دة ولو كان اخويا عايش فى مصر ومش مسافر برة مكنش زمانة اتعلم سواقة اصلا........المهم همة الحمد لله ممكن يدفعوا لحد 100 الف بزيادة الف ولا اتنين لو طلب الحال
بس طبعا لو العربية تبقى ارخص وتحقق الشروط المطلوبة تبقى افضل: فالاختيارات اللى موجودة كتيرة ومحيرة بس ايهم يناسب تلك الظروف:
دايو لانوس.......... شاهين 1400.....فيرنا 1600.............افيو ...........بونتو.........سيريون........ ..نوبيرا..........اوبترا.........يا� �س.........
لانسر 1300.......لانسر 1600
انا عارف انى جبتلكم كل العربيات بس هية الفكرة اختيار اللى تحقق الشروط
بمعنى مثلا لو النوبيرا هتحقق الشروط دة وسعرها 76 يبقى نوفر باقى الفلوس احسن
مع ان رأى المتواضع اللى اتعلمتة منكم ان الشروط دة كلها غالبا هتتوفر فى لانسر 1300 اتوماتيك او 1600 اتوماتيك
لانها يابانى متجربة 5 سنين واتوماتيك مريح للى لسة هيتعلموا وبرستيج بردك ولو 1300 زى الفل هتوفر بنزين ولو 1600 زى الفل اكتر
طبعا اخويا همة توفير الفلوس مراتة ملهاش فى العربيات خالص ابنها الكبير نفسة يجيب لانسر.......................

فأرجوكم افيدونا لوجة الله وجزاكم الله كل خير ........................اخوكم فى الله عزت

ارشح لحضرتك الهوندا سيتى والسيريون